Corona : सोलापुरात कोरोनाबाधित महिलेच्या संपर्कातील 10 जणांचा अहवाल पॉझिटिव्ह
कोरोना रुग्णांच्या संख्येत दररोज वाढ होत आहे. सोलापूर शहरात दहा जणांना कोरोनाची लागण झाली आहे.
सोलापूर : राज्यात कोरोनाचा विळखा दिवसेंदिवस (Solapur Corona Update) वाढत चालला आहे. कोरोना रुग्णांच्या संख्येत दररोज वाढ होत आहे. सोलापूर शहरात दहा जणांना कोरोनाची लागण झाली आहे. जिल्हाधिकारी मिलिंद शंभरकर यांनी ही माहिती दिली. त्यामुळे आता सोलापुारतीलल कोरोनाबाधितांची (Solapur Corona Update) संख्या 12 वर येऊन पोहोचली आहे.
सोलापुरातील तेलंगी पाछा पेठ परिसरात एका किराणा दुकानदाराचा मृत्यू झाला होता. त्याच्या मृत्यूनंतर त्याचा अहवाल पॉजिटिव्ह आला होता. त्यामुळे त्याच्या संपर्कातील लोकांची वैद्यकीय तपासणी करण्यात आली होती. त्यात एका महिलेला कोरोनाची बाधा झाल्याचं समोर आलं होतं. त्यानंतर तिच्या संपर्कातील इतर व्यक्तींचीही वैद्यकीय तपासणी करण्यात आली होती. त्यातील 42 जणांचे अहवाल प्राप्त झाले असून 42 पैकी 10 जणांचे अहवाल पॉजिटिव्ह आले आहेत. तर, उर्वरित 32 जणांचे अहवाल निगेटिव्ह आले आहेत.
या दहा पैकी एक मृत व्यक्तीच्या संपर्कातील, तर उर्वरित 9 जण संबंधित कोरोनाबाधित झालेल्या महिलेच्या संर्पकातील आहेत. लोकांनी सरकारी यंत्रणेच्या आवाहनास प्रतिसाद द्यावा. सोशल डिस्टन्स पाळावा, असे आवाहनही जिल्हाधिकारी यांनी केलं आहे (Solapur Corona Update).
महाराष्ट्रातील ‘कोरोना’बाधित तीन हजारांच्या पार, मुंबईतच 2003 रुग्ण https://t.co/XjXegS11L3 #coronavirus
— TV9 Marathi (@TV9Marathi) April 16, 2020
राज्यतील स्थिती काय?
महाराष्ट्रात 165 नवीन ‘कोरोना’ रुग्णांची नोंद झाली आहे. त्यामुळे राज्यातील ‘कोरोना’बाधितांची संख्या 3081 वर पोहोचली आहे. एकट्या मुंबईत गेल्या काही तासात 107 नव्या रुग्णांची भर पडल्याने आकडा 2003 वर गेला आहे. तीन हजार रुग्णांचा टप्पा ओलांडणारे महाराष्ट्र हे भारतातील पहिले राज्य झाले आहे. (Maharashtra Mumbai Corona Patients Update)
मुंबईमध्ये 107, तर पुण्यात 19 नव्या ‘कोरोना’ग्रस्तांची नोंद झाली आहे. त्याशिवाय नागपूरमधील 11, ठाण्यातील 13 नव्या रुग्णांची भर पडली आहे. पिंपरी-चिंचवड (पुणे) आणि मालेगाव (नाशिक) मध्ये प्रत्येकी चार नवे रुग्ण आढळले आहेत.
याशिवाय, नवी मुंबई आणि वसई-विरार (पालघर) मध्ये प्रत्येकी दोन, तर अहमदनगर आणि पनवेल (रायगड) मध्ये प्रत्येकी एक नवा ‘कोरोना’ रुग्ण सापडला आहे. तर औरंगाबादेत तीन नवे कोरोनाबाधित रुग्ण आढळून आले आहेत.
Solapur Corona Update
संबंधित बातम्या :
महाराष्ट्रातील ‘कोरोना’बाधित तीन हजारांच्या पार, मुंबईतच 2003 रुग्ण
Corona : औरंगाबादेत गर्भवती महिलेसह तिघांना करोना, आकडा 28 वर
बारामतीतील रिक्षाचालक ‘कोरोना’मुक्त, हिंगोलीतील पहिल्या रुग्णाचे रिपोर्टही निगेटिव्ह
Corona | उद्धव ठाकरे सरकार फेल, महाराष्ट्रात लष्कर बोलवा : नारायण राणे