वडील पुतण्याकडे वास्तूशांतीसाठी, संधी साधत दारुड्या मुलाकडून आईचा खून

जालना : दारुड्या मुलाने आपल्या जन्मदात्या आईचा खून केल्याची धक्कादायक घटना घडली आहे. विशेष म्हणजे या आरोपीने स्वत: घटनेची माहिती फोन करुन मामाला दिली. जालना जिल्ह्यातील बदनापूर तालुक्यातील लालवाडी शिवारात ही घटना घडली आहे. (Son Killed Mother In Jalna)

यानंतर आरोपी मुलाने घटनास्थळावरुन फरार झाला आहे. त्याच्याविरुद्ध बदनापूर पोलीस ठाण्यात गुन्हा नोंदवण्यात आला आहे. सध्या पोलीस आरोपीचा शोध घेत आहे.

नेमकं प्रकरण काय?

बदनापूर तालुक्यातील लालवाडी येथील  राहणारे आरोपीचे वडील भागचंद दगडू बारवाल (65) हे गुरुवारी रात्री आपल्या पुतण्याच्या घरी वास्तूशांतीसाठी गेले होते. वडील घरी नाही ही संधी साधत दारुडा मुलगा गोपीचंद बारवाल (35) याने आई अन्साबाई बारवाल (60) यांच्यावर धारदार शस्त्राने हल्ला केला. यात अन्साबाई यांचा जागीच मृत्यू झाला आहे.

त्यानंतर माथेफिरु मुलगा गोपीचंद बारवाल याने स्वतः मामाला फोन करून आईचा खून केल्याची माहिती दिली. या घटनेची माहिती मिळताच उपविभागीय पोलिस अधिकारी सुधीर खिरडकर यांच्यासह इतर सर्वजण तातडीने घटनास्थळी धाव घेतली.

त्यानंतर बदनापूर पोलीस ठाण्यात आरोपी गोपीचंद भागचंद बारवाल संयांच्याविरुद्ध गुन्हा दाखल करण्यात आला आहे. सध्या आरोपीचा शोध घेण्यासाठी पोलीस पथक रवाना झाले आहे. या आरोपीला पकडल्यानंतर त्याने हा खून नेमका का केला याचे कारण स्पष्ट होईल, असे पोलिसांकडून स्पष्ट होईल.  (Son Killed Mother In Jalna)

संबंधित बातम्या : 

लग्नाच्या पहिल्याच रात्री हत्येचा थरार, पत्नीचा जीव घेऊन 24 वर्षीय तरुणाचा गळफास

प्रियकराच्या मदतीने पतीची हत्या, विषारी औषध पाजून मृतदेह पुरला, महाराष्ट्रात आणखी एक थरार