राज्यातील कोरोना रुग्णांची संख्या 5218, कोठे किती रुग्ण?
राज्यात आज (21 एप्रिल) 552 नवीन कोरोना रुग्णांची नोंद झाली. त्यामुळे राज्यातील एकूण कोरोना रुग्णांची संख्या 5218 झाली आहे (Total Corona Patient in Maharashtra ).
मुंबई : राज्यात आज (21 एप्रिल) 552 नवीन कोरोना रुग्णांची नोंद झाली. त्यामुळे राज्यातील एकूण कोरोना रुग्णांची संख्या 5218 झाली आहे (Total Corona Patient in Maharashtra ). विशेष म्हणजे आज दिवसभरात राज्यात 150 रुग्ण उपचारानंतर ठणठणीत बरे झाले असून त्यांना घरी सोडण्यात आले. यासह राज्यभरात आतापर्यंत 722 रुग्ण बरे झाले आहेत. एकूण 4245 रुग्णांवर सध्या उपचार सुरु आहेत, अशी माहिती आरोग्यमंत्री राजेश टोपे यांनी दिली.
महाराष्ट्रात आत्तापर्यंत 83 हजार 111 कोरोना चाचणी झाल्या. यापैकी 77 हजार 638 जणांची चाचणी निगेटिव्ह आली, तर 5218 जण पॉझिटिव्ह आली आहे. सध्या राज्यात 99 हजार 569 लोक होम क्वारंटाईनमध्ये आहेत. तसेच 7,808 लोक संस्थात्मक क्वारंटाईनमध्ये आहेत. आज राज्यात 19 कोरोना बाधित रुग्णांचा मृत्यू झाला आहे. कोरोनामुळे राज्यात झालेल्या मृत्यूंची संख्या आता 251 झाली आहे. आज झालेल्या मृत्यूंमध्ये मुंबई येथील 12, पुण्यातील 3, ठाणे मनपा क्षेत्रातील 2 तर सांगली येथील 1 आणि पिंपरी चिंचवड येथील एका रुग्णाचा समावेश आहे. आज झालेल्या मृत्यूंपैकी 10 पुरुष तर 9 महिला आहेत. त्यात 60 वर्षे किंवा त्यावरील 9 रुग्ण आहेत तर 9 रुग्ण हे वय वर्षे 40 ते 59 या वयोगटातील आहेत. एक रुग्ण 40 वर्षांखालील आहे. या 19 मृत्यूंपैकी 12 रुग्णांमध्ये (63 टक्के) मधुमेह, उच्च रक्तदाब, हृदयरोग अशा स्वरुपाचे अतिजोखमीचे आजार आढळले आहेत.
राज्यात आज 552 कोरोना बाधीत रुग्णांची वाढ झाली व एकूण संख्या आता 5218 अशी झाली आहे. यापैकी 772 कोरोना बाधित रुग्ण बरे होऊन दवाखान्यातून घरी पाठविण्यात आले आहेत.#CoronaVirusUpdates #MeechMazaRakshak #मीचमाझारक्षक #मैंहीमेरारक्षक
— Rajesh Tope (@rajeshtope11) April 21, 2020
राज्यात रुग्णांचे क्लस्टर सापडलेल्या भागात क्लस्टर कंटेनमेंट कृतियोजना अंमलात आणण्यात येत आहे. राज्यात सध्या 432 कंटेनमेंट झोन क्रियाशील आहेत. आज एकूण 6611 सर्वेक्षण पथकांनी काम केले. यात त्यांनी 26.89 लाख लोकसंख्येचे सर्वेक्षण केले आहे.
कोरोना रुग्णांची अद्ययावत आकडेवारी :
| जिल्हा | रुग्ण | बरे | मृत्यू |
|---|---|---|---|
| मुंबई | 343962 | 318995 | 11535 |
| पुणे | 439562 | 405696 | 8144 |
| ठाणे | 293052 | 274816 | 5873 |
| पालघर | 49872 | 47852 | 939 |
| रायगड | 72974 | 69761 | 1613 |
| रत्नागिरी | 12336 | 11646 | 425 |
| सिंधुदुर्ग | 6777 | 6359 | 180 |
| सातारा | 60722 | 57120 | 1858 |
| सांगली | 51829 | 49294 | 1800 |
| नाशिक | 137449 | 128167 | 2093 |
| अहमदनगर | 79880 | 76380 | 1171 |
| धुळे | 18870 | 16902 | 337 |
| जळगाव | 69604 | 63098 | 1542 |
| नंदूरबार | 11448 | 10157 | 229 |
| सोलापूर | 59754 | 56379 | 1859 |
| कोल्हापूर | 50144 | 48056 | 1684 |
| औरंगाबाद | 59429 | 50987 | 1289 |
| जालना | 16713 | 15779 | 394 |
| हिंगोली | 5342 | 4497 | 100 |
| परभणी | 9332 | 7943 | 313 |
| लातूर | 26927 | 25245 | 716 |
| उस्मानाबाद | 18533 | 17413 | 576 |
| बीड | 20796 | 18513 | 577 |
| नांदेड | 26170 | 22710 | 692 |
| अकोला | 20302 | 16111 | 404 |
| अमरावती | 43318 | 38752 | 567 |
| यवतमाळ | 21989 | 18875 | 497 |
| बुलडाणा | 20865 | 17605 | 270 |
| वाशिम | 11352 | 10120 | 169 |
| नागपूर | 173547 | 152959 | 3584 |
| वर्धा | 16143 | 14254 | 325 |
| भंडारा | 14604 | 13711 | 315 |
| गोंदिया | 14858 | 14440 | 175 |
| चंद्रपूर | 25987 | 24485 | 422 |
| गडचिरोली | 9325 | 8994 | 103 |
| इतर राज्ये (महाराष्ट्रात उपचार सुरु) | 146 | 0 | 91 |
| एकूण | 2314413 | 2134072 | 52861 |
टीप : या तक्त्यातील रुग्ण संख्या रुग्णाने दिलेल्या पत्त्यानुसार आहे. काही रुग्णांचे प्रत्यक्ष वास्तव्य वेगळीकडे असू शकते. जिल्हा/मनपांनी उपलब्ध करुन दिलेल्या पत्त्यानुसार रुग्णसंख्येत बदल झालेला आहे. चंद्रपूर मनपातील रुग्ण हे परदेशात संसर्गग्रस्त झालेले आहेत. आज मुंबई मनपा क्षेत्रात प्रयोगशाळेकडून प्राप्त झालेल्या 17 एप्रिलपासूनच्या अहवालातील रुग्णांचा समावेश करण्यात आलेला आहे.
संबंधित बातम्या :
वर्ध्यात जिल्हा प्रशासनाचा पुढाकार, निवारा गृहातील 6800 विस्थापित मजुरांच्या हाताला काम
Kasturba Hospital | कस्तुरबा रुग्णालयाचं शतक, शंभरावा रुग्ण बरा करुन घरी पाठवला
लॉकडाऊनदरम्यान Whatsapp कडून युझर्ससाठी नवं फीचर लाँच
आधी ‘मातोश्री’जवळचा चहावाला, आता ‘वर्षा’वरील महिला पोलीस कोरोना पॉझिटिव्ह!
Total Corona Patient in Maharashtra