Maharashtra Corona Update | राज्यात 32,329 रुग्णांची कोरोनावर मात, बाधितांचा आकडा 74,860 वर

मुंबई : राज्यात आज (3जून) कोरोनाच्या रुग्णांमध्ये 2,560 नवीन (Total corona patient in Maharashtra) रुग्णांची भर पडली आहे. तर दिवसभरात 996 रुग्ण बरे झाले आहेत. यासह महाराष्ट्रातील कोरोनाबधितांचा आकडा 74 हजार 860 वर पोहोचला आहे. यापैकी 32 हजार 329 रुग्ण कोरोनामुक्त झाले आहेत. सध्या राज्यात 39 हजार 935 सक्रिय कोरोना रुग्ण असून त्यांच्यावर उपचार सुरु (Total corona patient in Maharashtra) आहेत.

राज्यात आज 122 कोरोनाबाधित रुग्णांचा मृत्यू झाला आहे. त्यामुळे राज्यातील कोरोनाबळींची संख्या आता 2 हजार 587 वर पोहोचली आहे.

आज दिवसभरात कुठे किती जणांचा मृत्यू

मुंबई – 49

उल्हासनगर – 3

ठाणे – 2

नवी मुंबई – 3

वसई-विरार – 1

भिवंडी – 1

मीरा भाईंदर- 1

नाशिक- 8

धुळे – 4

जळगाव – 2

अहमदनगर – 1

नंदूरबार – 1

पुणे – 19

सोलापूर – 10

कोल्हापूर – 2

औरंगाबाद – 16

जालना – 1

लातूर- 1

अकोला – 2

इतर राज्ये – 3

आज नोंद झालेल्या मृत्यूंपैकी 71 पुरुष तर 51 महिला आहेत. आज नोंद झालेल्या 122 मृत्यूपैकी 60 वर्षे किंवा त्यावरील 69 रुग्ण आहेत तर 46 रुग्ण हे वय वर्षे 40 ते 59 या वयोगटातील आहेत. 7 जण 40 वर्षांखालील आहेत. या 122 रुग्णांपैकी 88 जणांमध्ये (72 टक्के) मधुमेह, उच्च रक्तदाब, हृदयरोग, अशा स्वरुपाचे अतिजोखमीचे आजार आढळले आहेत. कोरोनामुळे राज्यात झालेल्या मृत्यूंची संख्या आता 2 हजार 587 झाली आहे.

राज्यात 5 लाख 71 हजार 915 लोक होम क्वारंटाईनमध्ये

आजपर्यंत राज्यात 4 लाख 97 हजार 276 नमुन्यांची कोरोना चाचणी झाली. त्यापैकी 74 हजार 860 जण पॉझिटिव्ह आले आहेत. सध्या राज्यात 46 शासकीय आणि 36 खासगी अशा एकूण 82 प्रयोगशाळा कार्यरत आहेत. राज्यात 5 लाख 71 हजार 915 लोक होम क्वारंटाईनमध्ये आहेत. तसेच संस्थात्मक क्वारंटाईन सुविधांमध्ये 71 हजार 912 खाटा उपलब्ध आहेत. यात सध्या 33 हजार 674 लोक संस्थात्मक क्वारंटाईनमध्ये (Total corona patient in Maharashtra) आहेत.

1 मे ते 1 जून या कालावधीत राज्यातील रुग्ण वाढीचा वेग क्रमशः कमी होत आहे. 1 जून रोजी तो देशाच्या सरासरी पेक्षा (4.74 टक्के ) देखील कमी झालेला आहे. त्याचवेळी रुग्ण दुप्पट होण्याचा कालावधी वाढताना दिसत आहे. यावरुन राज्यातील कोरोना प्रसाराचा वेग मंदावत असल्याचे स्पष्ट होते.

राज्यातील कोरोनाबाधितांची अद्ययावत आकडेवारी

Total corona patient in Maharashtra

संबंधित बातम्या :

जालन्यात कोरोना संशयिताचा अंत्यविधी, मृत्यूनंतर अहवाल पॉझिटिव्ह, अंत्यविधीला उपस्थित 100 जणांवर गुन्हा दाखल

औरंगाबादमध्ये अनलॉक 1 ची अंमलबजावणी, कोरोना संसर्गाची स्थिती काय?

कोरोनाची लस विकसित करण्यासाठी 30 माकडांवर प्रयोग, वनमंत्र्यांकडून माकडं उपलब्ध करुन देण्याचे निर्देश

वर्ध्यातील 21 वर्षीय कोरोनामुक्त तरुणीचा मेंदूज्वराने मृत्यू