सुनेच्या विवाह बाह्य संबंधाला वैतागून सासऱ्याचे टोकाचे पाऊल, सून आणि प्रियकराला ट्रॅक्टरखाली चिरडलं

जालना : विधवा सुनेच्या विवाह बाह्य संबंधाला वैतागून सासऱ्याने सून आणि तिच्या प्रियकराची (Widow Daughter In Law Murder) हत्या केल्याची घटना जालन्यात घडली. सासऱ्याने ही हत्या अपघात असल्याचं दाखवण्याचा प्रयत्न केला. मात्र, प्रियकराने मृत्यूपूर्वी आईला खरी हकिगत सांगितली आणि सासऱ्याचं बिंग फुटलं. या प्रकरणी सासरा आणि दुसऱ्या मुलाला ताब्यात घेण्यात आलं आहे (Widow Daughter In Law Murder).

विधवा सुनेच्या विवाह बाह्य संबंधाला वैतागून सासऱ्याने मुलाकरवी सून आणि तिच्या प्रियकराला ट्रॅक्टरखाली चिरडून टाकल्याची घटना घडली. जालना जिल्ह्यातील अंबड तालुक्यातील चापडगाव शिवारत ही धक्कादायक घटना घडली.

भागवत प्रल्हाद हरबक आणि मारिया विनोद लालझरे अशी मृतांची नावं आहेत. मारियाच्या पतीने दहा वर्षांपूर्वी आत्महत्या केली होती. भागवत हे लालबावटा संघटनेचे चापडगावचे अध्यक्ष होते. बुधवारी संघटनेचा कुंभारपिंपळगावला मेळावा होता. त्यामुळे भागवत आणि मारिया हे दोघे दुचाकीवर मेळाव्याला गेले. पण, दीड तासानंतर भागवतच्या दुचाकीचा अपघात झाला, अशी बातमी कुटुंबियांना समजली.

जखमी अवस्थेत भागवतला रुग्णालयात घेवून जाताना त्याने आईला सांगितले की विकास बथवेल लालझरे याने मुद्दामहून आमच्या अंगावर ट्रॅक्टर घातला. त्यानंतर उपचारादरम्यान त्याचा मृत्यू झाला. तर मारियाचा रुग्णालयात नेतानाच मृत्यू झाला होता.

भागवतच्या आईच्या तक्रारीवर मारियाचा सासरा बथवेल आणि मुलगा विकास यांच्याविरोधात पोलिसांत गुन्हा दाखल करण्यात आला असून दोघांनाही ताब्यात घेतलं आहे.

Widow Daughter In Law Murder

संबंधित बातम्या :

विक्रोळीत भांडणातून सुरक्षा रक्षकाला बांबूने जबर मारहाण, उपचारादरम्यान मृत्यू

जुलैमध्ये मैत्री, ऑगस्टमध्ये लव्ह मॅरेज, ऑक्टोबरमध्ये हत्या