Health Benefits Of Ashwagandha : उत्तम आरोग्यासाठी फायदेशीर अश्वगंधा, जाणून घ्या याचे लाभदायी फायदे

अश्वगंधाच्या शेतीतून मिळवा सर्वाधिक उत्पन्न

मुंबई : अश्वगंधा एक प्राचीन आणि पारंपारिक औषधी वनस्पती आहे. हे केवळ भारतातच नव्हे तर मध्य पूर्व आणि आफ्रिकेच्या काही भागात देखील घेतले जाते. अश्वगंधा हे नाव संस्कृतमधून आले आहे. याचा अर्थ औषधी वनस्पतीचा सुगंध आणि सामर्थ्य आहे. अनेक वर्षांपासून, लोक औषधे तयार करण्यासाठी त्याचे मूळ आणि लाल फळांचा वापर करीत आहेत. हे केवळ शारीरीक रोगांनाच नाही तर मानसिक आरोग्यही योग्य ठेवते. अश्वगंधाचे आरोग्याला काही लाभदायी फायदे आहेत. (Beneficial Ashwagandha for better health, know the benefits)

अश्वगंधा तणाव आणि चिंता कमी करण्यास मदत करते

विज्ञानात अश्वगंधाचा आरोग्यासाठी असलेल्या फायद्यांचा उल्लेख आहे. अश्वगंधाचा वापर तणाव आणि चिंता कमी करण्यासाठी देखील केला जातो. हे आपले शरीर आणि मानसिक संतुलन योग्य ठेवते. यामुळे चांगली झोप देखील येते. अश्वगंधामुळे आपली स्मरणशक्ती चांगली राहते.

रक्तातील साखरेची पातळी कमी करते

अश्वगंधामुळे तुमच्या रक्तातील साखरेची पातळी कमी होते. ज्या लोकांना मधुमेह आहे, त्यांच्या रक्तातील साखरेची पातळी कमी करते. ज्या लोकांना मधुमेह नाही अशा लोकांच्या रक्तातील साखरेची पातळी देखील कमी करते. एका संशोधनात असेही आढळले आहे की अश्वगंधा रक्तातील साखर नियंत्रणात ठेवण्यासाठी खूप चांगले कार्य करते. याचे सेवन केल्यास तुमचे स्नायूही बळकट होतात.

कर्करोगाच्या आजारासाठी अश्वगंधाचा वापर

एका अभ्यासात असे सांगितले गेले आहे की, अश्वगंध कर्करोगाच्या पेशी वाढण्यास प्रतिबंधित करते. याचे सेवन केल्यास कर्करोगाच्या नवीन पेशी तयार होत नाहीत. हे शरीरात प्रतिक्रियाशील ऑक्सिजन प्रजाती तयार करते. जे कर्करोगाच्या पेशी नष्ट करण्यास मदत करते. अश्वगंधामुळे केमोथेरपीपासून होणारे दुष्परिणाम टाळता येऊ शकतात. अश्वगंधाचा वापर डोळ्यांची दृष्टी वाढवण्यासाठी उपयोग केला जातो. हे पांढर्‍या रक्त पेशी आणि लाल रक्त पेशी दोन्ही वाढविण्यासाठी कार्य करते. जे अनेक गंभीर शारीरीक समस्यांसाठी फायदेशीर आहे.

कसे कराल याचे सेवन?

अश्वगंधाचा उपयोग अनेक मार्गाने करता येतो. अश्वगंधा कॅप्सूल, पावडर आणि द्रव स्वरूपात देखील येते. दूध, पाणी, मध किंवा तूप मिसळून याचे सेवन केले जाऊ शकते. कृपया याचा वापर करण्यापूर्वी एकदा डॉक्टरांचा सल्ला जरुर घ्या. यामुळे आपल्याला समजेल की आपण त्याचे किती सेवन करू शकता आणि ते घेण्याचा योग्य मार्ग कोणता आहे. (Beneficial Ashwagandha for better health, know the benefits)

इतर बातम्या

LIC ने आणली ‘BACHAT PLUS’ नवीन योजना, फक्त 180 दिवसांत खरेदीची संधी, जाणून घ्या…

पत्रकाराची हत्या; ठाकरे सरकारचा आणखी एक मंत्री गोत्यात?