हेअर कलर केल्यानंतर चुकूनही करु नका या चुका, केसांचा रंग होऊ शकतो फिकट

हेअर कलर केल्यानंतर चुकूनही करु नका या चुका

मुंबई : आजकाल केसांना कलर करण्याचा ट्रेंड बर्‍यापैकी वाढला आहे. हे कलर तात्पुरते आणि कायमचे दोन्ही प्रकारे करता येतात. केसांना कलर केल्यानंतर विशेष काळजी घेण्याचा सल्ला दिला जातो. बर्‍याच वेळा काळजी घेतल्यानंतरही केसांचा रंग फिकट लागतो. यामागे दोन कारणे असू शकतात. प्रथम म्हणजे कलर करणाऱ्याने चांगल्या दर्जाचे कलर वापरले नसतील. दुसरे म्हणजे आपल्या लहान चुकादेखील कलर फिकट करण्याचे कारण असू शकतात. जर आपल्याला त्या चुका टाळायच्या असतील आणि कलर कायम टिकवायचा असेल तर केसांची व्यवस्थित काळजी घ्या. (Don’t make these mistakes after hair coloring, hair color can become lighter)

चुकीचा शॅम्पू वापरणे

हेअर कलर केल्यानंतर आपल्या केसांचा रंग फिकट होणार नाही असा शॅम्पू वापरण्याचा सल्ला देतात. परंतु बर्‍याच वेळा आपण त्याच्या सल्ल्याकडे दुर्लक्ष करतो आणि आपला नियमित शॅम्पू वापरण्यास सुरवात करतो. ज्यामुळे केसांचा रंग फिकट होऊ लागतो. कलर प्रोटेक्टिंग शॅम्पू तुमच्या केसांचा कलर प्रोटेक्ट करण्याचे काम करतो. कलर्ड हेअर शॅम्पूमध्ये तेच घटक असतात, जे तुमच्या केसांचा फिकट होण्यापासून बचाव करतात. यामुळे आपल्या केसांचा रंग बराच काळ राहतो.

हिट प्रोटेक्टरचा वापर न करणे

पूर्वी लोक केस स्ट्रेट करण्यासाठी आणि स्टायलिश करण्यासाठी पार्लरमध्ये जात असत. पण आता हळू हळू ट्रेंड बदलत आहे. लोक घरी स्टायलिंग टूल्सचा वापर करून केस सेट करतात. जर आपण केसांना कलर केले असेल आणि हिट प्रोटेक्टर न वापरता जर टूल्सचा वापर करीत असाल तर केसांचा रंग लगेच फिकट होतो. हिट प्रोटेक्टरमध्ये उपलब्ध सिलिकोसिस आणि मॉइश्चरायझिंग एजंट केसांना होणारे नुकसान टाळते. तसेच केस फिकट होण्यापासून बचाव करते.

गरम पाण्याने केस धुवू नका

काही लोकांना गरम पाण्याने आंघोळ करण्याची आणि केस धुण्याची सवय असते. गरम पाण्याने आंघोळ करणे आरामदायक असले तरी केसांच्या रंगासाठी हानिकारक आहे. गरम पाण्याने आंघोळ केल्याने केस कमकुवत होतात. तसेच केसांचा रंगही फिकट होतो. गरम पाण्याऐवजी कोमट पाण्याने केस धुवावेत. हे केवळ आपल्या केसांची काळजी घेत नाही तर केसांना मजबूत देखील बनवते. (Don’t make these mistakes after hair coloring, hair color can become lighter)

इतर बातम्या

पालघरमध्ये पत्नीची चाकूने भोसकून हत्या, पतीची ट्रेनखाली उडी मारून आत्महत्या

ऑर्डर कॅन्सल केली म्हणून डिलीव्हरी बॉय भडकला, रागाच्या भरात महिलेचं फोडलं नाक