जेवणातल्या हळदीचे अनेक लाभदायक फायदे, हळदीबद्दल आहारतज्ज्ञ काय म्हणतात?
Curcuma longa नावाची वनस्पती जगातील उष्णकटिबंधीय प्रदेशात आढळते, ज्याची मुळे वाळवून त्याची पावडर तयार केली जाते. या पावडरला आपण हळद या नावाने ओळखतो. हळदीची जवळजवळ प्रत्येक प्रकारच्या भारतीय खाद्यपदार्थांमध्ये (Indian Food) मोठी उपयुक्तता आहे.
मुंबई : आपण जी हळद दुधात (Turmeric) टाकून प्यायला कंटाळ करतो, ती हळद अनेक आजारांवर रामबाण उपाय आहे. Curcuma longa नावाची वनस्पती जगातील उष्णकटिबंधीय प्रदेशात आढळते, ज्याची मुळे वाळवून त्याची पावडर तयार केली जाते. या पावडरला आपण हळद या नावाने ओळखतो. हळदीची जवळजवळ प्रत्येक प्रकारच्या भारतीय खाद्यपदार्थांमध्ये (Indian Food) मोठी उपयुक्तता आहे. हळद हा एक प्रकारे आपल्या भारतीय आहाराचा अविभाज्य भाग आहे. एवढेच नाही तर आयुर्वेदात (Ayurved) हळदीमध्ये औषधी गुणधर्म असल्याचे सांगितले आहे. सर्वच हळदीमध्ये प्रतिजैविक गुणधर्म असल्याचे मानतात. हळदीमध्ये प्रतिजैविक गुणधर्म का मानले जातात आणि ते कोणत्या रोगांपासून आपले संरक्षण करते याबद्दल आपण माहिती घेणार आहोत. हळदीमध्ये कर्करोगापासून बचाव करण्यासाठी औषधी गुणधर्म आहेत. हळदीमध्ये कर्क्यूमिन नावाचे तत्व असते जे कॅन्सरला वाढण्यापासून रोखते. कर्करोग हा एक प्रकारचा स्वयंप्रतिकार रोग आहे, ज्यामध्ये वाईट पेशी चांगल्या पेशींचा नाश करून गुणाकार करू लागतात. हळदीमध्ये ते घटक असतात, जे ही प्रक्रिया थांबवण्यास मदत करतात.
अनेक आजारासाठी फायदेशीर
सांधेदुखीवर उपाय म्हणूनही हळद फायदेशीर आहे ऑस्टियोआर्थराइटिस आणि संधिवात या दोन्हीच्या उपचारात हळद अतिशय उपयुक्त मानली जाते. याचे मुख्य कारण म्हणजे हळदीमध्ये असलेले घटक जे सूज वाढण्यापासून रोखतात. यासोबतच हळदीमध्ये अँटी-ऑक्सिडंट गुणधर्मही मुबलक प्रमाणात असतात. आजारपणात हळदीचे सेवन फायदेशीर ठरते. मधुमेह नियंत्रित करते हळद देखील मधुमेह नियंत्रित करण्यासाठी रामबाण उपाय म्हणून काम करते. हळद रक्तातील साखरेचे प्रमाण कमी करण्यास मदत करते. तसेच, जर तुम्ही मेटफॉर्मिन घेत असाल तर हळद शरीरात त्याचा प्रभाव वाढवते. औषध त्वरीत आणि सहजतेने प्रभावी होते. यासाठी एक कप पाण्यात एक चमचा हळद जास्त वेळ उकळवा आणि त्याचा डेकोक्शन तयार करून प्या.
रोगप्रतिकारशक्ती वाढवते
हळद रोगप्रतिकारशक्ती वाढवते, अनेक रोगांपासून संरक्षण करते आणि अनेक रोगांवर उपचार करण्यासाठी उपयुक्त आहे, हळद हे शंभर आजारांवर औषध आहे. हळद ही कोलेस्ट्रॉल कमी करते, हळदीचे नियमित सेवन केल्याने कोलेस्ट्रॉलही वाढत नाही. जर तुमचे कोलेस्टेरॉल आधीच वाढले असेल तर ते कमी करण्यास देखील ते उपयुक्त आहे.तसेच हळदीतील प्रतिजैविक घटक स्मरणशक्ती वाढवण्याचे काम करतात आणि अल्झायमरसारख्या आजारांपासूनही संरक्षण करतात.
दिवस मावळल्यावर चुकूनही खाऊ नका काही पदार्थ, अन्यथा आरोग्याला धोका!
हळद, बटाटा आणि दुधापासून ‘असा’ बनवा फेसपॅक, त्वचेच्या सर्व समस्या होतील छूमंतर!
दातांच्या दुखण्याला करा बाय बाय… हे घरगुती उपाय ठरतील परिणामकारक