Food For Height | उंची वाढत नाहीय? आहारात सामील करा ‘हे’ घटक, लवकर दिसेल परिणाम!

मानवाची उंची आनुवंशिकतेवर अवलंबून असते.

मुंबई : मानवाची उंची आनुवंशिकतेवर अवलंबून असते. परंतु, शरीराच्या योग्य वाढीसाठी आणि विकासासाठी, आहारात पुरेसे पोषक घटक असणे देखील आवश्यक आहे. शास्त्रज्ञ म्हणतात की उंचीची मर्यादा गाठल्यानंतर माणसाची उंची पुन्हा वाढवणे कठीण आहे. परंतु आपणास माहिती आहे काय की, बर्‍याच खाद्यपदार्थामुळे हाडे आणि सांधे मजबूत होऊन उंची वाढवण्यात मदत होते (Healthy Food For maintain height).

शारीरिक विकास, ऊतकांची दुरुस्ती आणि रोगप्रतिकारक कार्यामध्ये प्रथिने प्रमुख भूमिका निभावतात. याव्यतिरिक्त, कॅल्शियम, व्हिटामिन-डी, मॅग्नेशियम आणि फॉस्फरस सारखे सूक्ष्म पोषक घटक देखील हाडे मजबूत करतात. ज्यांची उंची वाढणे थांबते अशा मुलांच्या शारीरिक विकासासाठी काही गोष्टी खूप फायदेशीर ठरतात.

फळभाज्या :

फळभाज्यांमध्ये प्रथिनांन व्यतिरिक्त अनेक प्रकारचे पोषक घटक असतात. प्रोटीन इंसुलिन ग्रोथ फॅक्टर 1 (IGF-1)ची पातळी वाढवण्याचे कार्य करते. शेंगायुक्त भाज्यांमध्ये लोह आणि व्हिटामिन बी देखील आढळतात जे अशक्तपणापासून आपले संरक्षण करतात.

चिकन :

प्रथिने समृद्ध चिकनमध्ये आणखी अनेक पोषक घटक देखील असतात, जे आरोग्यासाठी फायदेशीर असतात. चिकन देखील व्हिटामिन बी 12चा चांगला स्रोत मानला जातो. हे पाण्यात मिसळणारे विद्रव्य जीवनसत्व आहे जे आपली लांबी वाढवण्यासाठी उपयोगी ठरू करू शकते. त्यात टॉरीन नावाचा एक घटक देखील आढळतो जो अमीनो अॅसिड आहे.

बदाम :

बदामांमध्ये असणारी बर्‍याच प्रकारचे जीवनसत्त्वे आणि खनिजे देखील उंची वाढवण्यासाठी खूप महत्वाची असतात. यात हेल्दी फॅटशिवाय फायबर, मॅंगनीज आणि मॅग्नेशियम देखील यात आढळतात. याव्यतिरिक्त, त्यात व्हिटामिन-ई देखील आहे, जे अँटिऑक्सिडेंट म्हणून काम करते. एका अभ्यासानुसार बदाम आपल्या हाडांसाठी देखील फायदेशीर असतात (Healthy Food For maintain height).

पालेभाज्या :

पालक, अरुगुला, मेथी यासारख्या पालेभाज्यांमध्येही बरेच पोषक घटक असतात. या भाज्यांमध्ये व्हिटामिन सी, कॅल्शियम, लोह, मॅग्नेशियम आणि पोटॅशियम व्यतिरिक्त व्हिटामिन-के देखील आढळते जे हाडांची घनता वाढवून उंची वाढवण्याचे काम करते.

अंडी :

अंडी हा पौष्टिक घटकांचा खजिना आहे. त्यात भरपूर प्रथिने आढळतात. हाडांच्या आरोग्यासाठी आवश्यक असणारे अनेक प्रकारचे पौष्टिक पदार्थ त्यात आढळतात. 874 मुलांवर केलेल्या अभ्यासानुसार असे आढळले आहे की, नियमितपणे अंडी खाणार्‍या मुलांची उंची वाढते. अंड्यातील पिवळ्या भागामध्ये असणारी निरोगी चरबी देखील शरीराला फायदेशीर ठरू शकते.

बेरीज  :

ब्ल्यूबेरी, स्ट्रॉबेरी, ब्लॅकबेरी किंवा रास्पबेरीमध्ये देखील बर्‍याच प्रकारचे पोषक घटक आढळतात. त्यामध्ये असलेले व्हिटामिन-सी पेशी सुधारते आणि आणि ऊतकांची दुरुस्ती करण्याचे काम करते. व्हिटामिन-सी आपल्या शरीरात सर्वाधिक प्रमाणात असलेले प्रोटीन कोलेजेनचे संश्लेषण देखील वाढवते. एका अभ्यासानुसार कोलेजेन हाडांची घनता वाढवून त्यात सुधारणा करते.

(Healthy Food For maintain height)

हेही वाचा :