Veg Meat | ‘शाकाहारी मांसा’कडे खवय्यांचा वाढता कल, वाचा कसं तयार होतं हे ‘शाकाहारी मांस’…

मुंबई : देशातील प्रतिष्ठित संस्था आयआयटी दिल्लीने शाकाहारी मांस बनवले असून, त्याची खूप चर्चा होत आहे. लोक या शाकाहारी मांसाच्या सुगंध, चाचणी, पोत, कृती, पर्यावरणीय प्रभावांबद्दल बरीच चर्चा करत आहेत. हे वाचून आपल्याला देखील, हे मांस कसे तयार केले जाईल आणि ते खऱ्या मांसासारखे असेल का?, असे प्रश्न पडले असतील. चला तर, जाणून घेऊया हे शाकाहारी मांस म्हणजे नेमकं काय? ते कसं तयार केलं जातं आणि या शाकाहारी मांसामध्ये नेमकं काय घातलं जातं…(Know More about veg meat aka plant meat how its made)

‘शाकाहारी मांस’ म्हणजे काय?

‘शाकाहारी मांसा’ला ‘वनस्पतींचे मांस’ देखील म्हणतात. वनस्पतींच्या मांसावरील संशोधन बर्‍याच काळापासून चालू आहे आणि परदेशात यावर बरेच रिसर्च सुरु आहेत. या मांसाबद्दल बोलायचे झाल्यास ते वनस्पतींपासून तयार केले जाते. याचा अर्थ ते थेट वनस्पतींपासून तयार केले जाते, असा होत नाही. हे मांस तयार करण्यासाठी, काही घटक वनस्पती किंवा नैसर्गिक स्त्रोतांकडून घेतले जातात आणि त्या घटकांच्या मिश्रणातून हे शाकाहारी मांस तयार केले जाते. हे मांस तयार करण्यासाठी विशेष तंत्राचा वापर केला जातो. मांस तयार करत असताना पोत, चरबीचा स्त्रोत, रंग, चव इत्यादींवर विशेष लक्ष दिले जाते.

वनस्पतींचे मांस कसे तयार केले जाते?

शाकाहारी मांस तयार करत असताना मुख्यतः पोत, अनुभव, चव या तीन गोष्टींची विशेष काळजी घेतली जाते. या मांसाच्या पोत मऊ ठेवला जातो आणि या पोतावर विशेष लक्ष दिले जाते. सामान्यत: मांस बाहेर कडक राहते, परंतु तोंडात शिरताच विरघळते. यासाठी, हे मांस बनवताना नारळातील काही घटकांचा वापर केला जातो. कारण, नारळ देखील अशा प्रकारे कार्य करते. त्याच वेळी चवीसाठी ‘लेगहेमोग्लोबिन’चा वापर केला जातो, जो या मांसाला नैसर्गिक रंग देण्यासाठी देखील वापरला जातो. आणखी चवीसाठी त्यात काही नैसर्गिक आणि कृत्रिम फ्लेवर्स वापरले जाता. मात्र, याचा वापर करत असताना देखील विशेष काळजी घेतली जाते. तसेच, या मांसात नैसर्गिक प्रथिने देखील वापरली जातात (Know More about veg meat aka plant meat how its made).

प्रयोगशाळेत बनणाऱ्या मांसपेक्षा वेगळे आहे का?

जर, आपण लॅब ग्रोन मीट बद्दल बोललो तर, ते मांस देखील प्राण्यांना न मारता बनवले जाते. तथापि, लॅब ग्रोन मांस, शाकाहारी मांसापेक्षा वेगळे आहे. कारण, हे मांस तयार करत असताना काही प्राण्यांच्या पेशी वापरल्या जातात. या पेशींद्वारे लॅब ग्रोन मांस तयार केले जाते आणि प्रथिने, चव इत्यादींसाठी देखील विशेष काळजी दिली जाते. तथापि, वनस्पतींचे मांस पूर्णपणे शाकाहारी आहे आणि यात केवळ वनस्पतींचा वापर केला जातो.

आरोग्यासाठी किती फायदेशीर?

शाकाहारी मांस, सामान्य मांसापेक्षा अधिक फायदेशीर मानले जाते. कारण, त्यात शरीरासाठी हानिकारक असलेल्या घटकांचा वापर टाळला जातो. हे मांस तज्ज्ञांच्या विशेष देखरेखीखाली बनवले जाते. ज्यामुळे आरोग्याची विशेष काळजी घेतली जाते. तसेच, सामान्य मांसापेक्षा हे मांस पर्यावरणाच्या दृष्टीने देखील अधिक चांगले आहे.

(Know More about veg meat aka plant meat how its made)

हेही वाचा :