Skin Care | त्वचेच्या सौंदर्यासाठी ब्लीचिंग आवश्यक, घरच्या घरी मिळवा पार्लरसारखी चमकदार त्वचा!

त्वचेचे सौंदर्य

मुंबई : चेहरा उजळ, चमकदार दिसावा म्हणून बरेच लोक दोन पद्धती वापरतात. पहिली म्हणजे ब्युटी क्रिमचा वापर आणि दुसरी म्हणजे ब्लीचिंग. परंतु तुम्हाला हे माहित आहे का की, बाजारात उपलब्ध असलेल्या या ब्युटी क्रिम आणि ब्लिचमध्ये असलेली रसायने आपल्या त्वचेचे नुकसान करू शकतात. इतकेच नाही तर या उत्पादनांचा नियमित वापर केल्यास तुम्हाला त्वचेच्या अनेक दीर्घकालीन समस्या देखील येऊ शकतात (Skin bleaching natural way at home using Sandalwood facepack).

त्वचेचे नुकसान होण्यापासून संरक्षण करा

हे खरं आहे की या उत्पादनांचा वापर करून, आपल्याला इच्छित चमक आणि तत्काळ छान लूक मिळेल. परंतु ही, उत्पादने आपल्याला केवळ काही काळापुरतीच चमक देतात, तसेच त्यांचा सतत वापर केल्याने डार्क स्पॉट्स, पिग्मेंटेशन आणि सुरकुत्या यासारख्या समस्या उद्भवू शकतात.

याचा उपयोग केल्याने तुमच्या त्वचेवर मुरुम देखील उद्भवू शकतात आणि येणार्‍या काळात तुमची त्वचा खूपच संवेदनशील बनू शकते. या सर्व समस्या टाळण्यासाठी औषधी वनस्पती आणि घरगुती उत्पादने वापरणे नेहमीच चांगले. त्याचे परिणाम काही काळानंतर दिसतील, परंतु आपल्या सौंदर्य आणि त्वचेच्या आरोग्यास हानी पोहोचणार नाही.

चंदन पावडर आणि पाणी

सर्व प्रथम एका भांड्यात 1 चमचे चंदन पावडर घ्या. त्यात 2 चमचे पाणी घाला. दोन्ही गोष्टी चांगल्या मिसळा. चंदन पेस्ट चेहऱ्यावर लावल्याने त्वचा थंड होते आणि चेहर्‍यावरील डाग कमी होतात. चंदनामुळे त्वचेत मेलेनिन वाढण्यास मदत होते, ज्यामुळे त्वचा तंदुरुस्त राहते (Skin bleaching natural way at home using Sandalwood facepack).

आपल्या चेहऱ्यावर कॉटन स्पंजच्या सहाय्याने तयार मिश्रण लावा. ही पेस्ट फक्त चेहर्‍यावर मर्यादीत ठेवण्यापेक्षा गळ्यावरही लावणे चांगले. जेणेकरून त्वचेला एकसारखा उजळपणा येईल. जर, कॉटन स्पंजच्या सहाय्याने लावण्यास त्रास होत असेल, तर आपण ही पेस्ट हाताने देखील त्वचेवर लावू शकता.

फक्त इतका वेळच लावा ही पेस्ट

जेव्हा पेस्ट संपूर्ण कोरडी होईल, तेव्हा आपला चेहरा साध्या पाण्याने धुवा आणि स्वच्छ करा. जर आपल्याला हिवाळ्यातील पाण्याचा थंडपणा टाळायचा असेल, तर चेहर्‍यावर गुलाब पाण्याचा स्प्रे वापरावा आणि नंतर टिशू पेपर, मऊ सूती कापड किंवा मलमलच्या कपड्याने त्वचा स्वच्छ करावी. तुमची त्वचा खोलवर साफ होईल आणि तुम्हाला ताजेतवाने वाटेल.

स्कीन फ्रेंडली आणि नैसर्गिक उपाय

सामान्यत: असे मानले जाते की, घरगुती उपचारांचा परिणाम काही काळानंतर दिसून येतो. म्हणजेच जेव्हा आपण त्यांचा वापर करणे सुरू ठेवता, त्यानंतर केवळ काही दिवसांनंतरच त्याचा परिणाम दिसून येतो. परंतु ब्लीचिंग फेस पॅक, या प्रकरणातील इतर गोष्टींपेक्षा हे कमी वेगवान आहे. पण ते पूर्णपणे नैसर्गिक आणि त्वचेस अनुकूल आहे.

(टीप : कोणत्याही उपचारांपूर्वी डॉक्टरांचा सल्ला घेणे आवश्यक आहे.)

(Skin bleaching natural way at home using Sandalwood facepack)

हेही वाचा :