हिवाळ्यात अन्न गरम ठेवायचंय? मग वापरा या सोप्या ट्रिक्स
अन्न उबदार ठेवण्यासाठी आपण अनेकदा जेवण पुन्हा पुन्हा गरम करत असतो. पण असं न करता या सोप्या उपायाने हिवाळ्यात तुमचे जेवण बराच काळ गरम राहील.
थंडीचा महिना सुरु झालेला आहे. या दिवसात हवामान जेवढं आल्हाददायक असतं तेवढीच सर्व आव्हानंही घेऊन येतं. याकरिता थंडीपासून बचाव करण्यासाठी आपण उबदार कपडे घालतो. पण तुम्ही हा विचार केला आहे का अन्न थंड होण्यापासून कसे रोखणार? हिवाळ्यात शिजवलेली डाळ आणि भाज्या थोड्याच वेळात थंड होतात. त्यामुळे हिवाळ्यात जेवण जास्त वेळ गरम कसे ठेवावे?
थंडीत तुम्ही जेवण पुन्हा पुन्हा गरम केले तर अन्नातील पोषक तत्वेही नष्ट होतात. पण ही समस्या टाळण्यासाठी सोप्या टिप्स फॉलो केल्या जाऊ शकतात. तर येथे आम्ही तुम्हाला असे सोपे उपाय सांगणार आहोत, ज्यामुळे हिवाळ्यात तुमचे जेवण बराच काळ गरम राहील.
ॲल्युमिनियम फॉयल
अन्न उबदार ठेवण्यासाठी आपण अनेकदा ॲल्युमिनियम फॉईल चा वापर करतो. अशातच तुम्ही जर ॲल्युमिनियम फॉयल भांड्यावर ठेवल्यास अन्नही उबदार राहील.तसेच तुम्ही एका कागदात भाकरी आणि पराठे एकत्र गुंडाळून घ्या. नंतर ते ॲल्युमिनियममध्ये गुंडाळून ठेऊ शकता असे केल्याने सकाळी बनवलेली रोटी दुपारपर्यंत उबदार राहील.
थर्मल बॅग
थर्मल बॅगच्या साह्यानेही तुमचं जेवण गरम ठेवू शकता हे तुम्हाला माहिती आहे का? वृत्तपत्र, प्लास्टिक आणि कापडाचे अनेक थर वापरून आपण इन्सुलेटेड वाहक तयार करता. हिट सील करण्यासाठी तुम्ही तुमचे जेवण फूड कंटेनरपासून बनवलेल्या पिशवीत ठेवा.अशाने जेवण गरम राहील.
पितळाची भांडी
हिवाळ्यात तुम्ही पितळापासून बनवलेल्या भांड्यांमध्येही अन्न ठेऊ शकता. हिवाळ्यात अन्न गरम ठेवण्यासाठी ही पारंपरिक भांडी हा उत्तम पर्याय आहे. हे केवळ जेवण उबदार ठेवत नाही तर आपला जेवणाची चव देखील वाढवते. जर तुम्ही आतापर्यंत बॉक्समध्ये पितळाची भांडी ठेवली असतील तर ती बाहेर काढण्याची वेळ आली आहे.
या सोप्या टिप्स फॉलो करून तुम्ही हिवाळ्यात मायक्रोवेव्हशिवाय बराच वेळ अन्न गरम ठेवू शकता. यामुळे तुम्हाला पुन्हा पुन्हा अन्न गरम करण्याची गरज पडणार नाही.
