नागपूर-अमरावती महामार्गावर दोन कंटेनर समोरासमोर धडकले; एक जागीच ठार, दोन गंभीर; टायर फुटल्याने भीषण अपघात
नागपूरहून अमरावतीकडे कंटेनर जात होता, नांदगाव पेठजवळ वेगात असणारा कंटेनर आला असता कंटेनरचा टायर अचानक फुटला. कंटेनर वेगात असल्याने चालकाचा ताबा सुटून कंटेनर डिवायडरवर चढून दुसऱ्या बाजूने येणाऱ्या कंटेनरला समोरासमोर धडक दिली.
अमरावतीः नागपूर-अमरावती महामार्गावर (Nagpur-Amravati Highway ) नांदगाव पेठ जवळ कंटेनरचा टायर फुटल्याने (container accident) डिवायडर ओलांडून पलिकडील कंटेनरला जोरदार धडक बसल्याने एक जण जागीच ठार (One Death) झाला असून दोन जण गंभीर जखमी झाले आहेत. जखमींना रुग्णालयात दाखल केले असून पुढील तपास सुरू आहे. ही घटना आज बुधवारी दुपारी दीड वाजण्याच्या सुमारास घडली. दोन्ही कंटेनरचे नुकसान झाले असून घटनास्थळी पोलीस दाखल झाले आहेत.दुपारी अपघात झाल्याने महामार्गावरील वाहतूक खोळंबली होती.
कंटेनरचा टायर फुटला
नागपूरहून अमरावतीकडे कंटेनर जात होता, नांदगाव पेठजवळ वेगात असणारा कंटेनर आला असता कंटेनरचा टायर अचानक फुटला. कंटेनर वेगात असल्याने चालकाचा ताबा सुटून कंटेनर डिवायडरवर चढून दुसऱ्या बाजूने येणाऱ्या कंटेनरला समोरासमोर धडक दिली.
चालकाच्या केबिनचा चक्काचूर
ही धडक इकती जबरदस्त होती की, समोरासमोर धडक बसल्याने दुसऱ्या कंटेनरची चालकाच्या केबिनचा चक्काचूर झाला. या अपघातात दोन कंटेनरची एकमेकांना जोरदार धडक बसल्याने दोन्ही कंटेनरमधील चालक क्लिनर जखमी झाले आहेत, तर एका व्यक्तीचा जागीच मृत्यू झाला आहे. जखमींना जवळील रुग्णालयात दाखल करण्यात आले आहे.
महामार्गावर वाहतूक कोंडी
अवजड साहित्य घेऊन जाणाऱ्या कंटेनरचा अचानक टायर फुटल्याने हा अपघात झाल्याचे कंटेनर चालक सांगत आहे, मात्र कंटेनरची वेगात असल्याने डिवायडर तोडून दुसऱ्या बाजूला गेला आहे. या अपघातानंतर नागपूर-अमरावती महामार्गावर वाहतूक कोंडी झाली होती. समोरा-समोर वाहनांची धडक झाल्याने महामार्गावर या अपघाताचा जोरदार आवाज झाला होता, त्यामुळे परिसरातील लोकांनी महामार्गावर प्रचंड गर्दी केली होती. या घटनेची नोंद नांदगाव पोलिसात झाली असून पुढील तपास पोलीस करत आहेत.
