Amaravati Youths Drowned : अमरावतीत धरणात पोहण्याचा नाद जीवावर बेतला, दोन युवकांचा बुडून अंत
अमरावती जिल्ह्यातील नांदगाव पेठ ठाण्याच्या हद्दीतील वाळकी येथील धरणावर विजय चव्हाण आणि अभी कुरळकर पोहण्यासाठी गेले होते. मात्र पाण्याचा अंदाज न आल्याने दोघांचाही बुडून मृत्यू झाला. विजय हा नवसारी येथील तर अभी हा रहाटगाव येथील रहिवासी आहे.
अमरावती : धरणा (Dam)वर पोहायला गेलेल्या दोन युवकांचा पाण्यात बुडून (Drowned) करुण अंत झाल्याची दुर्दैवी घटना अमरावती जिल्ह्यात घडली आहे. पोहायला (Swimming) गेले असता पाण्याचा अंदाज न आल्याने विजय चव्हाण आणि अभी कुरळकर अशी मयत तरुणांची नावे आहेत. घटनेची माहिती मिळताच बचाव पथक आणि नांदगाव पेठ पोलिसांनी घटनास्थळी धाव घेतली. घटनास्थळी बचाव कार्य सुरु आहे. सदर तरुणांचा अद्याप शोध लागला नाही. बचाव पथक शर्थीचे प्रयत्न करत आहे. घटनास्थळी नागरिकांची गर्दी जमली आहे. तरुणांच्या मृत्यूमुळे परिसरात हळहळ व्यक्त करण्यात येत आहे.
अमरावती जिल्ह्यातील नांदगाव पेठ ठाण्याच्या हद्दीतील वाळकी येथील धरणावर विजय चव्हाण आणि अभी कुरळकर पोहण्यासाठी गेले होते. मात्र पाण्याचा अंदाज न आल्याने दोघांचाही बुडून मृत्यू झाला. विजय हा नवसारी येथील तर अभी हा रहाटगाव येथील रहिवासी आहे. घटनास्थळी मिळालेल्या साहित्यांच्या आधारे त्यांची ओळख पटविण्यात येत आहे. बचाव पथकाने धरणाच्या पात्रात दोघांची शोध मोहीम सुरु केली आहे. मात्र अद्याप त्यांचा शोध लागला नाही. नांदगाव पेठ पोलिसही घटनास्थळी दाखल झाले आहेत.
सिंहगडावरील कल्याण दरवाजाजवळील पायवाटेवर दरड कोसळून एकाचा मृत्यू
पुण्यातील सिंहगडावरील कल्याण दरवाजाजवळील पायवाटेवर, दरड कोसळल्यानं त्याखाली सापडून एका ट्रेकरचा मृत्यू झाला. हेमंत गाला असं या ट्रेकरचं नाव आहे. शनिवारी सकाळी दाट धुके असताना 9 च्या सुमारास ही घटना घडली. बराच वेळ झाला तरी गडावर ट्रेकिंगसाठी गेलेल्या हेमंत ह्यांच्याशी संपर्क न झाल्यानं त्यांच्या घरच्यांनी पोलिसात हरवल्याची तक्रार दिली. त्यानंतर गडावर शोधाशोध केल्यानंतर रात्री उशिरा ही बाब सामोरं आली.
