Aurangabad | अनैतिक संबंधात अडसर ठरणाऱ्या पतीचा खून, प्रियकराकडून निर्घृण खून, औरंगाबादच्या शफेपूरची घटना
शफेपूर येथील या घटनेमुळे गावात मोठी दहशत पसरली आहे. पोलिसांनी संदीप मोकशे याच्या हत्येच्या आरोपात दोघांना ताब्यात घेतले आहे. सुनील हरणकाळ आणि छोटू मोकशे असं अटक करण्यात आलेल्या आरोपींची नावे आहे. सदर प्रकरणी औरंगाबाद ग्रामीण पोलीस अधिक तपास करत आहेत.
औरंगाबाद | औरंगाबाद जिल्ह्यातील शफेपूर गावात एक हादरवून टाकणारी घटना उघडकीस आली आहे. येथील संदीप मोकशे या व्यक्तीचा निर्घृण खून (Murder case) झाल्याचे समोर आले आहे. अनैतिक संबंधात अडचण ठरत असल्यामुळे सदर व्यक्तीचा खून झाल्याचे पोलिस तपासात (Police investigation) समोर आले आहे. संदीप मोकशे यांचा एवढ्या निर्घृणपणे खून केला आहे की, पोलीसही (Aurangabad police) हैराण झाले आहेत. संदीप यांच्या कमरेपासून शरीराचे दोन तुकडे करण्यात आले. त्यानंतर त्यांचा मृतदेह मार्गी लावण्यात आला. मात्र पोलिस तपासात हा सर्व प्रकार उघड झाला आहे. या प्रकरणी पोलिसांनी दोघांना ताब्यात घेतले आहे.
प्रियकराकडून पतीची निर्घृण हत्या
शफेपूर गावात घडलेल्या या घटनेमुळे परिसरात खळबळ माजली आहे. पोलिसांच्या चौकशीनंतर हा खून सदर व्यक्तीच्या पत्नीच्या प्रियकराने केल्याचे उघडकीस आले आहे. पत्नी आणि प्रियकर या दोघांमध्ये गेल्या काही दिवसांपासून प्रेमसंबंध होते. ही गोष्ट पतीला कळाल्यानंतर प्रियकर आणि पतीचे वाद झाले. याच वादानंतर पतीचा खून झाला. प्रियकराने पतीचा अत्यंत निर्घृण पद्धतीने खून केला.
दोन आरोप ताब्यात
दरम्यान, शफेपूर येथील या घटनेमुळे गावात मोठी दहशत पसरली आहे. पोलिसांनी संदीप मोकशे याच्या हत्येच्या आरोपात दोघांना ताब्यात घेतले आहे. सुनील हरणकाळ आणि छोटू मोकशे असं अटक करण्यात आलेल्या आरोपींची नावे आहे. सदर प्रकरणी औरंगाबाद ग्रामीण पोलीस अधिक तपास करत आहेत.
इतर बातम्या-
Health Care : खरबूज हे फळ खूप चवदार आणि आरोग्यासाठीही फायदेशीर, आहारात नक्की समावेश करा!
Pune crime : कल्याणीनगरात टोळक्याची दहशत, एसआरए कॉम्प्लेक्समधल्या वाहनांची केली तोडफोड
