Aurangabad | सूर्या लॉन्सवरील हळदीच्या कार्यक्रमात चोरलेले 42 तोळे दागिने मिळाले, औरंगाबाद पोलिसांची कारवाई
डिसेंबर महिन्यातील सूर्या लॉन्समधील या जबरी चोरीमुळे औरंगाबादमध्ये खळबळ माजली होती. विशेष म्हणजे 36 लाख रुपयांची दागिन्यांची बॅग पळवणारा हा चोरटा सीसीटीव्ही कॅमेऱ्यात कैद झाला होता.
औरंगाबादः शहरातील सूर्या लॉन्सवरील एका हळदीच्या कार्यक्रमात झालेली हायप्रोफाइल चोरी (Aurangabad theft) प्रकरणी स्थानिक गुन्हे शाळेने यशस्वी कारवाई केली आहे. येथील परराज्यातील टोळीने 6 डिसेंबर 2021 रोजी ही हायप्रोफाइल चोरी केली होती. औरंगाबादच्या स्थानिक गुन्हे (Crime branch Aurangabad) शाखेच्या पोलिसांनी या प्रकरणी एका आरोपीला गजाआड केले. त्याच्याकडून 42.5 तोळे दागिने जप्त करण्यात आले. पोलीस अधीक्षक निमित गोयल यांनी फिर्यादी सुनील जैस्वाल (Sunil Jaiswal) यांना हे दागिने परत केले. पोलिसांनी परत केलेल्या दागिन्यांची किंमत 24 लाख 77 हजार 850 रुपये एवढी आहे. तसेच पोलिसांनी या गुन्ह्यात पकडलेल्या आरोपीचे नाव अभिषेक विनोद भालुनिया असे आहे. या चोरीनंतर औरंगाबामध्ये मोठी खळबळ माजली होती.
6 डिसेंबर रोजी झाली होती चोरी
सूर्या लॉन्समध्ये 6 डिसेंबर 2021 रोजी ही चोरी झाली होती. व्यापारी असलेले जैस्वाल यांच्या मुलाचा विवाह सोहळा येथे आयोजित करण्यात आला होता. त्यासाठी ते नागपूरहून औरंगाबादेत आले होते. 6 डिसेंबरला रात्री हळदी समारंभ असल्याने सर्व दागिने वधूच्या अंगावर घालून पुन्हा काढून ठेवले होते. त्याचवेळी समारंभात घुसलेल्या आरोपींनी आणि त्याच्या साथीदारांनी 56 तोळे दागिने अससलेली बॅग लंपास केली होती.
सीसीटीव्ही फुटेजमध्ये चोरी कैद
डिसेंबर महिन्यातील सूर्या लॉन्समधील या जबरी चोरीमुळे औरंगाबादमध्ये खळबळ माजली होती. विशेष म्हणजे 36 लाख रुपयांची दागिन्यांची बॅग पळवणारा हा चोरटा सीसीटीव्ही कॅमेऱ्यात कैद झाला होता. हा सगळा प्रकार लक्षात येताच त्या रात्रीच चिकलठाणा पोलीस ठाण्यात गुन्हा दाखल केला होता. पोलीस निरीक्षक देविदास गात, स्थानिक गुन्हे शाखेचे निरीक्षक संतोष खेतमाळस यांच्या पथकांनी तांत्रिक विश्लेषण करुन गँगचा ठावठिकाणा शोधून काढला. चोरट्यांपैकी एकाला अटक करण्यात आली. त्याच्याकडून 42.5 तोळे सोने जप्त करण्यात आले. हे सोने गुरुवारी जैस्वाल यांना परत करण्यात आले. यावेळी उपनिरीक्षक योगेश खटाने यांची उपस्थिती होती.
इतर बातम्या-
Nanded Bicycle | भंगारातून देशी जुगाड, चक्क पोरासाठी बनवली मोटारसायकल
‘लोच्या झाला रे’ परदेशातही प्रदर्शित होणार, चित्रपटाची टीम सातासमुद्रापार धम्माल करणार
