‘कोरोनाची तिसरी लाट आली, राज्य सरकार, ‘हाफकीन’ने आतातरी जागं व्हावं’, उच्च न्यायालयाच्या नागपूर खंडपीठाने सुनावले खडे बोल
कोरोनाची तिसरी लाट आली असताना सरकारी रुग्णालय अजूनही वैद्यकीय साहित्याचा पुरवठा करत नाही. सात दिवसात वैद्यकीय साहित्याचा पुरवठा करावा. अन्यथा वैद्यकीय शिक्षण विभागाच्या सचिवांनी स्वत: न्यायालयात हजर राहावे, अशा कडक शब्दात नागपूर खंडपीठानं राज्य सरकारला फटकारलं आहे.
नागपूर : राज्यात कोरोनाचा प्रादुर्भाव (Corona Outbreak) वाढतोय. दिवसेंदिवस कोरोना रुग्णांची संख्याही वाढत आहे. या पार्श्वभूमीवर राज्य सरकारकडून कठोर निर्बंध (Corona Restrictions) लागू करण्यात आले आहेत. असं असतानाही उच्च न्यायालयाच्या नागपूर खंडपीठाने (High Court Nagpur Bench) राज्य सरकार आणि हाफकीन इन्स्टिट्यूटला सुनावलं आहे. कोरोनाची तिसरी लाट आली असताना राज्य सरकार आणि हाफकीन संस्थेनं आतातरी जागं व्हावं, असे खडे बोल न्यायालयाने सुनावले आहेत.
कोरोनाची तिसरी लाट आली असताना सरकारी रुग्णालय अजूनही वैद्यकीय साहित्याचा पुरवठा करत नाही. सात दिवसात वैद्यकीय साहित्याचा पुरवठा करावा. अन्यथा वैद्यकीय शिक्षण विभागाच्या सचिवांनी स्वत: न्यायालयात हजर राहावे, अशा कडक शब्दात नागपूर खंडपीठानं राज्य सरकारला फटकारलं आहे. राज्य सरकारने सरकारी रुग्णालयात आवश्यक वैद्यकीय साहित्य पुरवले नसल्याच्या याचिकेवर आज उच्च न्यायालयाच्या नागपूर खंडपीठात सुनावणी पार पडली.
राज्यात आज 46 हजार 406 नवे रुग्ण
राज्यात आज पुन्हा एकदा कोरोना रुग्णांची संख्या मोठ्या प्रमाणात वाढली आहे. मागील 24 तासात राज्यात 46 हजार 406 नवे कोरोना रुग्ण आढळून आले आहे. तर 34 हजार 658 रुग्ण कोरोनातून मुक्त झाले आहेत. दरम्यान, आज राज्यातील मृतांची संख्या वाढली आहे. दिवसभरात 36 कोरोना रुग्णांचा मृत्यू झालाय. तर राज्यातील सक्रीय कोरोना रुग्णांची संख्या 2 लाख 51 हजार 828 आहे. राज्यातील एकूण आकडेवारीवर नजर टाकली तर राज्यात आतापर्यंत 70 लाख 81 हजार 67 कोरोना रुग्ण आढळले आहेत. त्यातील 66 लाख 83 हजार 769 रुग्ण कोरोनामुक्त झाले आहेत. तर 1 लाख 41 हजार 737 रुग्णांचा कोरोनामुळे मृत्यू झाला आहे.
#Maharashtra #COVID19 Updates for today
*⃣ No new case of #Omicron reported today
*⃣Patients infected with #Omicronvariant in Maharashtra reported till date- 1,367
(2/6)?@airnews_mumbai pic.twitter.com/oTU2QQS6oL
— PIB in Maharashtra ?? (@PIBMumbai) January 13, 2022
मुंबईत 13 हजार 702 कोरोना रुग्ण
मुंबईत आज दिवसभरात 13 हजार 702 नवे कोरोना रुग्ण आढळून आले आहेत. तर 20 हजार 849 रुग्ण कोरोनामुक्त झाले आहेत. मुंबईत सक्रिय रुग्णांची संख्या 95 हजार 123 आहे. आतापर्यंत 8 लाख 55 हजार 811 रुग्ण कोरोनामुक्त झाले आहेत. मुंबईतील बरे होणाऱ्या रुग्णांचा दर 88 टक्के आहे. तर रुग्ण दुपटीचा कालावधी 36 दिवसांवर आहे.
#CoronavirusUpdates
१३ जानेवारी, संध्या. ६:०० वाजता२४ तासात बाधित रुग्ण- १३७०२
२४ तासात बरे झालेले रुग्ण-२०८४९
बरे झालेले एकूण रुग्ण-८५५८११
बरे झालेल्या रुग्णांचा दर-८८%एकूण सक्रिय रुग्ण- ९५१२३
दुप्पटीचा दर-३६ दिवस
कोविड वाढीचा दर (६जानेवारी- १२ जानेवारी)-१.८५%#NaToCorona— माझी Mumbai, आपली BMC (@mybmc) January 13, 2022
इतर बातम्या :