Maharashtra Breaking News LIVE : उद्धव ठाकरे गटाच्या उमेदवाराला फोनवरुन जीवे मारण्याची धमकी

उद्धव ठाकरे गटाचे बडनेऱ्याचे उमेदवार सुनील खराटे यांना फोनवरून जीवे मारण्याची धमकी. ऐन निवडणूक तोंडावर असताना धमकी आल्याने चर्चांना उधाण. सुनील खराटे यांच्याकडून राजापेठ पोलिसात अज्ञात व्यक्ती विरोधात तक्रार दाखल. राजापेठ पोलीस ठाण्यात मोठ्या प्रमाणात शिवसैनिक उपस्थित. धमकी प्रकरणाची सखोल चौकशी करण्याची खराटे यांची मागणी.

जळगावच्या चोपडा येथून रावेर येथे मतदानाच्या ड्युटीसाठी जाणाऱ्या तीन महिला अधिकाऱ्यांच्या गाडीचा यावलजवळ अपघात झाला. मतदान केंद्रावर जाणाऱ्या महिला अधिकाऱ्यांच्या अपघाताच्या घटनेबद्दल जिल्हाधिकाऱ्यांनी माहिती दिली. तीन महिला अधिकारी आपल्या नियुक्त ठिकाणी मतदान केंद्रावर ड्युटी बदलण्यासाठी जात असताना त्यांच्या वाहनाचा अपघात झाल्याची माहिती जिल्हाधिकारी दिली. यात तिघाही महिला अधिकाऱ्यांना दुखापत झाली असून त्यांना चोपडा येथील उपजिल्हा रुग्णालयात उपचारासाठी दाखल करण्यात  आलं आहे.

बारामतीत शरयू मोटर्समध्ये रात्री पोलिसांचं सर्च ऑपरेशन सुरू होतं. श्रीनिवास पवारांच्या शरयू मोटर्समध्ये पोलिसांनी सर्च ऑपरेशन राबवलं. युगेंद्र पवार हे बारामतीत मविआचे उमेदवार आहे. तर श्रीनिवास पवार हे युगेंद्र पवारांचे वडील आहेत.

बलात्कार प्रकरणात सर्वोच्च न्यायालयाने मल्याळम अभिनेता सिद्दीकीला अटकपूर्व जामीन मंजूर केला आहे.

उद्या होणाऱ्या महाराष्ट्र विधानसभा निवडणुकीसाठी अमरावती जिल्हा प्रशासन सज्ज झाले आहे. थोड्याच वेळात अमरावती जिल्ह्यातील प्रत्येक एसडीओ कार्यालयातून मतदान केंद्राचे साहित्य होणार वितरित केले जाणार आहे. अमरावती जिल्ह्यात 8 मतदारसंघांमध्ये 160 उमेदवार निवडणुकीच्या रिंगणात…

जिल्ह्यात 2 हजार 708 मतदान केंद्र असून यामध्ये 12 लाख 52 हजार 680 महिला मतदार असून यासह 12 लाख 93 हजार 681 एवढे पुरुष मतदार आपला मतदानाचा हक्क बजावतील

या सर्व निवडणूक प्रक्रियेमध्ये 11 हजार 919 कर्मचारी आपले कर्तव्य बजावत असून,कायदा व सुव्यवस्था राखण्यासाठी 2 हजार 745 पोलीस कर्मचारी अधिकारी तैनात करण्यात आले आहे, तर 1877 होमगार्ड तैनात करण्यात आले आहे..

डोंबिवलीतील ठाकरे गटाचे उपनेते सदानंद थरवळ यांनी शिवसेनेमध्ये पक्षप्रवेश केला. मुख्यमंत्री एकनाथ शिंदे आणि खासदार डॉ. श्रीकांत शिंदे यांच्या उपस्थितीत पक्षप्रवेश केला. विधानसभा निवडणुकीच्या तोंडावर शिंदे यांचा ठाकरे गटाला ‘जोर का झटका’ लागला आहे.

वाशिम जिल्ह्यातील तीन विधानसभा मतदारसंघाच्या मतदान प्रक्रियेसाठी प्रशासन सज्ज झाले आहे. जिल्ह्यात एकूण तीन मतदारसंघासाठी
1100 मतदान केंद्र असून याकरिता 4400 कर्मचारी सज्ज झाले आहेत. तर आज मतदान प्रक्रियासाठी लागणारे साहित्य, ईव्हीएम मशीन घेऊन जाण्यासाठी जवळपास 119 एसटी बसेस आणि खाजगी वाहनाच्या मदतीने सर्व साहित्य घेऊन कर्मचारी मतदान केंद्रावर पोहोचणार आहेत.

गोंदिया : निवडणुकीच्या तोंडावर आमगाव पोलिसांनी दोन वाहनासह अवैध दारूसाठा जप्त केला आहे. याप्रकरणी आठ जणांवर गुन्हा दाखल करण्यात आला आहे. कट्टीपार येथे नाकाबंदी करून ही कारवाई करण्यात आली आहे. यावेळी 12 लाख 76 हजार 870 रुपयांची दारू जप्त करण्यात आली आहे.

हिंगोली- कळमनुरी विधानसभेचे वंचित बहुजन आघाडीचे उमेदवार डॉ. दिलीप मस्के हल्लाप्रकरणी कळमनुरी पोलिसात अज्ञाताविरोधात गुन्हा दाखल करण्यात आला आहे. पाच अज्ञातांविरोधात कळमनुरी पोलिसात गुन्हा दाखल करण्यात आला आहे. कळमनुरी तालुक्यातील सेलसुरा शिवारात रात्री 12:30 ते 01च्या हल्ला करण्यात आला. सध्या डॉ. दिलीप दिलीप मस्के यांच्यावर नांदेडच्या खाजगी रुग्णालयात उपचार सुरु आहेत.

विधानसभेसोबतच नांदेडमध्ये लोकसभा पोटनिवडणूकसाठी उद्या मतदान होणार आहे. या अनुषंगाने पोलीस प्रशासन सज्ज झाले आहेत. सर्व पोलीस कर्मचाऱ्याची ट्रेनिंग पूर्ण करण्यात आली आहे. सीआरपीएफ आणी एसआरपीएफच्या 10 तुकड्या, 3 हजार होमगार्ड, 802 कर्मचारी तसेच 25 अधिकारी हे तैनात करण्यात येणार आहेत. काही अनुचित प्रकार घडल्यास पोलिसांना कळवा, आम्ही तात्काळ कारवाई करू कुणाही कायदा हातामध्ये घेऊ नये, असे अवाहन पोलीस अधिक्षक अबीनाश कुमार यांनी केले आहे.

गृहमंत्री फडणवीस यांच्या नागपुरात माजी गृहमंत्री अनिल देशमुख यांच्यावर भ्याड खुनी हल्ला झाला. हा राजकीय हल्ला आहे. मुंबईत माजी मंत्री बाबा सिद्दीकी यांची हत्या होते आणि नागपुरात माजी गृहमंत्र्याला ठार मारण्याचा प्रयत्न होतो. फडणवीस मिंधे यांच्या काळात हे घडतंय

मुंबई – निवडणुकीसाठी मतदानाच्या तयारीला सुरवात.  उद्या राज्यभरात विधानसभेच्या निवडणुकीचं मतदान पार पडणार आहे.

वरळी विधानसभेच्या मतदानकरिता नेहरु सायन्स सेंटर मधे ईव्हीएम मशीन आणि व्हीव्हीपॅट मशीनचे निवडणूक अधिकाऱ्यांकडून वाटप करण्यात येत आहे

नागपूर – काटोलमध्ये अनिल देशमुख यांच्या गाडीवर हल्ला करण्यात आला होता. याप्रकरणी 4 अज्ञातांविरोधात गुन्हा दाखल करण्यात आला आहे. हल्ल्यात गंभीर जखमी झालेल्या अनिल देशमुख यांच्यावर मॅक्स रुग्णालयात उपचार सुरू.

राजधानी दिल्ली बनली गॅस चेंबर,  अनेक भागातला एअर क्वालिटी इंडेक्स हा 500 च्या वर पोहोचला आहे. प्रदूषण मोठ्या प्रमाणात वाढल्याने हवा अति गंभीर श्रेणीमध्ये पोहोचली असून आता दहावी बारावीचे क्लास ऑनलाइन होणार आहेत तर पहिली ते बारावीपर्यंतच्या सर्व शाळांना सुट्टी जाहीर करण्यात आली आहे.

प्रदूषणा संदर्भातील श्रेणी चार न हटवण्याचे सुप्रीम कोर्टाचे निर्देश असून बी एस फोर डिझेल गाड्यांना दिल्लीत पूर्णपणे बंदी आहे.

राष्ट्रीय स्वयंसेवक संघाची तुलना तालिबानशी केलेल्या कथित वादग्रस्त विधानावरून ज्येष्ठ गीतकार जावेद अख्तर यांची निर्दोष सुटका झाली आहे.

साल 2021 मध्ये एका वकिलाने मुलुंड दंडाधिकारी न्यायालयात दाखल केलेल्या फौजदारी तक्रारीतून अख्तर यांना दिलासा मिळाला आहे.

मुंबईत हवेची गुणवत्ता बिघडली असून AQI 106 वर पोहोचला आहे. खराब स्थितीच्या पार्श्वभूमीवर प्रदूषण नियंत्रण मंडळ ॲक्शन मोडमध्ये आलं आहे.  एक्युआय बिघडल्यास प्रदूषण निर्माण करणाऱ्या यंत्रणांवर बंदी घालण्याचा इशारा प्रदूषण नियंत्रण मंडळाने दिला आहे.

पुणे जिल्ह्यात एकूण 8462 मतदान केंद्र आहेत. पुणे जिल्ह्यातील 21 मतदारसंघात एकूण 303 उमेदवार आहेत, पुणे जिल्ह्यातील एकूण मतदार संख्या 88 लाख 49 हजार 590 आहे. पुणे जिल्ह्यातील एकूण पुरुष मतदारांची संख्या 45 लाख 79 हजार 216 तर महिला मतदारांची 42 लाख 79 हजार 569 आहे. पुणे जिल्ह्यात 805 तृतीयपंथी मतदानाचा हक्क बजावणार आहेत. पुणे जिल्ह्यातील सर्वाधिक मतदार चिंचवड विधानसभा मतदारसंघात 6 लाख 63 हजार आहे. इंदापूर, भोर, मावळ आणि शिवाजीनगर पुणे जिल्ह्यातील संवेदनशील मतदान केंद्र आहेत.

कॉंग्रेस, भाजपने निवडणूक आयोगाकडे 7 दिवसांची मुदत मागितली आहे. तक्रारींवर उत्तर देण्यासाठी एकमेकांवर आचारसंहिता उल्लंघनाच्या तक्रारी दाखल केल्या आहेत. निवडणूक आयोगाला उत्तर देण्याची मुदत वाढवण्याची मागणी करण्यात आली आहे. दोन्ही पक्षांनी निवडणूक आचारसंहिता उल्लंघनावर तक्रारी दाखल केल्या. आचारसंहितेच्या उल्लंघनाबद्दल 7 दिवसांची अधिक मुदत देण्याची मागणी करण्यात आली आहे.

चंद्रपूरमधील मुल तालुक्यातल्या कोसंबी येथे भाजप आणि काँग्रेस कार्यकर्त्यांमध्ये राडा झाला आहे. मुल नगर नगर परिषदेचे माजी नगराध्यक्ष विजय चिमड्यालवार यांनी भाजप कार्यकर्त्यांनी मारहाण केल्याचा आरोप केला आहे. काल संध्याकाळी प्रचार थंडावल्या नंतर बल्लारपूर विधानसभा क्षेत्रातील कोसंबी गावात पालकमंत्री सुधीर मुनगंटीवार रात्री जवळपास 12:30 वाजता सभा घेत असल्याचा काँग्रेस कार्यकर्त्यांना संशय होता. त्यामुळे काँग्रेस उमेदवार संतोष रावत यांच्यासह काँग्रेस कार्यकर्त्यांनी कोसंबी गाव गाठले. त्यानंतर भाजप कार्यकर्त्यांनी विजय चिमड्यालवार यांना धक्काबुक्की आणि मारहाण केल्याचा आरोप आहे. भाजप कार्यकर्त्यांविरुद्ध गुन्हा नोंदवण्याची काँग्रेस कार्यकर्त्यांची मागणी करण्यात आली आहे. सकाळपर्यंत मूल पोलीस स्टेशन येथे काँग्रेस कार्यकर्त्यांचा ठिय्या सुरु आहे.

छत्रपती संभाजीनगर शहरात बोटाला शाई लावून पैसे वाटप करत असल्याचा आरोप करण्यात आला आहे. विरोधी पक्षनेते अंबादास दानवे यांनी फेसबुक पोस्ट करत आरोप केला आहे. बोटाला शाही लावून मतदान कार्ड जमा करत असल्याचा आरोप करण्यात आला आहे. जवाहर नगर पोलिसांनी 18 लाख जमा केल्याचा पोस्टमध्ये उल्लेख आहे. तर संजय शिरसाट यांच्या सांगण्यावरून 2 कोटी रुपये पोलिसांनी सोडल्याचा अंबादास दानवे यांचा आरोप आहे. संभाजीनगरच्या जवाहर नगर पोलीस ठाणे हद्दीत प्रकार घडल्याची माहिती आहे. रात्री उशीरा पर्यंत जवाहर नगर पोलीस ठाण्यात राडा सुरू होता.