Maharashtra CM Eknath Shinde Resign LIVE : एकनाथ शिंदेच पुन्हा मुख्यमंत्री व्हावेत म्हणून कार्यकर्त्याकडून अंबाबाईला दंडवत

करमाळ्याचे माजी आमदार संजयमामा शिंदे यांनी आज उपमुख्यमंत्री अजित पवार यांची मुंबईत भेट घेतली आहे. माजी आमदार संजयमामा शिंदे हे अजित पवार यांचे समर्थक आहेत. संजयमामा शिंदे यांनी करमाळा विधानसभा निवडणूक ही अपक्ष म्हणून लढविली होती. त्यात त्यांचा पराभव झाला होता. निवडणूक निकालानंतर त्यांनी पहिल्यांदाच अजित पवार यांची भेट घेतली. विधानसभा निवडणुकीत राष्ट्रवादी काँग्रेस पक्षाला मिळालेल्या घवघवीत यशाचे आणि बारामती मतदारसंघातून प्रचंड मताधिक्याने निवडून आल्याबद्दल अजित पवार यांचे भेटून अभिनंदन केले. यावेळी माजी आमदार संजयमामा शिंदे यांचे पुत्र निमगावचे सरपंच यशवंत शिंदे, जिल्हा परिषदेचे माजी सदस्य संजय पाटील भिमानगरकर आदी उपस्थित होते.

झारखंडचे कार्यवाहक मुख्यमंत्री हेमंत सोरेन आणि त्यांची पत्नी कल्पना सोरेन संसद भवनात पोहोचले आहेत आणि केंद्रीय गृहमंत्री अमित शहा यांची भेट घेतली. विधानसभा निवडणुकीच्या निकालानंतर हेमंत सोरेन यांनी शहा यांची भेट घेण्याची ही पहिलीच वेळ आहे.

पराभव झाला तर ईव्हीएममध्ये बिघाड आणि निवडणूक जिंकली तर ते यश असं कसं होऊ शकतं, असा सवाल सुप्रीम कोर्टाने उपस्थित केला आहे. बॅलेट पेपरद्वारे मतदान करण्याव्यतिरिक्त अनेक सूचना याचिकेत मागण्यात आल्या होत्या. निवडणुकीदरम्यान मतदारांना पैसे, दारू किंवा इतर प्रलोभन दिल्याबद्दल दोषी आढळल्यास उमेदवाराला पाच वर्षांसाठी अपात्र ठरवण्याचे निर्देश द्यावे असंही नमूद करण्यात आलं आहे.

महाराष्ट्रातील विधानसभा निवडणुकीच्या निकालानंतर भाजप नेते किरीट सोमय्या यांनी दावा केला आहे की, आपल्या वक्तव्याबद्दल माफी मागून सज्जाद नोमानी यांनी एका धर्माला भडकावून दुसऱ्या समाजाच्या भावना दुखावल्याचे सिद्ध केले आहे. त्यामुळे सज्जादवर कडक कारवाई करण्यात यावी.

राज्यात भाजप महायुतीची सत्ता आल्याने नंदुरबार जिल्ह्यात भाजपाच्या वतीने बॅनरबाजी करण्यात आली आहे. लाडक्या बहिणीचे लाडके मुख्यमंत्री देवाभाऊ असे आशियाचे बॅनर लावण्यात आले आहेत.  नंदुरबार शहरात ठीक ठिकाणी जिल्हाध्यक्ष निलेश माळी आणि प्रदेश सरचिटणीस विजय चौधरी यांच्याकडून बॅनर बाजी करण्यात आली आहे.  मुख्यमंत्री देवेंद्र फडणवीस व्हावे यासाठी भाजपच्या वतीने बॅनरबाजी करण्यात येत आहे.  महायुती सरकारने लाडकी बहीण योजना आणली असल्यामुळे महिलांच्या मनातील मुख्यमंत्री देवेंद्र फडणवीस आहेत. असे आशियाचे बॅनर लावलेत. नंदुरबार शहरात लावलेल्या बॅनरमुळे शहरात एकच चर्चा रंगली आहे.

महायुतीला स्पष्ट बहुमत मिळाल्यानंतर आता मुख्यमंत्री कोण होणार? याकडे साऱ्यांचं लक्ष लागून आहे. अशात एकनाथ शिंदे हेच पुन्हा मुख्यमंत्री व्हावेत म्हणून सागर जाधव या कार्यकर्त्याकडून अंबाबाईला दंडवत घातला . मुख्यमंत्री एकनाथ शिंदे व्हावेत असा फलक घेऊन दंडवत घातला. राब राब राबणाऱ्या एकनाथ शिंदे यांनाच मुख्यमंत्री करा अशी, जाधव यांची मागणी आहे.

पनवेलमधून मोठी बातमी समोर आली आहे. पनवेलमधील तक्का येथे चालत्या कारने अचानक घेतला पेट आहे. यात सुदैवाने कोणतीही जीवितहानी झाली नाही. शॉर्टसर्किट झाल्याने कारने पेट घेतल्याचा प्राथमिक अंदाज वर्तवण्यात येत आहे.

उदयनराजे भोसले यांनी अजित पवार यांची भेट घेतली. उदयनराजे देवगिरी बंगल्यावर भेटण्यासाठी आले होते.

संजय राऊत यांना थोड्या दिवसात वेडाचे झटके येतील कपडे फाडून ते फिरणार आहेत, चिंतेपोटी ते काही वक्तव्य करत आहेत माझ्या मतदारसंघात मेंटल हॉस्पिटल आहे कपडे फाडून ते रस्त्यावरून फिरतील नरेश मस्के यांनी संजय राऊत यांच्यावर जहरी टीका केली आहे.

शरद पवार गटाच्या नेत्यांची आज बैठक झाली. त्यात ईव्हीएम विरोधात पराभूत उमेदवारांनी रोष व्यक्त करण्यात आला.

नवापूर तालुक्यातील कोंडाईबारी घाटात पाच वाहनांचा विचित्र अपघात झाला. चार ट्रक आणि एक बस चा अपघात अपघातात एक ठार १५ प्रवासी जखमी झाले. अमळनेर सुरत बस आणि चार ट्रकचा अपघात झाला.

माकपाचे माजी आमदार नरसिया आडम यांची सोलापूर शहर मध्यची निवडणूक रद्द करून फेरनिवडणूक घेण्याची मागणी केली आहे. या मागणीसाठी माजी आमदार नरसय्या आडम हायकोर्टासह सुप्रीम कोर्टात धाव घेणार आहेत. यापुढे कोणत्याही प्रकारची निवडणूक लढणार नाही असे सांगत संसदीय कारणातून संन्यास जाहीर केला.

राष्ट्रवादी काँग्रेस पक्षाचे नाव आणि चिन्हाबाबत सुप्रीम कोर्टात सुनावणी झाली. शरद पवार यांच्या पक्षाकडून प्रतिज्ञापत्र दाखल करण्यात आले. अजित पवार यांनी घड्याळ चिन्ह वापरून मतदारांमध्ये भ्रम निर्माण करण्याचा प्रयत्न केला. घड्याळ चिन्हासोबत जोडल्या गेलेल्या भावना आणि त्याबाबतचा लाभ घेण्याचाही प्रयत्न केला. याबाबतचे पुरावे म्हणून काही कागदपत्र दाखल करण्याची परवानगी द्या , शरद पवार यांच्या पक्षाने कोर्टात विनंती केले.

राज्याचे मुख्यमंत्री देवेंद्र फडवणीस व्हावे याकरिता, भारतीय जनता पार्टी छत्रपती संभाजीनगर शाखेच्या वतीने सुपारी हनुमान मारुतीला भव्य महाआरती करत, साकडे घालण्यात आले. यावेळी लाडक्या बहिणीचा लाडका, भाऊ देवा भाऊ.. देवा भाऊ.. अशा घोषणा देण्यात आल्या

देवेंद्र फडणवीस मुख्यमंत्री होणार असा संदेश भाजपकडून एकनाथ शिंदे यांना देण्यात आलाय असं रामदास आठवले यांनी म्हटलं आहे.

“OBC विरोधी मुख्यमंत्री आम्हाला नकोय. जरांगेचा खुटा OBC ने उपटला आहे. महायुतीसाठी OBC समाज निर्णायक ठरला आहे. OBC समाजाला मुख्यमंत्री पद द्यावं. छगन भुजबळ किंवा पंकजा मुंडे यांना मुख्यमंत्री करावं अशी आम्ही मागणी करतोय. महायुतीने याचा विचार करावा अन्यथा स्थानिक स्वराज्य संस्थांच्या निवडणुकीला फटका बसेल” असं OBC आरक्षण बचाव समितीचे मंगेश ससाणे म्हणाले.

EVM बाबतचा संशय दूर करायचा असेल तर आता निवडणूक आयोग आणि सुप्रीम कोर्टाने यात लक्ष घातले पाहिजे. शेतकरी संघटनेचे नेते राजू शेट्टी यांनी केली मागणी.

नवी दिल्लीत आज काँग्रेसची महत्त्वाची बैठक सुरु आहे. या बैठकीला राहुल गांधी उपस्थित आहेत. त्यासोबतच नाना पटोले, मल्लिकार्जुन खरगे हे देखील या बैठकीत सहभागी झाले आहेत. या बैठकीत महत्त्वाचा निर्णय होणार आहे.

परभणी : राज्यात महायुतीला मिळालेल्या विजयाचा श्रेय देवेंद्र फडणवीस यांना जाते. भाजपचे 132 आणि अपक्ष 5 अशा 137 आमदारांचा देवेंद्र फडणवीस यांना पाठिंबा आहे. त्यामुळे देवेंद्र फडणवीस यांना मुख्यमंत्री करा. यासाठी आमचा बिनशर्त पाठिंबा आहे, असे आवाहन राष्ट्रीय समाज पक्षाचे गंगाखेड येथील आमदार रत्नाकर गुट्टे यांचा भाजप पक्षश्रेष्ठींना केले आहे.

नवी दिल्ली : राष्ट्रवादी काँग्रेस पक्षाचे नाव आणि चिन्हाबाबत सुप्रीम कोर्टात सुनावणी आज पार पडणार आहे. शरद पवार यांच्या पक्षाकडून प्रतिज्ञापत्र दाखल करण्यात आले आहे. अजित पवार यांनी घड्याळ चिन्ह वापरून मतदारांमध्ये भ्रम निर्माण करण्याचा प्रयत्न केला. घड्याळ चिन्हासोबत जोडल्या गेलेल्या भावना आणि त्याबाबतचा लाभ घेण्याचाही प्रयत्न केला. याबाबतचे पुरावे म्हणून काही कागदपत्र दाखल करण्याची परवानगी द्या, अशी मागणी शरद पवार यांच्या पक्षाकडून करण्यात आली आहे.

नवी दिल्ली : विधानसभा निवडणूक संचालन समितीचे प्रमुख रावसाहेब दानवे यांची भूपेंद्र यादव यांच्यासोबत बैठक आयोजित करण्यात आली आहे. मुख्यमंत्री पदाच्या चेहऱ्याच्या मुद्द्यावरून केंद्रीय नेतृत्वाकडून चाचपणी करण्यात येत आहे. रावसाहेब दानवे हे सकाळपासून केंद्रीय नेतृत्वाच्या भेटी घेण्यात व्यस्त आहेत.

“येत्या काही दिवसांत राज्यात नवं सरकार स्थापन होईल. प्रत्येक कार्यकर्त्याच्या भावना असतात की आपल्या पक्षाचा मुख्यमंत्री व्हावा. परंतु तीनही पक्षांनी स्पष्ट सांगितलंय की जो निर्णय मोदी आणि शाह घेतील, तो सर्वांना मान्य असेल. मुख्यमंत्रीपदाचा राजीनामा देणं ही कायदेशीर तरतूद असते. सरकारचा कार्यकाळ पूर्ण झाल्यानंतर राजीनामा द्यावा लागतो,” असं दीपक केसरकर म्हणाले.

छत्रपती संभाजीनगर- राज्याचे मुख्यमंत्री देवेंद्र फडवणीस व्हावे याकरिता, भारतीय जनता पार्टी संभाजीनगर शाखेच्या वतीने सुपारी हनुमान मारुतीला भव्य महाआरती करत, साकडे घालण्यात आले. यावेळी लाडक्या बहिणीचा लाडका, भाऊ देवा भाऊ.. देवा भाऊ.. अशा घोषणा देण्यात आल्या.

“एकनाथ शिंदे हे 16 तास काम करणारे मुख्यमंत्री आहेत. त्यांनी जितक्या जागा लढल्या होत्या, तेवढ्या जागा निवडून आल्या आहेत. स्ट्राईक रेट सगळ्यांचा चांगला आहे. येणाऱ्या काळात पालकमंत्री शिवसेनेचा असावा अशी आमची मागणी आहे. सत्तेत महायुती आहे, शिवसेनेचा पालकमंत्री असला तर कुंभमेळा चांगला पार पडेल असं वाटतं,” असं मत हेमंत गोडसेंनी नोंदवलंय.

एकनाथ शिंदे यांनी मुख्यमंत्रिपदाचा राजीनामा दिला आहे. शिंदेंनी राज्यपाल सी. पी. राधाकृष्णन यांच्याकडे आपला राजीनामा सुपूर्द केला आहे.  शिंदे यांची काळजीवाहू मुख्यमंत्री म्हणून नेमणूक करण्यात आली आहे.

“संपूर्ण महाराष्ट्राची इच्छा की शिंदे साहेब मुख्यमंत्री व्हावेत. वरिष्ठ पातळीवर चर्चा होतील. मात्र शिंदे साहेबांनी 2 वर्षात अनेक धाडसी निर्णय घेतले. त्यामुळे महायुतीला लोकाभिमुख काम करता आलं. सर्वसामान्य माणसाची आणि आमची देखील इच्छा आहे की शिंदे साहेब मुख्यमंत्री व्हावेत,” असं हेमंत गोडसे म्हणाले.

सांगलीच्या खानापूर मतदारसंघातून पराभूत झालेले राष्ट्रवादी शरद पवार गटाचे उमेदवार वैभव पाटील यांनी ईव्हीएम मशीनवर आक्षेप नोंदवला आहे. हा कौल जनतेचा नसून ईव्हीएमचा आहे असा आरोप करत हा निकाल अपेक्षित नव्हता, त्यामुळे हे ईव्हीएम मशीन हे यंत्र आहे की, षडयंत्र आहे ? असा सवाल देखील वैभव पाटील यांनी पत्रकार उपस्थित केला आहे.

मुख्यमंत्री एकनाथ शिंदे पुन्हा पदारुढ व्हावेत यासाठी चंद्रपुरात शिवसैनिकांनी होम हवन केलं आहे… चंद्रपूरच्या देवी महाकाली मंदिरात युवा सेनेच्या वतीने यज्ञाचे आयोजन… मुख्यमंत्री एकनाथ शिंदे यांनी लाडकी बहीण योजनेसह राज्यात राबविलेल्या योजनांमुळेच पुन्हा महायुतीचा विराट विजय झाला असल्याची शिवसैनिकांची भावना…

सीएमपदासाठी फडणवीसांच्या नावावर शिक्कामोर्तब… शिंदेंचे 6, दादांचे 4 आमदार घेणार शपथ… मुख्यमंत्र्यांसोबत 20 आमदार मंत्रिपदाची शपथ घेणार असल्याची माहिती सूत्रांकडून मिळाली आहे…

एकनाथ शिंदे यांच्या खासदारांनी पंतप्रधानांची भेट घेण्यासाठी वेळ मागितला… अशी माहिती सुत्रांनी दिली आहे. शिवसेनेचे माजी खासदारही दिल्लीत उपस्थित राहणार.. एकनाथ शिंदे यांचे 7 खासदार आणि 4 माजी खासदार पंतप्रधानांची भेट घेणार…

लोकसभेच्या वेळी संविधानाबाबत फेक नॅरेटिव्ह सेट केला गेला… आम्हाला संविधानाबाबत अतिशय आदर, अभिमान आहे…. असं वक्तव्य अजित पवार यांनी केलं आहे.

पुणे महानगरपालिकेच्या अहवालामुळे निवडणुका लांबणीवर पडण्याची शक्यता आहे. फुरसुंगी आणि उरुळी देवाची गावे वगळल्याने एक प्रभाग कमी होणार असल्याचा महापालिकेने राज्य निवडणूक आयोगाकडे अहवाल पाठवला आहे. महापालिकेच्या या अहवालामुळे नव्याने प्रभाग रचना करावी लागणार आहे. त्यामुळे पुणे महापालिकेची निवडणूक लांबणीवर पडण्याची शक्यता आहे. पुणे महापालिकेतील फुरसुंगी आणि उरुळी देवाची गावे वगळून नवीन नगरपरिषद करण्यात आल्याने अहवाल सादर करण्यात आला आहे.

पुण्यात आणखी दोन आंतरराष्ट्रीय विमानसेवा सुरू होणार आहे. पुण्याहून देशांतर्गतसह आंतरराष्ट्रीय विमान उड्डाणांमध्ये आता वाढ झाली आहे. पुण्यातून दुबई आणि बँकॉकसाठी थेट विमानसेवा सुरू झाली आहे. यामुळे पुण्यातून होणाऱ्या आंतरराष्ट्रीय उड्डाणांची संख्या आता चार झाली आहे. पुणे विमानतळाने हिवाळी वेळापत्रकात या नवीन आंतरराष्ट्रीय उड्डाणांचे नियोजन केले होते. इंडिगो एअरलाइन्सने पुण्याहून बँकॉकसाठी थेट विमानसेवा २२ नोव्हेंबरपासून सुरू केली आहे.

विधानसभा निवडणुकीत भाजप आणि महायुतीला स्पष्ट बहुमत मिळालं आहे. पण अद्यातपर्यंत मुख्यमंत्रिपदाचा चेहरा कोण? हे स्पष्टपणे समोर आलेलं नाही. देवेंद्र फडणवीस यांचं नाव मुख्यमंत्रिपदासाठी चर्चेत आहे. तर एकनाथ शिंदे हे मुख्यमंत्रिपदासाठी आग्रही असल्याचं कळतं आहे. त्यामुळे महाराष्ट्राच्या मुख्यमंत्रिपदी कोण विराजमान होणार? हे पाहणं महत्वाचं असणार आहे.

राष्ट्रवादी काँग्रेस शरद पवार गटाच्या मोताळा तालुकाध्यक्षावर प्राणघातक हल्ल झाला आहे. बुलढाण्यातील तालखेड फाट्या जवळील घटना आहे. चार अज्ञातांनी केला तालुकाध्यक्षवर हल्ला केला आहे. सुनील कोल्हे यांचे हात आणि पाय फ्रॅक्चर आहेत. कोल्हे वर रुग्णालयात उपचार सुरू आहेत. काल सायंकाळी चार जणांनी हल्ला केला आहे. कोल्हे शेतातून घरी परतत होते.