ठाकरे गटात इनकमिंग सुरु, महायुतीला मिळणार डबल धक्का, कोकणातील मोठा नेता करणार पक्षप्रवेश

उद्धव ठाकरे, एकनाथ शिंदे

Image Credit source: ANI

Maharashtra Assembly Election 2024 : महाराष्ट्रातील विधानसभा निवडणुकांची घोषणा होताच सर्वत्र राजकीय घडामोडी वेगाने सुरु झाल्या आहेत. विधानसभा निवडणुकांची घोषणा होताच आता इनकमिंग आऊटगोईंगला सुरुवात झाली आहे. सध्या महायुतीतून अनेक नेते, पदाधिकारी हे महाविकासाआघाडीत प्रवेश करत आहेत. तर दुसरीकडे महाविकासाघाडीतही हेच चित्र पाहायला मिळत आहे. त्यातच आज शिवसेना उद्धव ठाकरेंच्या उपस्थितीत मोठी इनकमिंग पाहायला मिळणार आहे. कोकणातील भाजपचा एक मोठा नेता ठाकरे गटाच्या गळाला लागला आहे. तर दुसरीकडे उपमुख्यमंत्री अजित पवार यांची साथ सोडलेला एक नेता अनेक वर्षांनी पुन्हा स्वगृही परतणार आहे.

राजन तेली यांना सावंतवाडी विधानसभा मतदारसंघातून मिळणार तिकीट

कोकणातील भाजप नेते आणि माजी आमदार राजन तेली हे आज शिवसेना ठाकरे गटात प्रवेश करणार आहेत. तर दुसरीकडे उपमुख्यमंत्री अजित पवार यांची साथ सोडलेले दीपक आबा साळुंखे हे देखील आज स्वगृही ठाकरे गटात परतत आहेत. शिवसेना पक्षप्रमुख उद्धव ठाकरे यांच्या प्रमुख उपस्थितीत आज मातोश्रीवर पक्षप्रवेशाचा कार्यक्रम पार पडणार आहे. संध्याकाळी 4 च्या दरम्यान हा कार्यक्रम आयोजित करण्यात आला आहे. विशेष म्हणजे राजन तेली यांना सावंतवाडी विधानसभा मतदारसंघात उमेदवारी दिली जाणार असल्याचे बोललं जात आहे.

राजन तेली यांच्या राजीनाम्याचे कारण काय?

काही दिवसांपूर्वी राजन तेली यांनी भाजपच्या राजन तेली यांनी प्राथमिक सदस्यत्व आणि पदाचा राजीनामा दिला होता. यानतंर त्यांनी टीव्ही 9 मराठीशी बोलताना राजीनामा देण्याची धक्कादायक कारणं सांगितली होती. माझ्या मतदारसंघात सध्या घराणेशाही सुरु आहे आणि ती घराणेशाही मला मान्य नाही. तसेच राणे परिवाराकडून होत असलेले अंतर्गत खच्चीकरण यालाही मी कंटाळलो आहे. त्यामुळेच मी राजीनामा देत आहे, असे राजन तेली यांनी म्हटले आहे.

नारायण राणेंसह दीपक केसरकरांना मोठा धक्का

राजन तेली हे आज शिवसेना ठाकरे गटात प्रवेश करण्यावर शिक्कामोर्तब झाले आहे. यामुळे कोकणातील भाजपचा मोठा नेता ठाकरे गटाच्या गळाला लागल्याचे बोललं जात आहे. कोकणातील भाजपचे नेते राजन तेली हे उद्या मातोश्रीवर ठाकरे गटात पक्ष प्रवेश करणार आहेत. दुपारी चारच्या सुमारास हा पक्षप्रवेश सोहळा पार पडणार आहे. त्यामुळे कोकणात राजन तेली विरुद्ध मंत्री दीपक केसरकर यांच्यात लढत होणार असल्याचे बोललं जात आहे. राजन तेली यांच्या प्रवेशामुळे भाजप आणि नारायण राणे यांना मोठा धक्का बसला आहे.

अजित पवार गटाचे दीपक साळुंखेही हाती घेणार ‘मशाल’

तर दुसरीकडे उद्धव ठाकरे यांच्या शिवसेनेत मोठी इनकमिंग पाहायला मिळत आहे. अजित पवार यांच्या राष्ट्रवादीसोबतच भाजपलाही ठाकरेंच्या सेनेकडून धक्का देण्यात आला आहे. सांगोल्यातून अजित दादा गटाचे दीपक आबा साळुंखे हे आज संध्याकाळी 4 वाजता पक्षप्रवेश करणार आहेत. तर भाजपच्या राजन तेली यांचा 5 वाजता होणार पक्षप्रवेश केला जाणार आहे. तसेच चिंचवड येथील अजित दादा गटाचे मोरेश्वर बोन्डवे यांचा 6 वाजता प्रवेश होणार आहे. सांगोल्यातून राष्ट्रवादी शरद पवार गटाने दावा केला आहे. मात्र सांगोल्यातून शहाजीबापू पाटील यांच्याविरोधात ठाकरेंच्या सेनेतून दीपक आबा साळुंखे उतरणार मैदानात उतरणार आहेत.

गेल्या वेळी झालेल्या निवडणुकीत दीपक साळुंखे यांना तिकीट डावल्याने त्यांनी ऐनवेळी महायुतीचे शहाजीबापू पाटील यांचा प्रचार केला होता. या निवडणुकीत शहाजी बापू हे केवळ 768 मतांनी विजयी झाले होते. आता दीपक साळुंखे यांच्या शिवसेना ठाकरे गटात प्रवेश केल्यानंतर शेतकरी कामगार पक्ष काय भूमिका घेणार याकडे लक्ष असणार आहे.