Maharashtra Cabinet Minister Swearing-in Ceremony LIVE : 39 आमदारांचा शपथविधी पार, आता खातेवाटपाची प्रतिक्षा

महायुती सरकारमधील 39 आमदारांचा शपथविधी सोहळा नागपूरमधील राजभवनात पार पडला आहे. शिंदे शिवसेना, राष्ट्रवादी अजित पवार गट आणि भाजपच्या एकूण 39 आमदारांनी शपथ घेतली आहे. त्यापैकी 33 आमदारांनी कॅबिनेट तर 6 जणांनी राज्यमंत्रिपदाची शपथ घेतली आहे. त्यानंतर आता साऱ्यांचं लक्ष हे खातेवाटपाकडे असणार आहे.

शिंदे शिवसेनेचे आमदार योगेश कदम यांनी राज्य मंत्रिपदाची शपथ घेतली आहे.  योगेश कदम हे दापोली मतदारसंघाचे आमदार आहेत. रामदास कदम यांचे ते पुत्र आहेत. योगेश कदम हे सलग दुसऱ्यांदा आमदार झाले आहेत.

राष्ट्रवादी दादा गटाचे आमदार इंद्रनील नाईक यांनी राज्य मंत्रिपदाची शपथ घेतली आहे. इंद्रनील नाईक हे पुसद मतदारसंघाचे आमदार आहेत. त्यांची आमदार म्हणून दुसरी वेळ आहे.

भाजपच्या जिंतूर मतदारसंघाच्या आमदार मेघना बोर्डीकर यांनी राज्य मंत्रिपदाची शपथ घेतली आहे. त्यांचीआमदार म्हणून निवडून येण्याची ही सलग दुसरी वेळ आहे.

भाजपचे वर्धा मतदारसंघाचे आमदार पंकज भोयर यांनी घेतली राज्य मंत्रिपदाची शपथ घेतली आहे. पंकज भोयर यांची आमदार म्हणून ही तिसरी वेळ आहे.

शिंदे शिवसेना रामटेक विधानसभा मतदारसंघाचे आमदार आशिष जैस्वाल यांनी राज्य मंत्रिपदाची शपथ घेतली आहे.

माधुरी मिसाळ यांनी राज्य मंत्रिपदाची शपथ घेतली आहे. माधुरी मिसाळ या पर्वती मतदारसंघातून भाजपच्या तिकीटावर जिंकून आल्या आहेत. त्यांची आमदार म्हणून ही चौथी वेळ आहे.

शिंदे शिवसेनेचे राधानगरी विधानसभा मतदारसंघाचे आमदार  प्रकाश आबिटकर यांनी मंत्रिपदाची शपथ घेतली आहे. त्यांची ही आमदार म्हणून दुसरी वेळ आहे.

राष्ट्रवादी अजित पवार गटाचे अहमदपूर विधानसभा मतदारसंघाचे आमदार बाबासाहेब पाटील यांनी  मंत्रिपदाची शपथ घेतली आहे.  त्यांची आमदार म्हणून ही सलग तिसरी वेळ आहे.

भाजपचे खामगाव मतदारसंघाचे आमदार आकाश फुंडकर यांनी मंत्रिपदाची शपथ घेतली आहे. फुंडकर यांची आमदार म्हणून ही तिसरी वेळ आहे.

भाजपचे कणकणवील मतदारसंघाचे आमदार नितेश राणे यांनी मंत्रिपदाची शपथ घेतली आहे. त्यांची यंदाची आमदार म्हणून दुसरी वेळ आहे. नितेश राणे हे भाजपच्या आक्रमक नेत्यांपैकी एक आहेत.

राष्ट्रवादी दादा गटाचे आमदार मकरंद जाधव यांनी मंत्रिपदाची शपथ घेतली आहे. मकरंद जाधव हे वाईचे आमदार आहेत. ते 2009 पासून आमदार आहेत.

शिंदे शिवसेनेचे महाड विधानसभा मतदारसंघाचे आमदार भरतशेठ गोगावले यांची अखेर मंत्रिपदाची प्रतिक्षा संपली आहे. गोगावले यांनी मंत्रिपदाची शपथ घेतली आहे. त्यांची आमदार म्हणून सलग चौथी वेळ आहे.

शिंदे शिवसेनेचे आमदार प्रताप सरनाईक यांनी मंत्रिपदाची शपथ घेतली आहे. ते ओवळा माजिवाडा मतदारसंघाचे आमदार आहेत. त्यांची आमदार म्हणून चौथी वेळ आहे.

शिंदे शिवसेनेचे आमदार संजय शिरसाठ यांनी मंत्रिपदाची शपथ घेतली  आहे. त्यांची आमदार म्हणून निवडून येण्याची चौथी वेळ आहे. ते संभाजीनगर पश्चिमचे आमदार आहेत.

आमदारकीची हॅटट्रिक करणारे संजय सावकारे यांनी मंत्रिपदाची शपथ घेतली आहे. सावकारे हे भाजपचे भुसावळ मतरादसंघाचे आमदार आहेत.

राष्ट्रवादी काँग्रेस दादा गटाचे आमदार नरहरी झिरवाळ यांनी  मंत्रिपदाची शपथ  घेतली आहे.

भाजपचे माण विधानसभा मतदारसंघाचे आमदार जयकुमार गोरे यांनी मंत्रिपदाची शपथ घेतली आहे.

राष्ट्रवादी काँग्रेस दादा गटाचे आमदार माणिकराव कोकाटे यांनी मंत्रिपदाची शपथ घेतली आहे. ते सिन्नर विधानसभा मतदारसंघाचे आमदार आहेत. ते 2009 पासून आमदार आहेत.

शिवेंद्रराजे भोसले यांनी मंत्रिपदाची शपथ घेतली आहे. राज्यपालांनी त्यांना मंत्रिपदाची शपथ दिली

श्रीवर्धन विधानसभा मतदारसंघातून सलग दुसऱ्यांदा निवडून आलेल्या राष्ट्रवादी अजित पवार गटाच्या आदिती तटकरे यांनी मंत्रिपदाची शपथ घेतली आहे.

राष्ट्रवादी अजित पवार गटाचे आमदार दत्ता भरणे यांनी मंत्रिपदाची शपथ घेतली आहे. ते इंदापूर मतदारसंघाचे आमदार आहेत.

भाजपचे आमदार आशिष देसाई यांनी मंत्रिपदाची शपथ घेतली आहे.  शेलार यांची यंदाची आमदार म्हणून सलग चौथी वेळ आहे.  ते वांद्रे पश्चिम मतदारसंघाचे आमदार आहेत.

शिंदे शिवसेनेचे आमदार शंभुराजे देसाई यांनी मंत्रिपदाची शपथ घेतली आहे.

भाजपचे राळेगाव विधानसभा मतदारसंघाचे आमदार अशोक उईके यांनी मंत्रिपदाची शपथ घेतली  आहे. त्यांची आमदार म्हणून ही तिसरी वेळ आहे.

भाजप संभाजीनगर पूर्वचे आमदार अतुल सावे यांनी मंत्रिपदाची शपथ  घेतली आहे. त्यांची आमदार म्हणून सलग तिसरी वेळ आहे.

भाजपच्या विधान परिषद आमदार पंकजा मुंडे यांनी मंत्रिपदाची शपथ घेतली आहे.  राज्यपालांनी त्यांना पद आणि गोपनियतेची शपथ दिली.

शिंदखेडा विधानसभा मतदारसंघातील भाजपचे आमदार जयकुमार रावल यांनी मंत्रिपदाची शपथ घेतली आहे. त्यांची यंदाची आमदार म्हणून पाचवी वेळ आहे.

शिंदे शिवसेनेचे आमदार उदय सामंत यांनी मंत्रिपदाची शपथ घेतली आहे. सामंत हे रत्नागिरी विधानसभा मतदारसंघाचे आमदार आहेत. सामंत यांची यंदाची आमदार म्हणून निवडून येण्याची पाचवी वेळ आहे.

भाजपचे मलबार हीलचे आमदार मंगलप्रभात लोढा यांनी मंत्रिपदाची शपथ घेतली आहे.

राष्ट्रवादी दादा गटाचे आमदार धनंजय मुंडे यांनी मंत्रिपदाची शपथ घेतली आहे.  धनंजय मुंडे परळी विधानसभेचे आमदार आहेत.

बंजारा समाजाचे नेते संजय राठोड यांनी घेतली मंत्रिपदाची शपथ घेतली आहे. जय सेवालाल असं म्हणत संजय राठोड यांनी शपथीची सांगता केली.

शिंदे शिवसेनेचे मालेगाव बाह्यचे आमदार दादा भुसे यांनी मंत्रिपदाची शपथ घेतली  आहे. भुसे यांची आमदार म्हणून ही सलग पाचवी वेळ आहे.

भाजपचे ऐरोळी विधानसभा मतदारसंघाचे आमदार गणेश नाईक यांनी मंत्रिपदाची शपथ घेतली आहे. त्यांची आमदार म्हणून ही सातवी वेळ आहे.

शिंदे शिवसेनेचे आमदार गुलाबराव पाटील यांनी मंत्रिपदाची शपथ घेतली आहे. ते जळगाव ग्रामीण मतदारसंघाचे आमदार आहेत. त्यांची आमदारकीची ही पाचवी वेळ आहे.

भाजपचे संकटमोचक आणि जामनेरचे आमदार गिरीश महाजन यांनी मंत्रिपदाची शपथ घेतली आहे. त्यांची आमदार म्हणून यंदाची ही सातवी वेळ आहे

भाजपचे कोथरुड विधानसभा मतदारसंघातील आमदार चंद्रकांत पाटील यांनी मंत्रिपदाची शपथ घेतली आहे. ते 2014 पासून आमदार म्हणून निवडून येत आहेत.

हसन मुश्रीफ यांनी मंत्रिपदाची शपथ घेतली आहे. अल्लाह साक्ष शपथ घेतो की, असं म्हणत हसन मुश्रीफ यांनी पद आणि गोपनियतेची शपथ घेतली.

भाजपच्या राधाकृष्ण विखे पाटील यांनी मंत्रिपदाची शपथ घेतली आहे. राधाकृष्ण विखे पाटील यांची यंदाची आमदार म्हणून निवडून येण्याची आठवी वेळ आहे.  ते शिर्डीचे आमदार आहेत.

भाजप प्रदेशाध्यक्ष चंद्रशेखर बावनकुळे यांनी मंत्रिपदाची शपथ घेतली आहे. बावनकुळे हे 2004 पासून आमदार आहेत.  यंदाची त्यांची आमदार म्हणून पाचवी वेळ आहे.

राज्यपालांचं मंचावर आगमन झालं आहे. त्यांनतर आता राष्ट्रगीत पार पडलं आहे. अवघ्या काही मिनिटांत शपथविधी सोहळ्याला सुरुवात होणार आहे. एकूण 39 आमदार मंत्रिपदाची शपथ घेणार आहेत.

मंत्रिपदाची शपथ घेणारे 39 आमदार हे मंचावर स्थानपन्न झाले आहेत.आता काहीच मिनिटांनी शपथविधी सोहळ्याला सुरुवात होणार आहे.

नागपुरातील राजभवनात थोड्याच वेळात महायुती सरकारच्या शपथविधी सोहळ्याला सुरुवात होणार आहे.  एकूण 39 आमदार मंत्रिपदाची शपथ घेणार आहेत.

महायुतीतील मंत्र्‍यांना अडीच-अडीच वर्षे संधी देण्यावर एकमत झाल्याचे राष्ट्रवादीच्या नागपूर येथील मेळाव्यात उपमुख्यमंत्री अजित पवार यांनी म्हटले आहे.

नांदेड शहरातील सोमेश कॉलनी भागात अज्ञात तरुणांनी दोन गाड्या फोडल्या. आज दुपारच्या सुमारास हा प्रकार घडला. एक कार आणि एका ऑटोवर काही तरुणांनी दगडफेक केली. त्यानंतर शहरात विविध अफवा पसरल्या होत्या. त्यानंतर शहरात पोलीस बंदोबस्त वाढवण्यात आला.

सरकारला बहुमत मिळून सुद्धा मंत्रिमंडळ स्थापन व्हायला इतका वेळ लागतोय. हा मतदारांचा अपमान नाही का ? असा सवाल शिवसेना उबाठा नेते आदित्य ठाकरे यांनी केला आहे.

वरळीमध्ये इमारतीला लागलेल्या भीषण आगीवर नियंत्रण मिळवण्यात आले आहे. अग्निशमन दलाच्या १० गाड्या घटनास्थळी दाखल झाल्या होत्या. वरळीतील पूनम चेंबर्स या इमारतीला आग लागली होती. अग्निशमन दलाकडून दीड तासानंतर आगीवर नियंत्रण मिळवण्यात आले.

शिवसेना नेते व उपमुख्यमंत्री एकनाथ शिंदे यांच्या स्वागतासाठी विमानतळावर लाडक्या बहिणी दाखल झाल्या आहेत. उपमुख्यमंत्री एकनाथ शिंदे यांचे औक्षण बहिणीकडून केले जाणार आहे.

मराठवाड्यातील सहा आमदारांना मंत्रीपदासाठी फोन आले आहे. त्यात संजय शिरसाठ, अतुल सावे, मेघना बोर्डीकर, बाबासाहेब पाटील, धनंजय मुंडे, पंकजा मुंडे यांचा समावेश आहे.

अजित पवार हे नागपूर शहरातील राष्ट्रवादी काँग्रेस पक्षाच्या कार्यालयाला भेट दिली. या ठिकाणी अजित पवार यांचा सत्कार पदाधिकाऱ्यांकडून करण्यात आला. त्यानंतर अजित पवार यांनी पदाधिकाऱ्यांशी संवाद अजित पवार साधला.

वरळीमध्ये इमारतीला भीषण आग लागल्याची घटना समोर आली आहे. वरळीतील पूनम चेंबर्स या इमारतीला आग लागली. या इमारतीच्या दुसऱ्या मजल्यावर ही आग लागली आहे. आग लागल्याची माहिती मिळताच अग्निशमन दलाच्या १० गाड्या घटनास्थळी दाखल झाल्या आहेत. अग्निशमन दलाच्या जवानांकडून आग विझवण्याचे शर्थीचे प्रयत्न सुरू आहेत.

भाजपचे आमदार शिवेंद्रराजे भोसले यांना मंत्रिपद मिळावे यासाठी जालन्यातील राजुर येथील होमगार्ड सदाशिव ढाकणे यांनी ४ डिसेंबर रोजी टॉवरवर चढून शोले स्टाईल आंदोलन केले होते. आज शिवेंद्रराजे भोसले यांना मंत्रिपदाची शपथ घेण्यासाठी भाजपच्या वरिष्ठ नेत्यांचा फोन आल्यानंतर सदाशिव ढाकणे यांनी भाजप सरकारचे आभार मानले आहे..

उपमुख्यमंत्री एकनाथ शिंदे नागपूरला जाण्यासाठी मुंबई विमानतळावर पोहोचले आहेत. दुपारी चार वाजता मंत्रिमंडळाचा विस्तार होणार आहे. त्यासाठी शिंदे नागपूरला जात आहे.

नागपुरात मुख्यमंत्री देवेंद्र फडणवीसांची स्वागत रॅली काढण्यात आली. तर उपमुख्यमंत्री एकनाथ शिंदे हे वर्षा निवासस्थानावरून एअरपोर्टच्या दिशेने रवाना झाले आहेत. सायंकाळी चार वाजता नागपुरात होणाऱ्या हिवाळी अधिवेशन आधी होणाऱ्या मंत्रिमंडळ विस्तारामध्ये ते उपस्थित राहणार आहेत.

“राष्ट्रवादी काँग्रेसचे ज्येष्ठ नेते छगन भुजबळ यांना मंत्रिपद नाही? अद्याप मंत्रिपदासाठी भुजबळांना फोन नाही. नवीन चेहऱ्यांना संधी देण्यासाठी भुजबळ यांना मंत्रिमंडळात स्थान नसल्याची चर्चा आहे. 2014 ते 2019 सोडून छगन भुजबळ अनेक वर्षे मंत्री राहिले आहेत. उपमुख्यमंत्रीसह गृहमंत्री म्हणून देखील भुजबळांनी कारकीर्द गाजवली आहे. नाशिक जिल्ह्यात 7 राष्ट्रवादी अमदारांपैकी फक्त नरहरी झिरवाळ यांना मंत्रिपदासाठी फोन आला.

“आज सकाळी चंद्रशेखर बावनकुळे यांचा कॉल आला आणि त्यांनी मंत्रिपदासाठी आमची वर्णी लागल्याचं जाहीर केलंय. त्यामुळे आनंदाचं आणि उत्साहाचं वातावरण आहे. सुजय विखे पाटील यांचा जो पराभव होता त्यातून आम्ही बरंच काही शिकलो आणि तरीदेखील आम्ही विजयश्री खेचून आणली. कारण साहेबांची कामं जनतेकडे पोहोचलेली आहेत,” असं शालिनीताई राधाकृष्ण विखे पाटील म्हणाल्या.

“परभणीत झालेल्या आंदोलनात अनेक अनुयायांना अटक करण्यात आली. त्यातील एकाचा आज पोलीस कस्टडीत मृत्यू झाला आहे. त्यात जेवढ्या जणांना पोलिसांनी पकडलं आहे त्यांना सोडून द्या. ज्यांनी भीमसैनिकांना मारहाण केली त्या पोलिसांवर चौकशा लावा,” अशी मागणी करत आनंदराज आंबेडकरांनी महाराष्ट्र बंदची हाक दिली आहे.

नागपूरमध्ये आज राज्य मंत्रिमंडळाचा विस्तार होत आहे. यामध्ये मंत्रीपदासाठी कोणाची वर्णी लागणार याची जोरदार चर्चा सुरू आहे.
मात्र कार्यकर्त्यांमध्ये आपल्याच नेत्याला मंत्रिपद मिळावं अशी सुप्त भावना पाहायला मिळत आहे. चार वेळा पर्वती विधानसभा मतदारसंघातून निवडून आलेल्या आणि महिला चेहरा असलेल्या भाजपा आमदार माधुरी मिसाळ यांना मंत्रिपद मिळणार अशी चर्चा सुरू आहे. मंत्रिपद जाहीर होण्यापूर्वीच माधुरी मिसाळ यांच्या कार्यकर्त्यांनी पुण्यात जल्लोष सुरू करायला सुरुवात केली आहे.

ताडोबा व्याघ्र प्रकल्पातील ४ वाघांना रेडिओ कॉलर लावण्यात आला. वाईल्डलाईफ इन्स्टिट्यूट ऑफ इंडिया आणि ताडोबा प्रशासनाच्या मदतीने या वाघांना रेडिओ कॉलर लावण्यात आले आहेत.रेडिओ कॉलर लावण्यात आलेले सर्व वाघ नर असून त्यांचं वय अंदाजे दिड ते अडीच वर्षा दरम्यानचे आहेत.

राष्ट्रवादी काँग्रेसचे 9 मंत्री शपथ घेणार अशी माहिती राष्ट्रवादी काँग्रेसचे प्रदेशाध्यक्ष सुनील तटकरे यांनी माहिती दिली.

उत्तरेतील अतिशीत वारे छत्रपती संभाजी नगर कडे वाहून येत आहेत. त्यामुळे राज्यात जळगाव शहरात सर्वात कमी ८.४, नगर ८.७ आणि नागपूरमध्ये ९.४ अंश तापमानाची नोंद झाली. त्यापाठोपाठ चौथ्या क्रमांकावर असलेल्या छत्रपती संभाजीनगर, नांदेड, बुलडाणा, अकोला शहरांत तापमान १०.६ अंश होते.

सोलापूर जिल्ह्याला मंत्रिपदाबाबत महाविकास आघाडीनंतर महायुतीनेही पुन्हा डावलले. सोलापूर जिल्ह्यातील भाजपच्या 5 पैकी एकाही आमदाराला अद्याप फोन नाही. 2014 साली सोलापूर जिल्ह्याला एक कॅबिनेट तर एक राज्यमंत्रिपद दिले होते.

जळगाव जिल्ह्यातील भुसावळ विधानसभा मतदारसंघातील भाजपचे नवनिर्वाचित आमदार संजय सावकारे यांना मंत्रिपदासाठी फोन आला असून भुसावळ मध्ये कार्यकर्त्यांकडून जल्लोष साजरा करण्यात आला आहे दरम्यान संजय सावकारे यांना फोन येताच संजय सावकारे यांच्या पत्नी रजनी सावकारे व त्यांचे कुटुंबीय हे नागपूरकडे रवाना झाले आहेत. मंत्री पदासाठी सावकारे यांना फोन आल्याची माहिती स्वतः त्यांच्या पत्नी रजनी सावकारे यांनी दिली आहे.

आज सकाळी चंद्रशेखर बावनकुळे यांचा कॉल आला आणि त्यांनी मंत्री पदासाठी आमची वर्णी लागल्याचं जाहीर केलेला आहे आणि त्यामुळे आनंदाचा उत्साहाचे वातावरण आहे सुजय विखे पाटील यांचा जो पराभव होता त्यातून आम्ही बरेच काही शिकलो आणि तरीदेखील आम्ही विजयश्री खेचून आणली कारण त्यांची काम जनतेकडे पोचलेली आहेत, असे मत राधाकृष्ण विखे पाटील यांच्या पत्नी शालिनी पाटील यांनी व्यक्त केले.

सरकारच्या पहिल्या नागपूर हिवाळी अधिवेशनामध्ये संपूर्ण नागपुरात महायुतीच्या नेत्यांची जोरदार बॅनरबाजी दिसून आली. होर्डिंगच्या माध्यमातून कार्यकर्त्यांचा जोरदार शक्ती प्रदर्शन दिसून आले. महायुतीच्या विजयाचे कर्णधार म्हणून एकनाथ शिंदे यांच्या स्वागताचे एअरपोर्ट पासून विधानभवनापर्यंत मोठ-मोठे होर्डिंग आणि बॅनर्स तर चौका चौकात देवा भाऊ जो बोलता है वो करता है अशा आशयाचे देवेंद्र फडणवीस यांचेही मोठे होर्डिंग आणि बॅनर लागले आहेत.

या मंत्रिमंडळात रविंद्र चव्हाण यांना मोठं पद मिळण्याची शक्यता वर्तवण्यात येत होती. पण त्यांना भाजपा प्रदेशाध्यक्ष पद देण्यात येणार असल्याची चर्चा होत आहे.

सोलापूर जिल्ह्यातील भाजपच्या 5 पैकी एकाही आमदाराला अद्याप फोन नाही… 2014 साली सोलापूर जिल्ह्याला एक कॅबिनेट तर एक राज्यमंत्रिपद दिले होते… मात्र 2019 नंतर सोलापूर जिल्ह्यातील एकाही आमदाराला मंत्रिपद न दिल्याने सोलापूरकर नाराज… आमदार विजयकुमार देशमुख सलग 5 वेळा आमदार तर सुभाष देशमुख सलग 3 वेळा आमदार आहेत… मात्र तरीही सोलापूर जिल्ह्याला मंत्रिपदापासून दूर ठेवल्याचे चित्र… अक्कलकोटचे आमदार सचिन कल्याणशेट्टी आणि शहर उत्तरचे आमदार विजयकुमार देशमुख यांच्या नावाची मंत्रिपदाबाबत चर्चा होती… मात्र दोघांनाही अद्याप फोन न आल्याने सोलापूरकर नाराज झाल्याचे पाहायला मिळत आहेत…

राज्यात जळगाव शहरात सर्वात कमी ८.४, नगर ८.७ आणि नागपूरमध्ये ९.४ अंश तापमानाची नोंद झाली. त्यापाठोपाठ चौथ्या क्रमांकावर असलेल्या छत्रपती संभाजीनगर, नांदेड, बुलडाणा, अकोला शहरांत तापमान १०.६ अंश होते. डिसेंबरमध्ये शहरात किमान तापमान प्रथमच १०.६ अंश नीचांकी पातळीवर गेले. यापूर्वी डिसेंबर २०२२ च्या पहिल्याच आठवड्यात १०.८ व त्यापेक्षा कमी तापमान गेल्याची नोंद आहे. थंड हवेचे ठिकाण असलेल्या महाबळेश्वरमध्ये ११.७ अंश तापमानाची नोंद झाली.

धुळे आणि नंदुरबार जिल्ह्यातील भाजपच्या वाट्याला आलेल्या सर्व जागांवर भाजपचा शत प्रतिशत विजय झाल्याने रावल यांना संधी… सलग 5 वेळा भाजपकडून आमदार, विक्रमी मताधिक्य मिळवून विजयी… एकेकाळी दोन्ही जिल्हे मिळून रावल हे एकटे भाजप आमदार होते… संघर्षातून दोन्ही जिल्ह्यात काँग्रेसचा बालेकिल्ला भेदण्यात यशस्वी…

घाटी रुग्णालयात 100 व्हेंटिलेरच्या खाटा वाढणार आहेत. येथील सुपर स्पेशालिटी हॉस्पिटलमध्ये लवकरच 50 व्हेंटिलेटर खाटा कार्यान्वित होतील, तर गुरुवारी 50 खाटांच्या क्रिटिकल केअर युनिटच्या भूमिपूजनाचा कार्यक्रम पार पडला. क्रिटिकल केअर युनिटची उभारणी 23 कोटी रुपयांच्या निधीतून होत आहे. यामध्ये मूलभूत सुविधा आणि यंत्रसामग्रीचा समावेश असून, मनुष्यबळ उपलब्ध करून देण्यासाठीही प्रयत्न केला जाईल,असे डॉ.धानोरकर यांनी सांगितले.

विरोधी पक्ष राहू नये अशी सत्ताधाऱ्यांची भूमिका आहे. मोदी ६५ वर्षातील असत्य बोलणारे पंतप्रधान आहेत. ज्यांच्यावर मोदींनी आरोप केले त्यांना उपमुख्यमंत्रीपदाची शपथ दिली. ईडी-सीबीआय भाजपच्या घरी कधी गेली नाही – संजय राऊत

Maharashtra Cabinet Minister Swearing-in 2024 : राष्ट्रवादीच्या संभाव्य मंत्र्यांची यादी

• छगन भुजबळ
• आदिती तटकरे
• अनिल पाटील
• संजय बनसोडे
• अजित पवार
• मकरंद पाटील
• नरहरी झिरवाळ
• धनंजय मुंडे
• सना मलिक
• इंद्रनील नाईक

Maharashtra Cabinet Minister Swearing-in 2024 : भाजपच्या ‘या’ नेत्यांच्या गळ्यात पडणार मंत्रिपदाची माळ

• रविंद्र चव्हाण
• नितेश राणे
• मंगलप्रभात लोढा
• आशिष शेलार
• अतुल भातखळकर
• शिवेंद्रसिंहराजे भोसले
• गोपीचंद पडळकर
• माधुरी मिसाळ
• राधाकृष्ण विखे पाटील
• चंद्रशेखर बावनकुळे
• संजय कुटे
• गिरीश महाजन
• जयकुमार रावल
• पंकजा मुंडे
• अतुल सावे

Maharashtra Cabinet Minister Swearing-in 2024 : शिवसेनेच्या संभाव्य मंत्र्यांची यादी

• उदय सामंत
• दादा भुसे
• शंभूराज देसाई
• संजय शिरसाट
• भरत गोगावले
• अर्जुन खोतकर
• प्रताप सरनाईक
• प्रकाश आबिटकर
• विजय शिवतारे

Maharashtra Cabinet Minister Swearing-in 2024 :महायुतीच्या मंत्रिमंडळात भाजपचे 21, शिवसेनेचे 12 आणि राष्ट्रवादीचे 10 मंत्री शपथ घेणार आहेत. सध्या कोणत्या पक्षातील किती आमदार मंत्रि‍पदाची शपथ घेणार याची माहिती समोर आली आहे. आज दुपारी 4 नंतर राज्यपाल सी. पी. राधाकृष्णन हे नवीन मंत्र्यांना पद व गोपनीयतेची शपथ देतील.

Maharashtra Cabinet Minister Swearing-in 2024 : उद्या १६ डिसेंबरपासून हिवाळी अधिवेशनाला सुरुवात होणार आहे. हिवाळी अधिवेशनाच्या पूर्वसंध्येला नव्या मंत्रिमंडळाचा विस्तार होणार आहे. या शपथविधी सोहळ्याकडे अनेकांचे लक्ष लागलं आहे.

Maharashtra Cabinet Minister Swearing-in 2024 : महायुती सरकारमधील नवीन मंत्र्यांचा शपथविधी आज पार पडणार आहे. नागपुरात हा शपथविधी सोहळा आयोजित करण्यात आला असून आज संध्याकाळी ४ वाजता हा सोहळा होईल. यावेळी शिवसेना, राष्ट्रवादी आणि भाजप या तिन्ही पक्षातील मंत्री शपथ घेतील. तब्बल ३३ वर्षांनी नागपुरात मंत्रिमंडळाचा शपथविधी होत आहे. त्यामुळे सध्या नागपुरात जय्यत तयारी करण्यात आली आहे.