तुमच्या स्थानकातील प्रवासी सुधारणा तुम्हीच करा, मध्य रेल्वेच्या 15 स्थानकांचा प्रवाशांच्या सूचनांनूसार विकास होणार
प्रवाशांसाठी सेवा आणि सुविधेत वाढ करण्यासाठी स्टेक होल्डरकडून सूचना मागविण्यात येणार आहे. प्रवासी, रेल युजर, प्रवासी संघटना अशा विविध घटकांकडून स्थानकात सुधारणा करण्यासाठी सूचना मागविल्या होत्या.
मुंबई | 2 ऑगस्ट 2023 : मध्य रेल्वेच्या पंधरा रेल्वे स्थानकांचा रेल्वे मंत्रालयाच्या अमृतभारत स्टेशन योजनेंतर्गत या पंधरा स्थानकांतील सुविधा वाढविण्यासाठी पुनर्विकास केला जाणार आहे. यासाठी येत्या 15 ऑगस्टपर्यंत प्रवासी सुविधांमध्ये वाढ करण्यासाठी सल्ला मागविण्यात येत आहे. खालील पंधरा स्थानकांसाठी ईमेल आयडी किंवा ट्वीटरवर हॅश टॅग @drmmumbaicr वर सूचना मागविण्यात आल्या आहेत.
भारतीय रेल्वेवर दररोज 14000 मेल-एक्सप्रेस धावत असून 2.25 कोटी प्रवासी दररोज प्रवास करीत असतात. देशभरात 7,500 रेल्वे स्थानकातून रेल्वे प्रवाशांना सेवा देत आहे. आता रेल्वेने अमृत भारत स्थानक योजनेद्वारे महत्वाच्या स्थानकांचा पुनर्विकास करण्यात येत आहे. तसेच 76 रेल्वे स्थानकातील प्रवासी सुविधांमध्ये देखील वाढ करण्यात येत आहे.
नेमक्या कोणत्या सुविधा वाढविणार
– रेल्वे स्थानकात अतिरिक्त पादचारी पुलांची निर्मिती करणे
– आवश्यक तेथे लिफ्ट आणि सरकते जिन्यांची निर्मिती करणे
– सर्क्यूलेटींग एरिया आणि स्थानकातील गर्दीचे विभाजन करणे
– स्थानकातील वेंटीग हॉल आणि टॉयलेटची गुणवत्ता वाढविणे
– स्थानकातील प्रकाश व्यवस्था दुरुस्त करणे
– स्टेशनातील फलक, टेनचे इंडीकेटर्स, कोचचे इंडीकेटर्सची गुणवत्ता वाढविणे
– स्थानकातील पार्किंगची व्यवस्थेत वाढ करणे
– प्लॅटफॉर्ममधील छप्परांची दुरुस्ती आणि वाढ करणे
प्रवाशांसाठी सेवा आणि सुविधेत वाढ करण्यासाठी स्टेक होल्डरकडून सूचना मागविण्यात येणार आहे. प्रवासी, रेल युजर, प्रवासी संघटना अशा विविध घटकांकडून स्थानकात सुधारणा करण्यासाठी सूचना मागविल्या होत्या. अमृत भारत स्टेशन स्किम अंतर्गत या स्थानकांचा विकास केला जाणार आहे.
या पंधरा रेल्वे स्थानकांचा पुनर्विकास
भायखळा – #AmritBharat_Byculla
चिंचपोकळी – #AmritBharat_Chinchpokli
परळ – #AmritBharat_parel
माटुंगा – #AmritBharat_Mantunga
कुर्ला – #AmritBharat_kurla
विद्याविहार – #AmritBharat_vidyavihar
विक्रोळी – #AmritBharat_vikhroli
कांजूरमार्ग – #AmritBharat_kanjurmarg
मुंब्रा – #AmritBharat_mumbra
दिवा – #AmritBharat_diva
शहाड – #AmritBharat_shahad
टिटवाळा – #AmritBharat_titwala
इगतपूरी – #AmritBharat_iagatpuriroad
वडाळा रोड – #AmritBharat_wadalaroad
सॅंडहर्स्ट रोड – #AmritBharat_sandhurstroad