भाजपनं प्रभू रामाची मूर्ती उभारली, शिवसेना नेत्या म्हणतात यांनी तर सीतेला वेगळं केलं!
श्रीराम हा सीतेशिवाय अपूर्ण वाटत नाही का? जर सीताहरण झाले नसते तर रावणाचा वध झाला असता का? |Priyanka Chaturvedi
मुंबई: उत्तर प्रदेशातील भाजपच्या मुख्यालयात उभारण्यात आलेल्या रामाच्या पुतळ्यावरुन आता भाजप (BJP) आणि शिवसेनेत वाकयुद्ध रंगण्याची शक्यता आहे. भाजपचे राष्ट्रीय अध्यक्ष जे.पी. नड्डा यांनी शुक्रवारी ट्विटवरून भाजपच्या प्रदेश कार्यालयात प्रतिष्ठापना करण्यात आलेल्या श्रीरामाच्या (Ram) पुतळ्याची छायाचित्रे शेअर केली होती. मात्र, यामध्ये रामाच्या बाजूला सीता नसल्याचे सांगत अनेकांनी आक्षेप नोंदवला होता. (Shivsena leader priyanka chaturvedi slams BJP)
नेमका हाच धागा पकड शिवसेना खासदार प्रियंका चतुर्वेदी (Priyanka Chaturvedi) यांनी भाजपला लक्ष्य केले. श्रीराम हा सीतेशिवाय अपूर्ण वाटत नाही का? जर सीताहरण झाले नसते तर रावणाचा वध झाला असता का? या सत्याच्या लढ्यात सीतेचे काहीच योगदान नव्हते का? परंतु, भाजपमधील पुरुषप्रधान मनोवृत्तीची मजल राम आणि सीतेला वेगळे करण्यापर्यंत पोहोचली आहे. रावणानेही हेच केले होते. हे सर्व पाहून दु:ख होत असल्याचे प्रियंका चतुर्वेदी यांनी म्हटले आहे. त्यामुळे आता भाजपकडून शिवसेनेच्या या टीकेला कशाप्रकारे प्रत्युत्तर दिले जाणार, हे पाहावे लागेल.
बॅनर फाडल्यानंतरही कारवाई नाही; जाब विचारण्यासाठी भाजप नेते पोलीस स्टेशनमध्ये जाणार
अयोध्येत उभारण्यात येणाऱ्या राम मंदिरासाठी भाजपच्या नेत्यांकडून देशभरातून देणगी गोळा केली जात आहे. या मोहीमेच्या जनजागृतीसाठी मालाडच्या मालवणी परिसरात काही बॅनर्स लावण्यात आले होते. मात्र, काही समाजकंटकांनी हे बॅनर्स फाडले होते. त्यामुळे आक्रमक झालेल्या भाजप नेत्यांनी मालवणी पोलीस ठाण्यात जाऊन रीतसर तक्रार नोंदवली होती. यावेळी भाजपचे विनोद शेलार, गणेश खनकर यांच्यासह शेकडो कार्यकर्ते पोलीस ठाण्यात उपस्थित होते. मात्र, त्यावर ठोस कारवाई न झाल्यामुळे शनिवारी भाजपचे प्रमुख नेते पुन्हा एकदा मालवणी पोलीस ठाण्यावर धडकणार आहेत.
क्या भगवान श्री राम, माँ सीता के बिना अधूरे नहीं?
अगर माँ सीता का हरण ना होता क्या रावण का वध होता?
क्या सच्चाई की लड़ाई में माँ सीता का कोई योगदान नहीं?
दुख होता है कि पुरुष प्रधान सोच को लेकर भाजपा राम को सीता से ही अलग करने में लग गयी है।
यही प्रयास रावण ने भी किया था। https://t.co/oscIrx1Mqb— Priyanka Chaturvedi (@priyankac19) January 22, 2021
संबंधित बातम्या:
Ayodhya : राम मंदिर ट्रस्टला 200 किलो चांदीची देणगी, चांदीदान थांबवण्याची वेळ
राम मंदिर निर्माणासाठी राज्यपाल कोश्यारींचा पुढाकार, 1 लाख 11 हजार रुपयांचा चेक
(Shivsena leader priyanka chaturvedi slams BJP