हितेंद्र ठाकूरांचा मोठा निर्णय, अख्ख्या वसई-विरारला घरपोच अन्न पुरवणार, साडे तीन लाख कुटुंबांना मोफत शिधा

मुंबई : बहुजन विकास आघाडीचे नेते आमदार हितेंद्र ठाकूर (Hitendra Thakur to provide food in Virar) यांनी कोरोनाविरुद्ध लढ्यासाठी मोठी घोषणा केली. वसई-विरार-नालासोपारामध्ये एकही नागरिक उपाशीपोटी झोपणार नाही, प्रत्येकाला घरपोच अन्न मिळेल, अशी ग्वाही हितेंद्र ठाकूर यांनी दिली. (Hitendra Thakur to provide food in Virar) वसई-विरार या भागातील साडेतीन लाख रेशनकार्डधारक कुटुंबांना मोफत शिधा/जेवण त्यांच्या घरी मिळणार आहे. त्यांच्या शिधेची रक्कम शिधावाटप दुकानदारांना हितेंद्र ठाकूर यांचा जीवदानी ट्रस्ट आणि त्यांच्या अन्य स्वयंसेवी संस्था चेकच्या माध्यमातून देणार आहेत.

वसई,विरार आणि नालासोपरातील हॉटेलमधील जवळपास 500 ते 700 रूम विलगिकरणासाठी सज्ज आहेत. वसई तालुक्यात दोन कोरोना संशयित रुग्ण आढळले आहेत. पण ते स्थानिक नाहीत. आपत्कालीन यंत्रणा राबवताना सर्वांनीच परिस्थितीचे गांभीर्य ओळखावे, असं हितेंद्र ठाकूर म्हणाले.

हितेंद्र ठाकूर आणि आमदार क्षितीज ठाकूर यांनी आज विवा कॉलेजमध्ये स्थानिक शासकीय अधिकाऱ्यांबरोबर बैठक घेतली. काही अंतर ठेऊन अधिकारी बसले होते. कोरोना प्रादुर्भाव टाळण्यासाठी सोशल डिस्टन्सिंग पाहायला मिळाले.

वसईत दोन कोरोनाबाधित रुग्ण
वसई ताल्युक्यात 2 कोरोनाबाधित रुग्ण आढळले आहेत. ल्यानंतर कोरोनाचा प्रादुर्भाव रोखण्यासाठी वसई विरार महापालिकेने निर्जंतुकीरण मोहीम सुरू केली आहे. धूर, केमिकलयुक्त फवारणी करून प्रत्येक सोसायटी, गॅलरी, खिडकी, गेट यांच्यावर फवारणी करुन निर्जंतुकीकरण करण्यात येत आहे.

महापौर प्रवीण शेट्टी , स्थायी समिती सभापती प्रशांत राऊत हे या मोहिमेवर लक्ष ठेऊन आहेत. मागच्या दोन दिवसात विरार पूर्व विवा जहांगीर कॉम्प्लेक्स मधील 50 च्या वर इमारतींना दोन दिवसात निर्जंतुकीकरण करण्यात आलं आहे.

संबंधित बातम्या

आता नांगरे पाटील अॅक्शन मोडमध्ये; विनाकारण फिरणाऱ्या गाड्या 3 महिन्यांसाठी जप्त  

निवृत्त डॉक्टर्स आणि आरोग्य कर्मचाऱ्यांना पाचारण, औरंगाबादेत 50 डॉक्टर्ससह 527 पदांची मेगाभरती