Repos च्या संस्थापक आदिती भोसले म्हणाल्या, इंधन app वर ऑर्डर करता येईल, ही आमची संकल्पना आहे. जे पेट्रोलपंप वर जाऊ शकत नाही त्यांच्यासाठी ही सुविधा आहे.
केंद्रीय मंत्री नारायण राणेंची उपस्थिती
Follow us on
मुंबई : मोबाईल ॲपवर एका क्लीकवर हवी ती गोष्ट घरबसल्या मिळवणं हल्ली सहज शक्य आहे. याच धर्तीवर आता देशात पहिल्यांदाच इंधनाचीही होम डिलिव्हरी सुरू करण्यात आली आहे. केंद्रीय मंत्री नारायण राणेंच्या उपस्थितीत ‘फ्युलिंग इंडिया 2022’च्या माध्यमातून डिझेल वितरित करणाऱ्या ‘मोबाईल फ्युलपंप’ (Mobile Flumpump) या अभिनव व्यवसायाची मुहूर्तमेढ करण्यात आली. इतकंच नव्हे तर रिपोस लवकरच सीएनजीसह इलेक्ट्रिक वाहनांसाठी मोबाईल चार्जिंग स्टेशन सेवाही डिलिव्हरीच्या माध्यमातून उपलब्ध करून देणार आहेत. अर्थातच ही ऑर्डर हजारो लिटरमध्ये असल्यानं मोठ्या ट्रान्सपोर्ट (Transport) कंपन्यांकरिता फायदेशीर असणार आहे. रिपोस (Repos) या कंपनीच्या माध्यमातून हा अभिनव व्यवसाय सुरू करण्यात आला आहे. यासाठी किमान 100 लीटरची ऑर्डर करणं आवश्यक असेल. त्यांच्या अत्याधुनिक मशीनच्या सहाय्यानं एरव्ही इंधनाची होणारी नासाडी टाळून व्यावसायिकांना आपल्या इंधनाचं वितरण अगदी सहजपणे नियोजित पद्धतीनं करण्यात येणार आहे.
Union MSME Minister Narayan Rane Launches ‘Mobile Electric Charging’ App
यावेळी बोलताना केंद्रीय मंत्री नारायण राणे म्हणाले, आपल्याला भारताला आत्मनिर्भर बनवायचं आहे. आत्मनिर्भर देश बनवण्यासाठी अशी तरुणाई आपल्या देशात आहे, याचा मला गर्व आहे. मी महाराष्ट्राचा मुख्यमंत्री राहिलो आहे. भारताची अर्थव्यवस्थेमध्ये महाराष्ट्रचा वाटा मोठा असला पाहिजे. आपल्या देशाचे उद्योजक यांचा मी खूप आदर करतो. त्यांच्यामुळेच भारत स्पर्धेत आहे. नारायण राणे म्हणाले, माझे स्वतःचे 7 पेट्रोल पंप आहेत. आता यांनी जागोजागी जाऊन पेट्रोल दिले तर आम्ही काय करायचे. आपल्याला महासत्ता बनायचं आहे. आत्मनिर्भर बनायचं आहे यासाठी आपण बिझनेस आणले पाहिजेत. सतत काम सुरु असलं पाहिजे. रतन टाटा यांना भेटा. मग तुम्हाला खूप शिकायला मिळेल, असा सल्ला नारायण राणे यांनी दिला. राणे म्हणाले, नरेंद्र मोदी ज्या प्रकारे काम करत आहेत ते मी जवळून पाहतोय. 18-18 तास काम करतात ते. कोणीही इतकं काम करत नाही जेवढे मोदीजी करतात. म्हणून मला विश्वास आहे की, आपला देश आत्मनिर्भर होणारचं.
नेमकी संकल्पना काय?
Repos च्या संस्थापक आदिती भोसले म्हणाल्या, इंधन app वर ऑर्डर करता येईल, ही आमची संकल्पना आहे. जे पेट्रोलपंप वर जाऊ शकत नाही त्यांच्यासाठी ही सुविधा आहे. हे fuelling in फोनने कनेक्ट केलं आहे. एका फोनवर इंधन ऑर्डर करता येणं यामुळे शक्य आहे. याशिवाय इलेक्ट्रिक वाहनांसाठी चार्जिंग स्टेशन आणि डिस्ट्रिब्युशन सुध्दा लाँच होत आहे. Repos app वरूनच ही सुविधा उपलब्ध होणार आहे. कचऱ्यापासून वीजनिर्मिती आणि त्याचा वापर ev चार्जिंगसाठी होणार आहे.
