उद्धव ठाकरेंच्या मेव्हण्यांची बेनामी कंपन्यात गुंतवणूक?; किरीट सोमय्यांचा गंभीर आरोप

Kirit Somaiya

मुंबई: भाजप नेते किरीट सोमय्या यांनी आणखी एक नवा आरोप केला आहे. मुख्यमंत्री उद्धव ठाकरे यांचा मेव्हणा बेनामी कंपन्यात गुंतवणूक करणार असेल तर त्याचे उत्तर मुख्यमंत्र्यांना द्यावं लागेल, असं किरीट सोमय्या यांनी म्हटलं आहे. त्यामुळे उलटसुलट चर्चांना उधाण आलं आहे.

किरीट सोमय्या यांनी मीडियाशी संवाद साधताना हा गंभीर आरोप केला आहे. उद्धव ठाकरे यांचा मेव्हणा बेनामी कंपन्यांमध्ये गुंतवणूक करणार असेल तर उद्धव ठाकरे यांनाही उत्तर द्यावं लागणार आहे, असं सांगतानाच मी मुख्यमंत्री उद्धव ठाकरे यांच्या वक्तव्याशी सहमत आहे. उद्धव ठाकरे हे बायकोच्या नावाने 19 बंगल्याचे घोटाळे करत आहेत, असा टोला सोमय्या यांनी लगावला.

1000 कोटींचे बेनामी व्यवहार

अजित पवारांनी स्टेटमेंट केलं पण मग मी पुरावे ठेवले ना, मग पार्टनरशिप मागे का घेतली? असा सवाल करतानाच अजित पवार यांनी जमवलेली माया उघड केली. 9 दिवसांच्या धाडीचा दुसरा अंतिम रिपोर्ट येणं बाकी आहे. हे 1000 कोटींचे बेनामी व्यवहार आहेत. यात 15 मोठे सहकारी, पत्नी मुलगा, बहीण यांच्या नावाखाली घोटाळा करण्यात आला आहे, असा दावा त्यांनी केला.

कुटुंबीयांच्याच नावे कंपन्या

सुनेत्रा पवार या दोन डझन कंपन्यांमध्ये डायरेक्टर आहेत. तर तीन डझन कंपन्यांमध्ये भागधारक मालक आहेत. बहिणी, मुलगा, यजमान त्यांचा मुलगा यांच्या नावेही बेनामी कंपन्या आहेत. हे आधी एक होल्डिंग कंपनी तयार करतात, मग त्याच्या खाली कंपन्या या करतात. सरकारी मालमत्ता कवडीमोल दरात विकत घेतात. पवार कुटूंबियांसाठी राज्याची जमीन चमकणारी आहे. जरंडेश्वर कंपनी यांचीच आहे. महाराष्ट्र राज्य सहकारी बँक यांचीच आहे. पदाचा दुरूपयोग करून त्यांनी हे सर्व मिळवलं आहे. उपमुख्यमंत्री स्वत:चा कारखाना विकत घेतात. यांचेच बिल्डर कंपन्या विकत घेतात, असा दावाही त्यांनी केला.

सीबीआय, ईडी काम करतच राहणार

अजित पवार, पार्थ पवार, सुप्रिया सुळे, शरद पवार, उद्धव ठाकरे हे इडी, सीबीआयच्या नावाने बोंबाबोंब करत आहेत. वसुलीवाले अटॅक करतील. आरटीआयवाले अटॅक करतील. राज्य सरकार अटॅक करेल. पण ईडी आणि सीबीआय त्यांचं काम करतच राहणार, असंही त्यांनी सांगितलं.

संबंधित बातम्या:

मोठी बातमी ! अजित पवारांच्या नातेवाईकांकडे आयकर विभागाला धाडीत नेमके किती कोटी सापडले? पहिल्यांदाच आकडा जाहीर

VIDEO: स्वातंत्र्य लढ्यात, आणीबाणीत तुम्ही कुठे होता? तेव्हा तर तुम्ही इंदिरा गांधींशी अ‍ॅडजेस्टमेंटच केली; चंद्रकांतदादांची जहरी टीका

रावणालाही वाटत असेल हा आपल्या तावडीत सापडावा; निलम गोऱ्हेंचा किरीट सोमय्यांना खोचक टोला

(kirit somaiya allegations against cm uddhav thackeray over property)