Mumbai Water Cut : मुंबईच्या ‘या’ आज सकाळी पाणी पुरवठा बंद राहणार! पाईपलाईन फुटल्यानं पाणी पुरवठ्यावर परिणाम

पाण्यासंदर्भात महत्त्वाची अपडेट...

Image Credit source: TV9 Marathi

मुंबई : (Dadar) दादरमधील पारसी जिमखान्यासमोर (The channel burst) जलवाहिनी फुटल्याने आज (शुक्रवारी 8 जुलै रोजी) एफ दक्षिण आणि एफ उत्तर विभागातील काही परिसरांमध्ये सकाळी पाणीपुरवठा होणार नाही. जलवाहिनेचे काम सुरु असले तरी सकाळच्या सत्रातला (Water supply stopped) पाणीपुरवठा होणार नसल्याचे बृहन्मुंबई महानगरपालिकेच्या वतीने सांगण्यात आले आहे. दादर (पूर्व) मधील डॉ.बाबासाहेब आंबेडकर मार्गावर पारसी जिमखाना समोर 1 हजार 200 मिमी व्यासाची न्यू तानसा जलवाहिनी फुटली आहे. त्यामुळे पहाटे 4 ते सकाळी 10 पर्यंत या भागात पाणी पुरवठा होणार नाही.

जलवाहिनी फुटल्याने ओढावली परस्थिती

दादरमधील एफ दक्षिण आणि एफ उत्तर विभागात पाणीपुरवठा करणाऱ्या जलावाहिनीला गळती लागली आहे. जलवाहिनी फुटल्याचे निदर्शनास येताच मनपाच्यावतीने दुरुस्तीचे काम सुरु करण्यात आले आहे. मात्र असे असतानाही एफ दक्षिण आणि एफ उत्तर विभागातील काही परिसरांमध्ये पाणीपुरवठा करता येणार नाही. अचानक जलवाहिनी फुटल्याने ही परस्थिती ओढावली आहे.

या भागा होणार नाही पाणीपुरवठा

एफ / उत्तर विभागातील दादर पूर्व, माटुंगा, वडाळा, पारसी कॉलनी, हिंदू कॉलनी तर एफ/दक्षिण विभागातील दादर, नायगाव, लालबाग, वडाळा, परळ, काळाचौकी, शिवडी येथे पाणीपुरवठा होणार नसल्याचे महापालिकेने सांगितले आहे. पहाटे 4 ते सकाळी 10 च्या दरम्यान या भागात पाणीपुरवठा केला जातो. मात्र, 1 हजार 200 मिमी व्यासाची गळती लागली आहे.

महापालिकेचे काय आहे आवाहन?

पाईपलाईनला गळती लागताच दुरुस्तीचे काम युध्दपातळीवर सुरु आहे. मात्र, गुरुवारी रात्री उशिरापर्यंत दुरुस्तीचे काम पूर्ण न झाल्याने पाणी पुरवठा होणार नाही. त्यामुळे या भागातील नागरिकांनी सहकार्य करावे असे आवाहन महपालिका प्रशासनाच्यावतीने करण्यात आले आहे. दुरुस्तीचे काम पूर्ण होताच पाणीपुरवठा पुर्ववत करण्यात येणार आहे.