मुंबईला कोरोनाचा विळखा, वरळीनंतर दादर-माहिम-धारावीत कोरोनाचे रुग्ण वाढतेच

मुंबई : मुंबईला कोरोनाचा विळखा सातत्याने वाढताना दिसत (Mumbai Corona virus Patient) आहे. मुंबईत वरळीनंतर आता दादर, धारावी, माहिम परिसरातील रुग्णांमध्ये वाढ होताना दिसत आहे. आज दादरमध्ये 2, धारावीत 5, माहिममध्ये एका रुग्णांचा रिपोर्ट कोरोना पॉझिटिव्ह आला आहे. तर मुंबईतील भाटिया रुग्णालयातील आणखी 10 कर्मचाऱ्यांना कोरोनाची लागण झाली आहे. यामुळे मुंबईत आज (15 एप्रिल) 18 रुग्णांची वाढ झाली आहे.

दादर-माहिम-धारावीत कोरोनाचे रुग्ण वाढतेच

मुंबईतील दादरमध्ये कोरोनाचे रुग्ण हे सतत वाढत (Mumbai Corona virus Patient) आहेत. आज दादरमध्ये कोरोनाचे आणखी दोन रुग्ण वाढले आहेत. हे दोन्ही रुग्ण दादरच्या शिवाजी पार्क परिसरातील आहेत. त्यामुळे दादरमधील कोरोनाबाधितांची संख्या ही 21 वर गेली आहे. तर माहिमच्या प्रकाश नगरमध्ये एका 55 वर्षीय व्यक्तीला करोनाची लागण झाली आहे. त्यामुळे माहिममधील करोना रुग्णांची संख्या 7 वर पोहोचली आहे.

तर दुसरीकडे धारावी झोपडपट्टीभागात कोरोनाचे 5 जणांचा रिपोर्ट कोरोना पॉझिटिव्ह आला आहे. यात दोन पुरुष आणि तीन महिलांचा समावेश आहे. धारावीत आतापर्यंत 7 जणांचा कोरोनामुळे जीव गमवावा लागला आहे. तर धारावीतील कोरोनाबाधितांचा आकडा 60 वर पोहोचली आहे.

भाटिया रुग्णालयात 10 कर्मचाऱ्यांना कोरोना

त्याशिवाय मुंबईतील भाटिया रुग्णालयात दहा नवे कोरोनाचे रुग्ण आढळले आहे. हे सर्व भाटिया रुग्णालयातील कर्मचारी आहेत. काल (14 एप्रिल) पर्यंत भाटिया रुग्णालयातील 25 जणांना कोरोनाची बाधा झाली होती. त्यानंतर आता 10 नवे रुग्ण आढळल्याने भाटियातील कोरोना रुग्णांची संख्या 35 वर पोहोचली आहे.

राज्यात कोरोनाबाधितांची संख्या 2 हजार 702‬ वर पोहोचली आहे. देशाची आर्थिक राजधानी म्हणून ओळखल्या जाणाऱ्या मुंबईत सर्वाधिक 1 हजार 774 रुग्ण आढळले आहेत. तर राज्यात आतापर्यंत 178 कोरोनाबळी गेले आहेत. यात मुंबईत 112 जणांचा कोरोनामुळे जीव गेला (Mumbai Corona virus Patient) आहे.

संबंधित बातम्या : 

नागपुरात एकाच कुटुंबातील तिघे कोरोनामुक्त, पक्षाघात झालेल्या पित्याचीही मात

धक्कादायक! नागपुरात थेट मेडिकल स्टोअर्सधून दारुची विक्री

हँड सॅनिटायझरमध्ये 70 टक्के दारु, नागपुरात नशेसाठी हँड सॅनिटायझरचा वापर