Mumbai Weather Alert | मुंबईत थंडीचा जोर वाढला, 16 अंश सेल्सिअस तापमानाची नोंद
मुंबईतील हवामानात गारठा वाढला आहे. उत्तरेकडील शीतलहरीमुळे मुंबईतील पारा खाली घसरला आहे.
मुंबई : मुंबईकरांनाही आता गुलाबी थंडीची चाहुल लागायला सुरुवात झाली आहे (Mumbai Weather Alert). गेल्या दोन आठवड्यांपासून राज्यात थंडीने हुडहुडी भरली होती. मात्र, मुंबईकर थंडीच्या दिवसातील गारव्यापासून वंचित होते. मात्र, आता मुंबईतही गारवा वाढू लागला आहे (Mumbai Weather Alert).
मुंबईतील हवामानात गारठा वाढला आहे. उत्तरेकडील शीतलहरीमुळे मुंबईतील पारा खाली घसरला आहे. मुंबईतील सांताक्रुझ येथे आज 16 डिग्री सेल्सिअस तापमानाची नोंद झाली आहे. हवामान खात्याने याबाबतची माहिती दिली आहे. हे मुंबईतील या सत्रातील सर्वात नीचांकी तापमान आहे.
हवामान विभागाच्या (आयएमडी) पश्चिम विभागाचे उपमहासंचालक कृष्णानंद होसाळीकर यांनी याबाबत ट्वीट करत माहिती दिली. ‘अपेक्षेनुसार आज सकाळी मुंबईचा पारा घसरला. मुंबईतील सांताक्रुझ येथे आज 16 डिग्री सेल्सिअस तापमानाची नोंद झाली आहे. काळजी घ्या आणि बहुप्रतिक्षित मुंबईतील हिवाळ्याचा आनंद घ्या”, असं ट्वीट त्यांनी केलं.
22 Dec:Free fall for mercury in Mumbai?
Mumbai today morning as expected recorded, this year’s so far season’s lowest minimum temperature of 16°C at Santacruz.
Though its sunny, there is a cool breeze with child. Take care and enjoy long awaited Mumbai winter clip.— K S Hosalikar (@Hosalikar_KS) December 22, 2020
येत्या काही दिवसात मुंबईसह उपनगरातील पारा घसरणार अशी माहिती शनिवारी हवामान विभागाने दिली होती. सोमवापरपासून मुंबईसह ठाणे आणि उपनगरसोबतच कोकण आणि विदर्भातील तापमानात मोठी घट होणार असल्याचीही माहिती हवामान विभागाने दिली होती (Mumbai Weather Alert).
22 Dec राज्यातले आजचे तापमान!
Parbhani 7.6 Prb Agr Univ 5.1 A’bad 9.2 Jalna 1.8 Nanded 9.9 Beed 10.1 Jeur 8 Os’bad 11.4 Pune 8.1 Baramati 8.6 Nashik 8.4 Sangli 12.6 Jalgaon 9 Malegaon 10.2 Slp 12.1 Klp 14.5 Mwr 11.3 Satara 9 Thane 18 Rtn 18.9 Scz 16 Gondia 7.8 Ngp 8.6 Akola 9.6°C pic.twitter.com/rcyVAs5Hs6— K S Hosalikar (@Hosalikar_KS) December 22, 2020
त्यानुसार, गेल्या दोन दिवसांपासून मुंबईतील तापमानात घट होण्यास सुरुवात झाली आहे. हवामान विभागाने दिलेल्या माहितीनुसार, आज मुंबईकरांनाही गुलाबी थंडी अनुभवायला मिळाली आहे. तसेच, येत्या एक-दोन दिवस तापमान असंच असणार आहे, अशीही माहिती हवामान विभागाने दिली आहे.
Mumbai Weather Alert
संबंधित बातम्या :
Weather Alert : राज्यात हुडहुडी! निफाडमध्ये नीचांकी तापमानाची नोंद, तर महाबळेश्वरमध्ये दवबिंदू गोठले
महाराष्ट्रात आता पुन्हा-पुन्हा वादळं, पाऊस येणार? संशोधनात धक्कादायक खुलासा
Nagpur | नागपूरसह विदर्भात वाढणार थंडी, हवामान खात्याचा अंदाज
Weather Alert : महाराष्ट्र गारठला! नागपूरसह विदर्भातही हुडहुडी, निफाडमध्ये थंडीने रेकॉर्ड मोडला