शिंदे गटावर खोक्यांवरून नवा गंभीर आरोप, शिंदे गटाच्या आमदारांना आणखी पाच खोके

चंद्रकांत खैरे

मुंबई – 50 खोक्यांच्या मुद्द्यावरून कायमचं विरोधक टीका करतात. पण, आता ठाकरे गटाचे नेते चंद्रकांत खैरे यांनी नवा आरोप केलाय. गुवाहाटी दौऱ्यात आमदारांना पाच-पाच कोटी देण्यात आले. असा आरोप चंद्रकांत खैरे यांनी केलाय. २६ नोव्हेंबरला शिंदे गटाचे आमदार पुन्हा गुवाहाटीला गेले. कामाख्या देवीचं दर्शन घेतलं. यावर ठाकरे गटाचे नेते चंद्रकांत खैरे यांनी स्फोटक आरोप केलाय. शिंदे गटाचे आमदार इकडे तिकडे भरकटू नये म्हणून आणखी पाच-पाच कोटी आमदारांना देण्यात आल्याचा आरोप खैरे यांना केलाय.

खात्रीलायक माहिती मला एका उद्योगपतीनं हे सांगितलं. सरकार जपण्यासाठी हे गद्दार करत आहेत. आमदारांच्या खुशामती केल्या जातात. हे चुकीचं असल्याचं चंद्रकांत खैरे म्हणाले.

चंद्रकांत खैरे आणि संजय राऊत यांना बडबड करण्याशिवाय दुसरा उद्योग नाही. यांना खोके घेतले नि हे झालं याशिवाय दुसरं काही बोलता येत नाही. उद्धव ठाकरे यांचं नियंत्रण यांच्यावर राहिलेलं नाही. पक्ष संपत चाललाय. यांचे बारा वाजले आहेत. त्यामुळं त्यांच्याकडं लक्ष द्यायची गरज वाटत नसल्याचं शिंदे गटाचं म्हणणंय.

अब्दुल सत्तार म्हणाले, ज्यांचं डोकं खराब आहे, त्यांच्यासाठी आमच्याकडं आज शिबिर होता. मुंबईतील शिबिरात आधी चंद्रकांत खैरे यांचं डोकं तपासावं लागेल. जुने ठेवलेले खोके मोजले नसतील, तर आमचे मोजायला पाठवून द्या.

संजय गायकवाड यांनीही चंद्रकांत खैरे यांचा समाचार घेतला. हे म्हातारं सटकलं आता. उगाच काहीतरी बडबड करू नये. उद्धव ठाकरे यांना मुख्यमंत्री करताना त्यांनी किती खोके दिले, हे त्यांना जाऊन विचारावं, असा खोचक टोलाही त्यांनी लगावला.