विक्रोळीत म्हाडाच्या जुन्या इमारतीच्या छताचा भाग कोसळला, दोघा ज्येष्ठ नागरिकांचा मृत्यू
विक्रोळी कन्नमवार नगर क्र. 1 येथील म्हाडाच्या चार मजली इमारतीच्या छताचा भाग कोसळून दोन ज्येष्ठ नागरिकांचा मृत्यू झाल्याची घटना घडली आहे. या घटनेमुळे म्हाडाच्या जुन्या जीर्ण इमारतींचा प्रश्न पुन्हा ऐरणीवर आला आहे.
विक्रोळी पूर्वेकडील कन्नमवार नगर क्रमांक -1 , रमाबाई आंबेडकर उद्यानजवळील इमारत क्रमांक 40 च्या छताचा काही भाग अचानक कोसळून त्यात दोन ज्येष्ठ नागरिक अडकल्य़ाची घटना गुरुवारी सायंकाळी 6.50 वाजताच्या दरम्यान घडली. ही घटना कळताच तातडीने अग्निशमन दलाला पाचारण करण्यात आले. अग्निशमन दलाच्या जवानांनी या रहीवासी इमारतीच्या ढीगाऱ्यातून दोघांची सुटका केली. या दोघा जणांना जखमी अवस्थेत डॉ.आंबेडकर रुग्णालयात भरती केले. परंतु तेथे तपासून त्यांना मृत घोषीत करण्यात आले.
विक्रोळी येथील म्हाडाच्या 40 क्रमांकांच्या चार मजली इमारतीमध्ये घराचा स्लॅब कोसळून दोन रहिवाशी गंभीर जखमी झाले. घटनास्थळी अग्निशमन दल आणि पोलीस दाखल झाले. अग्निशमन दलाने दोघा रहिवाशांची ढीगाऱ्यातून सुटका केली, परंतू ते खूपच गंभीर जखमी अवस्थेत असल्याने त्यांना तातडीने डॉ. आंबेडकर रुग्णालयात उपचारासाठी नेण्यात आले. त्यांना डॉक्टरांनी तपासून मृत घोषीत केले. त्यांची नावे सूरेश म्हाढलकर ( वय 78 ) , शरद म्हसळेकर ( वय 75 ) अशी आहेत.
ढीगाऱ्याखाली जेसीबीचालक गाडला गेला
वसईच्या वर्सावा पुलाजवळ मातीचा ढीगारा खचल्याने एक जेसीबी चालक वाहनासह त्या ढीगाऱ्याखाली दबला गेल्याची घटना काल घडली. सुर्या प्रकल्पाच्या पाईप लाईनचे काम सुरु असताना ढीगारा कोसळून 24 तास उलटून सुद्धा या जेसीबी चालकाला बाहेर काढण्यात एनडीआरएफच्या टीमला यश आलेले नाही. त्यामुळे जेसीबी चालकाचे कुटुंब हवालदील झाले असून त्यांनी प्रशासनावर आरोप केले आहेत.