Tv9 मराठी स्पेशल रिपोर्ट : महाविकास आघाडीच्या अंतर्गत सर्व्हेत ठाकरे तिसऱ्या नंबरवर? पाहा Video

| Updated on: Aug 28, 2024 | 11:52 PM

येत्या 2 अडीच महिन्यात विधानसभेची निवडणूक आहे. त्यात मविआचंच सरकार येईल, असा मविआचा सर्व्हे आहे. तर काँग्रेसचे सर्वाधिक आमदार राहतील आणि ठाकरेंची शिवसेना तिसऱ्या क्रमांकावर राहील, असे सर्व्हेचे आकडे आहेत.

Tv9 मराठी स्पेशल रिपोर्ट : महाविकास आघाडीच्या अंतर्गत सर्व्हेत ठाकरे तिसऱ्या नंबरवर? पाहा Video
Follow us on

दोन ते अडीच महिन्यांवर विधानसभेच्या निवडणुका आहेत. त्याआधी, महाविकास आघाडीनं अंतर्गत सर्व्हे केलाय. त्यानुसार महाविकास आघाडीला बहुमत मिळत असून काँग्रेस सर्वात मोठा पक्ष असेल. सूत्रांकडून मिळालेल्या माहितीनुसार महाविकास आघाडीत काँग्रेसला सर्वाधिक 85 जागा मिळण्याचा अंदाज आहे. शरद पवारांच्या राष्ट्रवादीला 55-60 जागा मिळू शकतात. तर ठाकरेंची शिवसेना तिसऱ्या क्रमांकावर राहणार असून 32 – 35 जागाच मिळण्याची शक्यता सर्व्हेतून वर्तवण्यात आलीय.

दुसरीकडे, महायुतीचा विचार केला तर महाविकास आघाडीच्या सर्व्हेत भाजपला 55 जागा मिळतील असा अंदाज आहे. शिंदेंच्या शिवसेनेचा 33 आमदार तर अजित पवारांच्या राष्ट्रवादीचे 18 आमदार निवडून येतील असं भाकीत वर्तवण्यात आलंय. महाविकास आघाडीच्या सर्व्हेची आकडेवारी पाहिली तर महाविकास आघाडी स्पष्ट बहुमतासह सत्तेत येताना दिसतेय.

पाहा व्हिडीओ:-

महाविकास आघाडीचा आकडा जातोय, 172-180वर आणि महायुतीचा आकडा हा 106वरच थांबताना दिसतोय. भाजपचा विचार केला तर सूत्रांकडून मिळालेल्या माहितीनुसार, भाजपनं मिशन 125 ठेवल्याची माहिती आहे. 50 जागांवर विजय निश्चित असल्याचं भाजपला वाटतंय तर 75 जागांवर निवडून येण्यासाठी प्रयत्न करावे लागतील, असा भाजपचं अॅनेलिसिस आहे.

महाविकास आघाडीची जागा वाटपासंदर्भात बैठक सुरु झालीय. महायुतीची बैठक अद्याप सुरु झालेली नाही. मात्र लाडकी बहीण योजनेच्या कार्यक्रमातून महायुतीनं जोरदार प्रचार सुरु केलाय. त्याचवेळी मविआच्या सर्व्हेनं काँग्रेससाठी आत्मविश्वास वाढवणारी बाब असली, तरी ठाकरेंसाठी चिंता वाढवणारे आकडे आहेत.