या देशात आजीवन तरूण सिगारेट खरेदी करु शकणार नाहीत

smoking (1)

Image Credit source: smoking (1)

ऑकलंड : आता न्यूझीलंड (New Zealand) देशातील युवक सिगारेट खरेदी करू शकणार नाहीत. कारण न्यूझीलंडने आपल्या देशाचे भविष्य असलेली तरूण पिढी वाचविण्यासाठी नविन कायदा आणला आहे. न्युझीलंडने मंगळवारी एक कायदा पारीत केला असून तरुणांना या देशात आता सिगारेटस खरेदी आणि विक्री करता येणार नाही. या देशात 13 डिसेंबरपासून सिगारेटस खरेदी करणाऱ्या युवकांवर आजीवन सिगारेटस बंदी लागू झाली आहे.

धुम्रपान समाप्त करण्यासाठी एक अनोखा कायदा न्यूझीलंड सरकारने पास केला आहे.1 जानेवारी 2009 ला किंवा त्यानंतर जन्म घेतलेल्या व्यक्तीला सिगारेट खरेदी किंवा विक्री करता येणार नाही. या कायद्यानूसार सिगारेट्स खरेदीचे किमान वयही दरवर्षी वाढवित नेण्यात येणार आहे.

म्हणजेच तरुणांवर सिगारेट खरेदी करण्यावर आजीवन बंदी घातल्यानंतर, आजपासून 50 वर्षांनंतर, सिगारेटचे पाकीट खरेदी करण्यापूर्वी, कोणत्याही व्यक्तीला दुकानदाराला त्याचे वय किमान 63 वर्षे असल्याचे ओळखपत्र दाखवावे लागेल. 2025 पर्यंत देशाला धूम्रपानमुक्त करण्याचे न्यूझीलंड सरकारचे उद्दिष्ट आहे.

आरोग्य खात्याच्या अधिकाऱ्यांना आशा आहे की याच्या आधीच धुम्रपान कमी होईल. हा नविन कायदा लागू झाल्यानंतर आता तंबाकू विक्रीकरणारे किरकोळ विक्रेत्यांची संख्या सहा हजारावरून घटून केवळ 600 इतकी होईल. या शिवाय धुम्रपान करणाऱ्यांच्या तंबाकूमधील निकोटीनचे प्रमाणही कमी होईल.