Akola MLC voting | 822 मतदार करणार आज मतदान; खंडेलवाल आणि बाजोरिया यांची प्रतिष्ठा पणाला
प्रशासनाने मतदान प्रक्रियेची संपूर्ण तयारी केली आहे. कोविड नियमाचे पालनही या ठिकाणी तंतोतंत होत आहे. अकोला -बुलडाणा -वाशीम मतदार संघासाठी उमेदवार असलेलं गोपिकीशन बाजोरिया आणि वसंत खंडेलवाल यांची प्रतिष्ठा पणाला लागलीय.
अकोला : अकोला बुलडाणा वाशीम विधानपरिषदेसाठी आज मतदान होत आहे. सकाळी 8 वाजता मतदानासाठी सुरुवात झालीय. दुपारी चार वाजतापर्यंत हे मतदान सुरू राहील. बुलडाणा जिल्ह्यात 367 मतदार असून नगरपालिका सदस्य आणि जिल्हा परिषद सदस्यांचा यात समावेश आहे. तर जिल्ह्यात 11 मतदान केंद्र असून 66 अधिकारी कर्मचाऱ्यांची ड्युटी का मतदान प्रक्रियेसाठी लागली आहे. मतदानाची वेळ जर सकाळी 8 वाजता सुरू झाली असली तरीही मतदार हे स्थानिक स्वराज्य संस्थांच्या असल्याने उशिरा मतदान करतील.
प्रशासनाने मतदान प्रक्रियेची संपूर्ण तयारी केली आहे. कोविड नियमाचे पालनही या ठिकाणी तंतोतंत होत आहे. अकोला -बुलडाणा -वाशीम मतदार संघासाठी उमेदवार असलेलं गोपिकीशन बाजोरिया आणि वसंत खंडेलवाल यांची प्रतिष्ठा पणाला लागलीय.
अकोला, बुलढाणा आणि वाशिम या तीन जिल्ह्यांत विधानपरिषदेची निवडणूक होत आहे. यासाठी आज मतदान होणार असून यात 822 मतदार आपला मतदानाचा हक्क बजावणार आहे. यात महाविकास आघाडीकडून गोपिकीशन बाजोरिया आणि भारतीय जनता पक्षाकडून वसंत खंडेलवाल हे दोन उमेदवार रिंगणात उभे असून या दोघांमध्ये लढत होणार आहे.
तीन जिल्ह्यांमधील 822 मतदार
822 मतदारांसाठी तिने जिल्ह्यामध्ये आज मतदान होत आहे. यात अकोला जिल्ह्यात 7 मतदान केंद्र असून वाशीम जिल्ह्यात 4 मतदान केंद्र आहेत तर बुलढाणा जिल्ह्यामध्ये 11 मतदान केंद्र आहेत. यामध्ये अकोला जिल्हा परिषदमधील 60 सदस्य आणि पंचायत समिती सभापती तर अकोला महानगरपालिकेतले 81 नगरसेवक, अकोट नगर परिषद चे 36 सदस्य, तर तेल्हारा नगरपरिषद चे 19 सदस्य, तर बाळापूर नगर परिषदेचे 26 सदस्य, तर पातूर नगर परिषदेचे 19 सदस्य, तर मुर्तीजापूर नगर परिषदेचे 26 सदस्य आणि बार्शिटाकळी नगरपरिषदेचे 20 असे एकूण 140 सदस्य यात मतदान करणार आहेत. वाशिम जिल्ह्यामध्ये वाशिम जिल्हा परिषदेचे 58 सदस्य, वाशिम नगर परिषदेचे 34 सदस्य, कारंजा नगर परिषदेचे 32 सदस्य, मंगळापूर नगरपरिषदेचे 21 सदस्य आणि रिसोड नगरपरिषदेचे 23 सदस्य असे एकूण 110 सदस्य आज मतदान करणार आहेत. बुलढाणा जिल्ह्यातील बुलढाणा नगर परिषदेमधील 21 सदस्य, चिखली नगर परिषदेमधील 30 सदस्य, देऊळगाव राजा नगर परिषदेमधील 21 सदस्य, सिंदखेड नगर परिषदेमधील 19 सदस्य, लोणार नगरपरिषदेमधील 20 सदस्य, मेहकर नगर परिषद मधील 27 सदस्य, खामगाव नगर पालिकेमधील 37 सदस्य, शेगाव नगर पालिकेतील 32 सदस्य, जळगाव जामोद नगरपरिषदेचे 21 सदस्य, नांदुरा नगरपालिका चे 26 सदस्य आणि मलकापूर नगरपरिषदेचे 32 सदस्य अशा एकूण अकरा नगरपरिषदेचे 296 नगरसेवक आपला मतदानाचा हक्क बजावणार आहे.
उमेदवारांना नाही मतदानाचा अधिकार
विधान परिषदेची निवडणूक होत आहे. यामध्ये स्थानिक स्वराज्य संस्थेचे सदस्य नसल्याने यात उमेदवारांना मतदानाचा अधिकार नाही आहे. त्यामुळे हे दोन्ही उमेदवार आज मतदान करू शकणार नाहीत. जर यातील एकही उमेदवार स्थानिक स्वराज्य संस्थेचा सदस्य असता तर त्याला मतदानाचा अधिकार मिळाला असता. ही पहिली निवडणूक आहे ज्यात उमेदवारालाच मतदान करता येत नाही.
