Nagpur मनपात Fireman पदासाठी भरती, अर्ज दाखल करण्याची शेवटची तारीख 26 मार्च
उंची 165 cm किंवा त्याहून अधिक असावी. वजन 50 KG किंवा त्याहून अधिक असावे. छाती 81 cm फुगवून 5 cm अधिक असावी. अग्निशामक विमोचक (Fireman) या पदासाठी 20 हजार रुपये प्रतिमहिना पगार मिळणार आहे. भरती शुल्क खुल्या प्रवर्गासाठी 300 रुपये, तर मागासवर्गासाठी 150 रुपये लागतील.
नागपूर : महानगरपालिकेत (Municipal Corporation) काही जागांसाठी लवकरच भरती होणार आहे. यासाठी अधिसूचना जारी करण्यात आली आहे. अग्निशामक विमोचक (Fireman) या पदांसाठी ही भरती असेल. पात्र उमेदवारांनी यासाठी दिलेल्या लिंकवर ऑनलाईन (Online) पद्धतीनं अर्ज करायचे आहेत. अर्ज करण्याची शेवटची तारीख 26 मार्च आहे. अग्निशामक विमोचक एकूण जागा 100 भरण्यात येणार आहेत. या पदभरतीसाठी ऑनलाईन अप्लाय करण्यासाठी http://nmcnagpur.gov.in:8087/recruitment/ या लिंकवर क्लिक करा.
शैक्षणिक पात्रता व अनुभव
अग्निशामक विमोचक या पदांसाठी अर्ज करू इच्छिणाऱ्या उमेदवारांनी एसएससी (दहावी) उत्तीर्ण असणे आवश्यक आहे. राज्य अग्निशमन प्रशिक्षण केंद्राचा अभ्यासक्रम उत्तीर्ण केलेला असावा. महाराष्ट्र तंत्रशिक्षण महामंडळ आणि अखिल भारतीय स्थानिक स्वराज्य संस्थांमधून अभ्यासक्रम उत्तीर्ण असणे गरजेचे आहे. उमेदवाराला मराठी भाषेचे ज्ञान असणे आवश्यक आहे. तसेच उमेदवारांनी मान्यताप्राप्त शैक्षणिक संस्थेतून किंवा महाविद्यालयातून शिक्षण पूर्ण केलेलं असावं.
शारीरिक पात्रता
उंची 165 cm किंवा त्याहून अधिक असावी. वजन 50 KG किंवा त्याहून अधिक असावे. छाती 81 cm फुगवून 5 cm अधिक असावी. अग्निशामक विमोचक (Fireman) या पदासाठी 20 हजार रुपये प्रतिमहिना पगार मिळणार आहे. भरती शुल्क खुल्या प्रवर्गासाठी 300 रुपये, तर मागासवर्गासाठी 150 रुपये लागतील. बायोडेटा (Resume), दहावी, बारावी आणि पदवीची शैक्षणिक प्रमाणपत्रं, शाळा सोडल्याचा दाखला, जातीचा दाखला (मागासवर्गीय उमेदवारांसाठी), ओळखपत्र (आधारकार्ड, लायसन्स), पासपोर्ट साईझ फोटो ही कागदपत्र असावीत. अर्ज करण्याची शेवटची तारीख 26 मार्च आहे.
