नितीन गडकरी यांना खंडणीची धमकी देणारा कोण?, देवेंद्र फडणवीस यांनी सांगितलं

देवेंद्र फडणवीस

नागपूर : केंद्रीय मंत्री नितीन गडकरी (Nitin Gadkari) यांना जीवे मारण्याची धमकी फोनवरून देण्यात आली. त्यामुळं गडकरी यांच्या घराची आणि कार्यालयाची सुरक्षा वाढविण्यात आली. गडकरी यांच्या नागपूर येथील कार्यालयात लँडलाईन नंबरवर धमकीचे फोन कॉल आले. १०० कोटी रुपयांची खंडणी काल मागण्यात आली. १४ जानेवारीला सकाळी तीन वेळा गडकरी यांच्या नागपूरमधील (Nagpur) कार्यालयात धमकीचे फोन आल्यानं पोलीस अलर्ट झाले.

धमकी देणाऱ्यावर खुनाचा गुन्हा

यासंदर्भात बोलताना उपमुख्यमंत्री देवेंद्र फडणवीस (Devendra Fadnavis) म्हणाले, फोन कॉल स्ट्रेस करण्यात आले. ज्या व्यक्तीनं फोन केला त्याच्यावर खुनाचा गुन्हा आहे. त्याला फाशीची शिक्षा सुनावण्यात आली आहे. त्याचा हेतू काय आहे, हे मिळविण्याचा प्रयत्न आम्ही करत आहोत.

आरोपीचा हेतू काय?

यासंदर्भात चौकशी सुरू आहे. आरोपीचा हेतू काय आहे. त्याच्यामागे आणखी कुणी आहे का, याची पडताळणी पोलीस विभाग करीत आहे. प्राथमिक दृष्ट्या असं लक्षात येत आहे की, संबंधित आरोपीनेच फोन कॉल्स केले आहेत.

बेळगावमधून आला धमकीचा फोन

कर्नाटकच्या बेळगाव येथून हा फोन आलेला आहे. नागपूर पोलिसांनी बेळगाव पोलिसांची मदत घेतली. बेळगावच्या आयुक्तांशी बोलून फोन स्ट्रेस करण्यात आला. त्यानंतर असं लक्षात आलं की, एक व्यक्ती बेळगाव येथील जेलमध्ये आहे. त्याने धमकीचा फोन केला आहे.

आरोपीपर्यंत फोन कसा पोहचला. त्यासाठी कुणाची मदत घेतली. याची माहिती घेतली जात आहे. कर्नाटक पोलीस नागपूर पोलिसांना मदत करत आहे. नागपूर पोलिसांनी तपास सुरू केला आहे. यामागचा उद्देश काय आहे, हे शोधण्याचा प्रयत्न केला जात आहे.

हा आहे तो गँगस्टर

जयेश कांता असं या गँगस्टरचं नाव आहे. पोलिसांनी सांगितलं की, तुरुंगातून ही धमकी देण्यात आली आहे. अवैधरीत्या फोनचा वाप करून त्याने धमकी दिल्याचं पोलीस आयुक्तांनी सांगितलं. बेळगाव जेल प्रशासनाने कांताकडून एक डायरी जप्त केली आहे.