अक्षय शिंदे एन्काऊंटर प्रकरणावर नीलम गोऱ्हेंची पहिली प्रतिक्रिया; म्हणाल्या, अक्षयचा मृत्यू…

नीलम गोऱ्हे

Image Credit source: Facebook

बदलापूर बाल लैंगिक अत्याचार प्रकरणातील आरोपी अक्षय शिंदेचा काल एन्काऊंटर झाला. यावरून सध्या वातावरण तापलं आहे. विरोधकांना या प्रकरणावरून सरकारला घेरलं आहे. शिवसेना शिंदे गटाच्या नेत्या नीलम गोऱ्हे यांनी या सगळ्यावर प्रतिक्रिया दिली आहे. बदलापूरमध्ये चिमुरड्या मुलीवर अत्याचार झाले तशा घटना अनेक घडल्या. पोस्कोबाबत अनेक सुधारणा केल्या मात्र न्याय मिळायला वेळ लागतो. अक्षय शिंदे याचा मृत्यू कसा झाला त्याची चौकशी करण्यासाठी सरकार चौकशी करत आहे, असं नीलम गोऱ्हे यांनी म्हटलं आहे.

नीलम गोऱ्हे यांची प्रतिक्रिया

अक्षय शिंदे याच्या एन्काऊंटरवेळी एक पोलीस अधिकारी देखील जखमी झाले आहेत. पोलिस अधिकाऱ्याने स्वतःला जखमी करण्याची घटना यापूर्वी घडलेली नाही. अक्षयच्या आईचं बोलणं दाखवत राहणं योग्य नाही. कुठलाही तपशील नाहीत. नसताना काही लोक मुख्यमंत्री, उपमुख्यमंत्री आणि पोलिस यांच्यावर राजकारणासाठी टीका करत आहेत. चौकशीचा अहवाल आल्याशिवाय कुठल्याही निष्कर्ष पर्यंत जाऊ नये, असं नीलम गोऱ्हे यांनी म्हटलं आहे.

सत्य समोर येईलच- गोऱ्हे

भारतात आपण प्रचंड संयमाने केसेस चालवल्या आहेत. त्यामुळं असे आरोप करणे चुकीचं आहे. ही केस मागे न घेणारी केस आहे. बाकी आरोपींचा देखील खटला चालतो. तो आरोपी गेला म्हणून बाकी आरोपीला थोडीच पाठीशी घालणार आहेत? त्याचे सगळे मुद्दे चार्जशीटमध्ये आले आहेत. विरोधकांची भूमिका ही निवडणुकीत फायदा उचलणारी दिसत आहे. एन्काऊंटरची काही कुठली आचारसंहिता नाही. उज्वल निकम यांच्यासारखे मोठे वकील या प्रकरणात असल्याने सगळ सत्य समोर येणारच, असं नीलम गोऱ्हे यांनी म्हटलं आहे.

ठाकरे गटाचे खासदार संजय राऊत यांनी अक्षय शिंदेच्या एन्काऊंटरवर प्रतिक्रिया दिली आहे. त्यांनी सरकारवर गंभीर आहेत. मुख्य आरोपींना वाचवण्यासाठी अक्षय शिंदेची हत्या केल्याचं राऊत म्हणालेत. यावरही नीलम गोऱ्हे यांनी प्रतिक्रिया दिली आहे. बाळासाहेब ठाकरे यांनी एन्काऊंटरच समर्थन अनेक वेळा केलं आहे. संजय राऊत यांची भूमिका दुटप्पी वाटते, असंही गोऱ्हे म्हणाल्यात.