Pune crime : खडकीच्या आर्मी बेस वर्कशॉपमधून चोरत होते लढाऊ विमानांचे सुटे भाग, लष्कराच्या अधिकाऱ्यांनी दिलं पोलिसांच्या ताब्यात
स्टील आणि तांब्यासाठी स्पेअर्स चोरीला जात असल्याचा संशय असल्याचे अधिकाऱ्यांनी सांगितले. परंतु इतर सर्व शक्यता तपासल्या जातील असे पोलिसांतर्फे स्पष्ट करण्यात आले आहे.
पुणे : खासगी कंत्राटदारासह (Private contractor) त्याचे चार कामगार रणगाड्याचे सुटे भाग विकताना आढळून आले आहेत. लष्कराच्या अधिकाऱ्यांनी त्यांना पकडले आहे. खडकी येथील 512 आर्मी बेस वर्कशॉपमधून चिलखती वाहनांचे म्हणजेच रणगाडे तसेच लढाऊ विमाने (Armoured vehicles) यांचे मुख्य सुटे भाग टेम्पो ट्रकच्या सीटखाली लपवून चोरताना एका खासगी कंत्राटदाराच्या चार कामगारांना लष्कराच्या अधिकाऱ्यांनी पकडले. त्यानंतर चार संशयितांना पुणे पोलिसांनी ताब्यात घेतले. खडकी पोलीस ठाण्यातील (Khadki Police Station) अधिकाऱ्यांनी सांगितले, की या संदर्भात 512 आर्मी बेस वर्कशॉपमधील सुभेदार दर्जाच्या अधिकाऱ्याने तक्रार नोंदवली. पोलिसांनी सांगितले, की शुक्रवारी, लष्कराच्या अधिकाऱ्यांनी बेस वर्कशॉपच्या ठिकाणी या चार संशयितांना पकडले. आठ युनिट्स जनरेटर आर्मेचर आणि बीएमपीसाठी वापरल्या जाणार्‍या दोन रेडिएटर्ससह डिकॅम्प करण्याचा प्रयत्न ते करीत होते.
चौघांना अटक
हे रणगाडे म्हणजे रशियन मूळ उभयचर पायदळ लढाऊ वाहने आहेत. सचिन सिद्धप्पा बनसोडे (32), आमोगसिद्ध केशव आठवले (38), विकास आदिनाथ साबळे (31, सर्व रा. पिंपळे गुरव) आणि मोहन उत्तम रासकर (43, भोसरी) अशी अटक करण्यात आलेल्या संशयितांची नावे आहेत. या प्रकरणाचा तपास करणार्‍या उपनिरीक्षकाने सांगितले, की सैन्य अधिकाऱ्यांनी बाहेर जाणाऱ्या वाहनांची तपासणी केली असता चोरी होत असल्याचे लक्षात आले. बेस वर्कशॉपमध्ये काम करणाऱ्या कंत्राटदाराने कामावर घेतलेल्या चार जणांना लष्कराच्या अधिकाऱ्यांनी ताब्यात घेऊन आमच्या ताब्यात दिले. आम्ही गुन्हा नोंदवला आणि चौघांना अटक केली.
‘सर्व शक्यता तपासल्या जातील’
स्टील आणि तांब्यासाठी स्पेअर्स चोरीला जात असल्याचा संशय असल्याचे अधिकाऱ्यांनी सांगितले. परंतु इतर सर्व शक्यता तपासल्या जातील असे पोलिसांतर्फे स्पष्ट करण्यात आले आहे. खडकी येथील 512 आर्मी बेस वर्कशॉप ही भारतीय लष्कराची प्रमुख तळ कार्यशाळा आहे आणि ती आर्मर्ड कॉम्बॅट व्हेइकल्स, आर्मर्ड रिकव्हरी व्हेइकल्स आणि भारतीय सेनेच्या उभयचर पायदळ लढाऊ वाहनांच्या दुरुस्तीमध्ये गुंतलेली आहे. याठिकाणी वाहनांचे पार्ट्स चोरीला जात असल्याचे समोर आले.
