सहा महिन्यांपूर्वी प्रेमविवाह, पती पत्नीत कडाक्याचं भांडण, पतीकडून पत्नीचा निर्घृण खून, कर्जत हादरलं
कर्जत तालुक्यातील मिरजगाव येथे पती पत्नीच्या भांडणात महिलेचा खून झाला आहे. या घटनेने कर्जत तालुका तसंच मिरजगाव परिसर हादरला आहे.
कर्जत (अहमदनगर) : कर्जत तालुक्यातील मिरजगाव येथे पती पत्नीच्या भांडणात महिलेचा खून झाला आहे. या घटनेने कर्जत तालुका तसंच मिरजगाव परिसर हादरला आहे. महिला दिनीदिवशी महिलेचा खून झाल्याने तालुक्यातील महिलांच्यामध्ये संतापाची लाट आहे. (Husband and wife quarrel, murder Wife Mirajgaon karjat)
प्रेमविवाह केलेल्या पत्नीचा लग्नानंतर अवघ्या सहा महिने झालेले असताना पत्नीचा निर्घृण खून केला आणि आत्महत्या केल्याचा बनाव केला मात्र पोलिसांच्या सतर्कतेमुळे गुन्हा उघडकीस आला, अशी माहिती पोलीस निरीक्षक चंद्रशेखर यादव यांना दिली.
नेमकी घटना काय?
दि. 8 मार्च रोजी मिरजगाव येथील शंकर किशोर साळवे आणि पत्नी नेहा यांच्यात दुपारी कडाक्याचे भांडण झाले. यात किशोर याने नेहाला लाथाबुक्क्याने तसंच कमरेच्या पट्टयाने मारहाण करून भिंतीवर डोके आपटले होते. यावेळी त्या ठिकाणी नेहा यांची बहीण दिक्षा आणि लहान भाऊ तेथे हजर होते. बहीण दिक्षा हिने त्यांना समजावून सांगितले परंतु त्यांचे भांडण मिटत नसल्याने दिक्षा आणि लहान भाऊ हे आपल्या गावी निघाले होते.
भाऊ-बहीण वाटेत असताना किशोर साळवे याने त्यांना फोन करून सांगितले की, नेहा हिने गळफास घेऊन आत्महत्या घेतला. मी सध्या तिला घेऊन मिरजगावमधल्या दवाखान्यात घेऊन… आलोय तुम्हीही या… असे सांगितल्याने दिक्षा आणि लहान भाऊ मिरजगाव येथे आले. तोपर्यंत नेहाचा मृत्यू झाला होता.
पोलिसांत खूनाचा गुन्हा
कर्जत पोलीस ठाण्यात अकस्मात मृत्यूची नोंद करण्यात आली. मिरजगाव दुरक्षेत्राचे पोलीस उपनिरीक्षक अमरजित मोरे यांनी घटनास्थळाची बारकाईने पाहणी केली. मृतदेहाचे शवविच्छेदन होऊन अहवालात वैद्यकीय प्रमाणपत्रात डोक्यास अंतर्गत मार लागल्याने मृत्यू झाल्याचे नमूद असल्याने मयताची बहीण दिक्षा ठोसर रा.नवसरी गुजरात यांच्या फिर्यादीवरून खुनाचा गुन्हा दाखल करण्यात आला आहे.
आरोपीला पोलिसांनी ठोकल्या बेड्या
आरोपी शंकर साळवे यास ताब्यात घेण्यात आले आहे. अधिक तपास पोलीस अधीक्षक मनोज पाटील,अप्पर पोलीस अधीक्षक सौरभकुमार अग्रवाल, उपविभागीय पोलीस अधिकारी अण्णासाहेब जाधव, पोलीस निरीक्षक चंद्रशेखर यादव यांच्या मार्गदर्शनाखाली पोलीस उपनिरीक्षक अमरजित मोरे हे करीत आहेत.
(Husband and wife quarrel, murder Wife Mirajgaon karjat)
हे ही वाचा :
अंबरनाथमध्ये चहाच्या उधारीवरुन तलवारीचे वार, एक जण जखमी, दोघांना बेड्या
