भोसरी पोलिसांची मोठी कारवाई, 24 पिस्तूल आणि 38 जिवंत काडतूस जप्त
यातील सर्व आरोपी हे सराईत गुन्हेगार आहेत, असे पोलीस आयुक्त कृष्ण प्रकाश यांनी सांगितले. (Bhosari Police seized 24 pistols and 38 cartridges)
पिंपरी-चिंचवड : पिंपरी चिंचवडमधील भोसरी पोलिसांनी मोठी कारवाई केली आहे. यात 24 पिस्तूल आणि 38 जिवंत काडतूस जप्त करण्यात आली आहेत. याप्रकरणी एकूण 12 आरोपींना अटक करण्यात आली आहे. भोसरी पोलिसांनी मध्यप्रदेशात सापळा रचून कारवाई केली आहे. यातील सर्व आरोपी हे सराईत गुन्हेगार आहेत, असे पोलीस आयुक्त कृष्ण प्रकाश यांनी सांगितले. (Pimpri Chinchwad Bhosari Police seized 24 pistols and 38 cartridges)
पिंपरी चिंचवडमध्ये गुन्हेगारीची प्रकरण वाढत आहे. तसेच गुन्हेगारांकडून सर्रासपणे शस्त्रांचा वापर केला जात आहे. या सर्व प्रकरणांना आळा बसावा यासाठी पोलीस आयुक्त कृष्ण प्रकाश यांनी कडक कारवाईचे आदेश दिले होते. या आदेशानंतर खून, दरोडा, जबरी चोरी यासारखे अनेक गुन्हे दाखल असलेल्या आरोपी रुपेश पाटील याला अटक करण्यात आली. त्याच्याकडून 4 पिस्तूल आणि 4 काडतुसासह अटक केली. त्याने हे पिस्तूल मध्यप्रदेश येथून आणल्याचे सांगितले. यानंतर पोलीस आयुक्तांच्या आदेशानंतर भोसरी पोलिसांचे एक विशेष पथक मध्यप्रदेश येथे रवाना झाले.
एकूण 12 आरोपींना अटक
यानंतर या विशेष पथकाने मध्यप्रदेशातील बडवाणी जिल्ह्यातील वरल्यात उमर्टी गावातील जंगलात सापळा रचला. यानंतर पोलिसांनी पाठलाग करुन पिस्तूलचा मुख्य डीलर रॉनी उर्फ बबलूसिंग बरनाला याला अटक करण्यात आली. त्याच्याकडून एकूण 8 पिस्तूल आणि 20 जिवंत काडतूसे जप्त करण्यात आली. (Pimpri Chinchwad Bhosari Police seized 24 pistols and 38 cartridges)
यानंतर रॉनीचा मध्यप्रदेश येथील साथीदार कालू उर्फ सुशील मांगिलाल पावरा याला 2 पिस्तूल आणि 5 जिवंत काडतुसासह अटक करण्यात आली.
रॉनी आणि कालू यांनी पुणे, पिंपरी चिंचवड आणि ग्रामीण परिसरात मोठ्या प्रमाणात पिस्तूलचा पुरवठा केल्याचे निष्पन्न झाले. यात एकूण 12 आरोपींना अटक करण्यात आली. या सर्वांवर खून, खुनाचा प्रयत्न, खंडणी, आर्म अॅक्ट अंतर्गत गुन्हे दाखल आहे. तर काहींवर मोक्का अंतर्गत कारवाई झाली आहे. (Pimpri Chinchwad Bhosari Police seized 24 pistols and 38 cartridges)
Success Story | मोती शेतीतून बंपर कमाई, 2 हेक्टरमध्ये 30 लाखांचा फायदा मिळवणाऱ्या शेतकऱ्याची गोष्टhttps://t.co/CaRLPax78s#bhargavbhaidesai | #oysterproduction | #farmstories | #agriculture
— TV9 Marathi (@TV9Marathi) January 27, 2021
संबंधित बातम्या :
दिल्लीतील शेतकरी आंदोलनाला पाठिंबा देण्यासाठी ‘शाहीन बाग’च्या धर्तीवर ‘किसान बाग’ आंदोलन