VIDEO: भाजपाला कोरोना झाला म्हणून सत्तेवरून गेली; पाप केलं की कोरोना होतो; संजय राऊतांची जहरी टीका
शिवसेना नेते संजय राऊत यांनी आज भाजपवर जोरदार हल्ला चढवला आहे. भाजपला कोरोना झाला म्हणून सत्तेवरून गेली. पाप केलं की कोरोना होतोच. (sanjay raut)
पुणे: शिवसेना नेते संजय राऊत यांनी आज भाजपवर जोरदार हल्ला चढवला आहे. भाजपला कोरोना झाला म्हणून सत्तेवरून गेली. पाप केलं की कोरोना होतोच, अशी जहरी टीका संजय राऊत यांनी केली आहे. (sanjay raut attacks BJP over alliance in maharashtra)
शिवसेना नेते संजय राऊत हे आज राष्ट्रवादीचा बालेकिल्ला असलेल्या खेडमध्ये आहेत. यावेळी शिवसेना पदाधिकाऱ्यांशी संवाद साधताना त्यांनी ही टीका केली. यावेळी तलवार देऊन त्यांचा सन्मान करण्यात आला. तसे खेड तालुक्त्यातील भाजप पदाधिकाऱ्यांनी शिवसेनेत प्रवेश केला.
भाजपला कोरोना झाला म्हणून भाजप सत्तेतून बाहेर गेली. पाप केलं की कोरोना होतोच, असं राऊत म्हणाले. यावेळी त्यांनी उपस्थितांना मास्क घालण्याचं आवाहन केलं. तुम्ही मास्क नाही घातलं तर उद्धव ठाकरे आपली चंपी करतील. आधी माझी चंपी करतील. नंतर तुमचं नाव घेऊन फटकारतील. कोरोनाची युती होऊ शकत नाही, तुला मंत्रीपद देतो, महामंडळ देतो असं चालत नाही. मुख्यमंत्री आपले आहेत. सांगतायेत नियम पाळाय. कोरोना कुठूनही घुसतो, असं ते म्हणाले.
भाजपकडून युतीत गद्दारी
आम्ही कोणाच्या वाट्याला जात नाही. आज पोलीस आमचे कार्यकर्ते उचलत आहेत. उद्या आम्ही त्यांना उचलू. आमचा राजकारणातील तो पिढीजात धंदा आहे. राजकीय कार्यकर्त्यांनी सूड उगवायचं सोडायचं नसतं,. भाजपाच्या माणसानं एक माणूस उभा केला. भाजपानं युतीतही गद्दारी केली, अशी टीकाही त्यांनी केली. भाजपनं युतीतही गद्दारी केली. त्यामुळे आम्ही राष्ट्रवादी काँग्रेस आणि काँग्रेसबरोबर गेलो. तुम्ही आमचे उमेदवार पाडत राहिलात. आम्ही तुमचं सरकार पाडलं, असा हल्लाही त्यांनी चढवला.
तर दिलीप मोहिते-पाटील घरी जातील
थोडी शिस्त आणली की दिलीप मोहिते-पाटील घरी जातील. आपण भल्याभल्यांना अंगावर घेतलंय, असं सांगत राऊतांनी पुन्हा एकदा राष्ट्रवादीला डिवचलं आहे. सत्ता हा आमचा आत्मप्राण नाही. खेडमध्ये जे राजकारण झालं ते गलिच्छ होतं. विद्यमान आमदारांना थोडी तरी माणुसकी असती तर असं घाणेरडं राजकारण केलं नसतं. आघाडी सरकारमध्ये विषय बसून सोडवले जातात. मात्र हे आमदार महाशय आपल्याच चालीने चालत आहेत. पण जे काही घडलंय त्याची नोंद ठेवलीये, असा इशाराही त्यांनी दिला. खेडमध्ये पुढचा आमदार हा शिवसेनेचाच असेल, असंही त्यांनी सांगितलं.
किड्यांचा बंदोबस्त करू
महाराष्ट्रात आघाडीचा धर्म आपण पाळला पाहिजे. तिघांचा शत्रू एकच आहे. सरकारचे मार्गदर्शक शरद पवार आहेत. आम्ही त्यांचा आदर करतो. मात्र खेडमधले जे कीडे वळवळतायेत त्यांचा आम्ही बंदोबस्त आम्ही करू, असंही त्यांनी ठणकावलं. (sanjay raut attacks BJP over alliance in maharashtra)
संबंधित बातम्या:
VIDEO: राज्यातील भाजप नेत्यांनी तरी तारतम्य पाळायला हवं होतं; मंदिर आंदोलनावरून शरद पवारांनी फटकारले
(sanjay raut attacks BJP over alliance in maharashtra)