या महापुरुषांना मोठे करण्यासाठी इतर महापुरुषांना मोडीत काढण्याचा डाव, सुषमा अंधारे यांचा घणाघात
मी सोशली करेक्ट असल्याचं सुषमा अंधारे यांनी ठामपणे सांगितलं.
पुणे : पंतप्रधान नरेंद्र मोदी यांना रावण म्हटल्यावर हिरीरीनं पुढं येणारे उपमुख्यमंत्री देवेंद्र फडणवीस हे महापुरुषांवर बोलल्यावर मात्र पुढं येत नाहीत, असा आरोप ठाकरे गटाच्या उपनेत्या सुषमा अंधारे यांनी केलाय. हेडगेवार आणि गोळवलकर हे दोनचं महापुरुष त्यांना ठेवायचे आहेत. हेडगेवार आणि गोळवलकर यांना महापुरुष करण्यासाठी इतर महापुरुष मोडीत काढण्याच्या भाजपचा प्रयत्न असल्याचंही त्या म्हणाल्या.
कालही त्यांनी मोर्चे करताना फुले, आंबेडकर आणि हेडगेवार असं केलं. हे करत असाल तर महाराष्ट्र दूधखुळा नाही. महाराष्ट्र तुमच्या अशा षडयंत्रांना बळी पडणार नाही. हेडगेवार आणि गोळवलकर हे आमचे आदर्श असूचं शकत नाहीत. सुषमा अंधारे ही लाईन स्पष्टपणे मांडते. हे त्यांना पडत नाही. त्यामुळं ते अशापद्धतीनं मला कुणीतरी कोंडीत पकडण्याचा प्रयत्न करताहेत, असंही त्यांनी स्पष्ट केलं.
माझ्यासाठी पोलिटिकल करेक्ट असण्यापेक्षा सोशली करेंक्ट असणं फार महत्त्वाचं आहे. मी सोशली करेक्ट असल्याचं सुषमा अंधारे यांनी ठामपणे सांगितलं.
चंद्रकांत पाटील यांनी सर्वांना सोडून दिलं. आता ते उद्धव ठाकरे तुम्ही उत्तरं द्या. शरद पवार तुम्ही उत्तरं द्या, असं म्हणताहेत. एकीकडं तुम्ही म्हणता मी पाच महिन्यांचं बाळ आहे, असं म्हणता. मग, पाच महिन्यांच्या बाळानं तुम्हाला उत्तरं दिली पाहिजेत का, असा पटलवारही सुषमा अंधारे यांनी केलाय.
माझ्याविरोधात कट चालू आहे. असं चंद्रकांत पाटील म्हणतात. हे खरं आहे. पण, चंद्रकांत पाटील यांच्याविरोधात भाजपात षडयंत्र आखलं जातंय. चंद्रकांत पाटील कुठं जातात. किती वाजता जातात. त्यांच्याबरोबर किती जण असतात. याची माहिती कुणाला असेल. ती भाजपलाचं असेल. त्यामुळं भाजपलाचं ते कळलेलं असेल, असा आरोपही सुषमा अंधारे यांनी केलाय.
