ठाकरे गटाच्या नेत्यांकडून पंकजा मुंडे यांना खुली ऑफर, देवेंद्र फडणवीस यांची प्रतिक्रिया काय?
उद्धव ठाकरे यांनी सांगितलं की, पंकजा मुंडे यांच्यासाठी मातोश्रीचा दरवाजा उघडा आहे. माझीही सूचना आहे की, पंकजा मुंडे यांनी ठाकरे गटात आलं पाहिजे, असंही त्यांनी सांगितलं.
पुणे : मातोश्रीचे दरवाजे खुले असले, तर पंकजा मुंडे (Pankaja Munde) तिकडं जाणार नाहीत. पंकजा मुंडे भाजपा सोडून कुठेही जाणार नाहीत. असं उपमुख्यमंत्री देवेंद्र फडणवीस (Devendra Fadnavis) यांनी म्हंटलं. पंकजा मुंडे यांना शिवसेनेत येण्याची ठाकरे गटानं खुली ऑफरचं दिली आहे. त्यानंतर देवेंद्र फडणवीस यांनी पंकजा मुंडे यांच्याबाबत विश्वास व्यक्त केला. देवेंद्र फडणवीस म्हणाले, मातोश्रीचं दार पंकजा मुंडे यांच्यासाठी खुलं असलं, तरी त्या दाराने त्या कधीचं जाणार नाहीत. भारतीय जनता पार्टी हेच त्याचं घरं आहे. त्यामुळं हे मनातले मांडे मनातचं राहणार आहेत. अशाप्रकारचे स्टेटमेंट ठाकरे गटाच्या नेत्यांनी दिली तरी ती राजकीय स्टेटमेंट राहणार आहेत.
ठाकरे गटाच्या नेत्यांकडून पंकजा मुंडे यांना खुली ऑफर देण्यात आली आहे. चंद्रकांत खैरे आणि सुनील शिंदे यांनी पंकजा मुंडे यांना खुली ऑफर दिली आहे. आमच्या कन्येवर भाजपात अन्याय होत आहे. असं चंद्रकांत खैरे यांनी म्हटलं.पंकजा मुंडे यांचं ठाकरे गटात स्वागतचं असेल, असंही सुनील शिंदे यांनी म्हटलंय.
पंकजा मुंडे यांच्यावर अन्याय
चंद्रकातं खैरे म्हणाले, पंकजा मुंडे यांच्यावर खरचं अन्याय होत आहे. गोपीनाथ मुंडे यांच्यामुळं मराठवाडा तसेच महाराष्ट्रात भाजपा मोठ्या प्रमाणात पसरली. सुनील शिंदे हे छोटे आहेत. पण, त्यांचं उद्धव ठाकरे यांच्याशी काहीतरी बोलणं झालं आहे. उद्धव ठाकरे यांनी सांगितलं की, पंकजा मुंडे यांच्यासाठी मातोश्रीचा दरवाजा उघडा आहे. माझीही सूचना आहे की, पंकजा मुंडे यांनी ठाकरे गटात आलं पाहिजे, असंही ते त्यांनी सांगितलं.
पंकजा मुंडे यांच्या नेतृत्वाला सलाम
पंकजा मुंडे या मोठ्या नेत्या आहेत. त्यांचा पक्ष मोठा आहे. त्यांचं मत आणि क्रिया-प्रतिक्रिया याच्याशी माझं काहीही म्हणणं नाही. पंकजा मुंडे या भाजपाच्या मोठ्या नेत्या आहेत. त्यांच्यावर अन्याय होतो हे आम्हाला दिसते. ते आणि त्यांचा पक्ष ही त्यांची अंतर्गत बाब आहे. पंकजा मुंडे यांच्या नेतृत्वाला आम्ही सलाम करत राहू, असंही ठाकरे गटाच्या नेत्यानं म्हंटलं.
