Pune accident : वारजे पुलावर विचित्र अपघात, एकाच कुटुंबातले चौघे गंभीर
पुण्यातील वारजे (Warje) पुलावर चार वाहनांच्या झालेल्या विचित्र अपघातात (Accident) एकाच कुटुंबातील चार जण गंभीर जखमी (Injured) झाले आहेत. या अपघातानंतर त्यांना माई मंगेशकर रुग्णालयात दाखल करण्यात आले आहे. जखमीची नावे समजू शकलेली नाहीत.
पुणे : पुण्यातील वारजे (Warje) पुलावर चार वाहनांच्या झालेल्या विचित्र अपघातात (Accident) एकाच कुटुंबातील चार जण गंभीर जखमी (Injured) झाले आहेत. सकाळी दहाच्या दरम्यान माई मंगेशकर रुग्णालयाच्या समोरील पुलावर एका गाडीचा अचानक कमी वेग झाला. त्यामुळे पुढील वॅगनार गाडीवर मागील ट्रक धडकला. पुढे टँकर असल्याने ही गाडी मध्येच चेंबली गेली. हा अपघात इतका विचित्र, भयंकर होता, की गाडीचा कोणताही भाग ओळखता येत नव्हता. या अपघातात वॅगनार गाडीचा चेंदामेंदा झाला. अपघातामध्ये एकाच कुटुंबातील पती-पत्नी आणि दोन मुली गंभीर जखमी झाले आहेत. या अपघातानंतर त्यांना माई मंगेशकर रुग्णालयात दाखल करण्यात आले आहे. जखमीची नावे समजू शकलेली नाहीत. दरम्यान अपघातानंतर रस्त्यावर वाहनांच्या रांगा लागलेल्या पाहायला मिळाल्या.
वाहनांच्या लागल्या होत्या रांगा
दुसरीकडे आज सकाळच्या सुमारासच आज पुणे-मुंबई द्रुतगती महामार्गावर वाहनांची मोठी गर्दी झाली होती. वाहतूक अत्यंत धिम्या गतीने सुरू होती. मुंबईवरून पुण्याकडे जाणाऱ्या लेनवर वाहनांच्या लांबच लांब रांगा लागलेल्या होत्या. तर वाहनाची संख्या वाढल्याने अमृतांजन पुलाजवळ वाहनांची प्रचंड मोठी गर्दी झाली होती. त्यामुळे आधीच उन्हाने बेजार झालेल्या नागरिकांना आणखी ताप झाला.
