Russia Ukraine War : महाराष्ट्रातील तब्बल 1200 विद्यार्थी यूक्रेनमध्ये अडकले, 300 विद्यार्थ्यांशी संपर्क; राज्य सरकारकडून हेल्पलाईन जारी
शिक्षणासाठी गेलेले महाराष्ट्रातील तब्बल 1 हजार 200 विद्यार्थी यूक्रेनमध्ये अडकल्याची माहिती राज्य सरकारच्या आपत्ती व्यवस्थापन खात्याकडून (Disaster Management Department) देण्यात आली आहे. यातील 300 विद्यार्थ्यांचा आपल्या पालकांशी संपर्क झाल्याचंही सरकारने सांगितलं. तसंच यूक्रेनमध्ये अडकलेल्या विद्यार्थ्यांची माहिती देण्यासाठी राज्य सरकारकडून हेल्पलाईनही जारी करण्यात आलीय.
मुंबई : रशिया आणि यूक्रेनमध्ये भीषण युद्धाला (Russia Ukraine War) सुरुवात झालीय. रशियन सैन्यानं यूक्रेनची राजधानी असलेल्या कीव शहराला वेढा घातलाय. अशावेळी यूक्रेनकडून एक पाऊल मागे घेत रशियाला चर्चेसाठी आवाहन केलं आहे. तर पूर्ण शरणागतीशिवाय चर्चा नाही, अशी भूमिका रशियाकडून घेण्यात आली आहे. अशावेळी शिक्षणासाठी गेलेले महाराष्ट्रातील (Maharashtra) तब्बल 1 हजार 200 विद्यार्थी यूक्रेनमध्ये अडकल्याची माहिती राज्य सरकारच्या आपत्ती व्यवस्थापन खात्याकडून (Disaster Management Department) देण्यात आली आहे. यातील 300 विद्यार्थ्यांचा आपल्या पालकांशी संपर्क झाल्याचंही सरकारने सांगितलं. तसंच यूक्रेनमध्ये अडकलेल्या विद्यार्थ्यांची माहिती देण्यासाठी राज्य सरकारकडून हेल्पलाईनही जारी करण्यात आलीय.
राज्यातील अंदाजे 1 हजार 200 विद्यार्थी युक्रेनमध्ये अडकलेत, त्यातील ३०० विद्यार्थ्यांशी पालकांचा संपर्क झाला. या विद्यार्थ्यांच्या संपर्कात ‘राज्य नियंत्रण कक्ष’ असून विद्यार्थ्यांसह इतर नागरिकांना परत आणण्यासाठी सर्वतोपरी प्रयत्न सुरू आहेत, अशी माहिती आपत्ती व्यवस्थापन मंत्री विजय वडेट्टीवार यांनी दिलीय. तसंच युक्रेनमध्ये अडकलेल्या विद्यार्थ्यांची माहिती राज्याचा नियंत्रण कक्ष 022-22027990 या दूरध्वनी क्रमांकावर, तसेच व्हॉट्सॲप क्रमांक 9321587143 आणि controlroom@maharashtra.gov.in या ईमेलवर द्यावी. तसेच जिल्हास्तरावर देखील हेल्पलाईन क्रमांक जाहीर केलेले आहेत, असंही वडेट्टीवार यांनी सांगितलं.
युक्रेनमध्ये अडकलेल्या विद्यार्थ्यांची माहिती राज्याचा नियंत्रण कक्ष ०२२-२२०२७९९० या दूरध्वनी क्रमांकावर तसेच व्हॉट्सॲप क्रमांक ९३२१५८७१४३ आणि controlroom@maharashtra.gov.in या ईमेलवर द्यावी. तसेच जिल्हास्तरावर देखील हेल्पलाईन क्रमांक जाहीर केलेले आहेत- मंत्री @VijayWadettiwar
— MAHARASHTRA DGIPR (@MahaDGIPR) February 25, 2022
मुख्यमंत्री उद्धव ठाकरे यांची महत्वाची सूचना
महाराष्ट्रातील जे नागरिक युक्रेनमध्ये अडकले आहेत त्यांची तिथे काय व्यवस्था आहे ते पाहण्यासाठी, तसेच त्यांना पुन्हा मायदेशी आणण्यासाठी परराष्ट्र मंत्रालयाने योग्य पद्धतीने समन्वय साधावा, असे मुख्यमंत्री उद्धव ठाकरे यांनी केंद्राच्या मुख्य सचिवांबरोबर संपर्क साधण्यासाठी त्यांनी सूचना केल्या आहेत. विशेषत: महाराष्ट्रातील जे विद्यार्थी युक्रेनमध्ये शिक्षण घेत आहेत, त्यांची काळजी घेण्यासाठी व त्यांची तेथील नेमकी त्यांची काय परिस्थिती आहे याबाबतही मुख्यमंत्री उद्धव ठाकरे यांनी केंद्राला सांगितले. कारण सध्या युक्रेनमधील परिस्थिती भयंकर आहे. त्यामुळे आपल्या देशातील नागरिकांची काळजी करण्यासारखीच परिस्थिती असल्याने उद्धव ठाकरे यांनी केंद्र शासनाशी संपर्क साधून मुख्य सचिवांबरोबर याबाबत चर्चा केली.
महाराष्ट्रातून उद्योग, शिक्षण, व्यवसायनिमित्त तिथे गेलेल्या नागरिकांच्या सुरक्षिततेबाबत मुख्यमंत्र्यांनी चिंता व्यक्त केली आहे. त्यामुळे मुख्य सचिवांनी केंद्र शासनाशी समन्वय साधून नागरिकांबरोबर सातत्याने संपर्कात राहावे असेही सांगण्यात आले आहे. सध्या युक्रेनमधील युद्धजन्य परिस्थिती असल्याने महाराष्ट्रातील नागरिकांची काळजी घेण्याच गरज असल्याचेही त्यांनी सांगितले. याबाबत केंद्राने परराष्ट्र खात्याबरोबर संपर्क साधून नागरिकांना देशात घेऊन येण्यासाठी समन्वय साधावा असेही त्यांनी सांगितले आहे.
In light of the current situation in Ukraine, CM Uddhav Balasaheb Thackeray has directed the administration to swiftly work in tandem with the Ministry of External Affairs to ensure the safe return of our citizens, especially students from Maharashtra.
— CMO Maharashtra (@CMOMaharashtra) February 24, 2022
इतर बातम्या :