‘मोदींच्या महाराष्ट्रात प्रचंड सभा झाल्या, 15 हजार खुर्च्यांपैकी 14 हजार रिकाम्याच होत्या,’ राऊतांचा पंतप्रधानांना खोचक टोला
संजय राऊत यांनी पुन्हा एकदा भाजप आणि पंतप्रधान नरेंद्र मोदी यांच्यावर जोरदार हल्लाबोल केला आहे.
शिवसेनेच्या लाडक्या बहिणी मोठ्या संख्येने उपस्थित आहेत, दीड हजार ही रक्कम आहे का? आपण परवा महालक्ष्मी योजना जाहीर केली, महिन्याला ३ हजार, महिलांना राज्यभरात मोफत प्रवास, मानसन्मान राहील अशा या योजना आहेत. सिलींडर १४०० रुपयांना आणि २५ लाखांचा विमा याला राज्य चालवणे म्हणतात का? योजना यासाठी सांगितल्या पंतप्रधान नरेंद्र मोदी तीन चार दिवसांपासून राज्यात आहेत, प्रचंड सभा झाल्या. 15 हजार खुर्च्या होत्या, त्यातल्या 14 हजार रिकाम्या होत्या, असा खोचक टोला यावेळी राऊत यांनी लगावला आहे.
पुढे बोलताना ते म्हणाले की, नाशिकमध्ये मोदी होते, नेहमीप्रमाणे थापा मारून गेले, राज्याला कटांळाला आला आहे. फडणवीस यांनी कशा थापा मारल्या हे कराड यांनी सांगितलं. हे शहर दत्तक घेतले त्यांनी पोटचा मुलगा सोडा, सावत्र मुलाप्रमाणे सुद्धा सांभाळ केला नाही
नागपूरमध्ये सुद्धा यांना रोजगार ठेवता आला नाही. सगळ्याचा हिशोब करू, या राज्यातून हे विष गेलं पाहिजे. त्यांनी कुठे आणलं अमृत समुद्र मंथन केले का ? तिकडे कमला हरल्या इकडे कमळबाई हरणार. दहा वर्षांत चुका केल्या ती सुधारण्याची वेळ आली आली आहे, असं राऊत यांनी म्हटलं. तसेच यावेळी बोलताना त्यांनी महविकास आघाडीचे उमेदवार सुधाकर बडगुजर यांना विजयी करा असं आवाहान देखील केलं.