पोलीस निरीक्षकाने युवकांना उडवले, पोलिसाच्या गाडीत होती दारूची बॉटल, मग संतप्त जमावाने…

प्रतिनिधी, सातारा : वाहन चालवताना काही जण तारतम्य बाळगत नसतात. सुसाट वेगाने गाडी चालवतात. त्यात युवकांचा मोठ्या प्रमाणात भरणा असतो. काही तरुण तरुणपणाचा जोश ते असा काढत असतात. पण, तरुणांसह इतरही काही जण रस ड्रायव्हिंग करताना दिसून येतात. पोलीस त्यांच्यापुढे नतमस्तक होतात. अशा रस ड्रायव्हिंग करणाऱ्यांना पकडण्याची हिंमत सहसा पोलिसांत नसते. कमजोर बकरे पाहून त्यांना कापण्यात काही पोलीस धन्यता मानतात.

फलटण येथे वेगळेच प्रकरण समोर आले. पोलीस निरीक्षकच रस ड्रायव्हिंग करत होते. दोन युवकांना त्याने रस ड्रायव्हिंगमध्ये उडवले. त्यानंतर तो मद्यधुंद अवस्थेत असल्याचे लोकांच्या लक्षात आले. त्यांना गाडीची तपासणी केली. तेव्हा तिथं दारूच्या बॉटल्स सापडल्या. त्यानंतर जमाव संतप्त झाला. त्यांना त्या पोलीस निरीक्षकाला चांगलेच धुतले. सध्यातरी याची तक्रार करण्यात आली नाही. पण, पोलीस निरीक्षकाची चांगलीच बदनामी झाली आहे. पोलीस विभाग त्याच्यावर काय कारवाई करते हे पाहावे लागेल.

पोलीस निरीक्षकाची रस ड्रायव्हिंग

फलटण येथे रात्री उशिरा मद्यधुंद अवस्थेत एका पोलीस निरीक्षकाने गाडी चालवली. यात रात्री पोलिसाच्या गाडीने युवकांना उडवल्याची घटना घडली. यानंतर संतप्त जमावाने मंद्यधुंद पोलीस निरीक्षकाला चोप दिला.

रात्री साडेअकरा वाजताची घटना

पोलीस निरीक्षक दादासाहेब पवार असे संबंधित पोलीस अधिकाऱ्याचे नाव आहे. फलटण शहर पोलीस ठाण्यातून नुकतीच त्यांची बदली सातारा कंट्रोल रूम या ठिकाणी झाली होती. फलटणमध्ये येऊन दादासाहेब पवार याने रात्री साडेअकरा वाजण्याच्या सुमारास दत्तनगर येथे मद्यधुंद अवस्थेत युवकांना उडवले.

युवकांना झाली किरकोळ दुखापत

या घटनेनंतर स्थानिक नागरिकांनी त्याची गाडी थांबवून तपासणी केली. या गाडीमध्ये दारूची बाटली आढळून आली. संतप्त जमावाने संबंधित पोलीस अधिकाऱ्याला चांगलाच चोप दिला आहे. या अपघातातील दोन्ही युवकांना किरकोळ दुखापत झाली आहे. या घटनेची फलटण पोलीस ठाण्यात नोंद झालेली नाही.