Ulhasnagar Fire : उल्हासनगरात जीन्स कारखान्याला मोठी आग, आगीत जीन्सचे रोल आणि मशिनरी जळून खाक
हा कारखाना अतिशय दाटीवाटीच्या लोकवस्तीत असल्यानं आग शेजारी पसरण्याची भीती होती. मात्र अग्निशमन दलाच्या तीन गाड्यांनी मिळून ही आग नियंत्रणात आणली. सुदैवाने या आगीत कोणतीही जीवितहानी झाली नसून आर्थिक नुकसान मात्र मोठ्या प्रमाणात झालं आहे.
उल्हासनगर : उल्हासनगरात जीन्सच्या कारखान्या (Jeans Factory)ला आज मोठी आग (Fire) लागली. या आगीत कारखाना संपूर्णपणे जळून खाक झाला. उल्हासनगरच्या कॅम्प 5 भागातील जय जनता कॉलनीत ओमप्रकाश प्रजापती यांचा जीन्स कारखाना आहे. या कारखान्यात जीन्स पॅन्ट तयार करण्यासाठी लागणाऱ्या कापडाचे मोठमोठे रोल्स, मशिनरी आणि इतर साधन सामुग्री होती. या कारखान्याला आज सकाळी सातच्या सुमारास आग लागल्याचं स्थानिकांच्या निदर्शनास आलं. त्यानंतर अग्निशमन दलानं घटनास्थळी धाव घेत आग विझवण्यासाठी शर्थीचे प्रयत्न सुरू केले. (A huge fire at a jeans factory in Ulhasnagar, burning jeans rolls and burning machinery)
हा कारखाना अतिशय दाटीवाटीच्या लोकवस्तीत असल्यानं आग शेजारी पसरण्याची भीती होती. मात्र अग्निशमन दलाच्या तीन गाड्यांनी मिळून ही आग नियंत्रणात आणली. सुदैवाने या आगीत कोणतीही जीवितहानी झाली नसून आर्थिक नुकसान मात्र मोठ्या प्रमाणात झालं आहे.
इचलकरंजीत गोदामांना आग
इचलकरंजीत गुंज व स्क्रॅपच्या कारखान्यांना भीषण आग लागून यात कोट्यवधींचे नुकसान झाले आहे. सुदैवाने यात कोणतीही जीवितहानी झाली नाही. आगीचे नेमके कारण अद्याप समजू शकले नाही. इचलकरंजी शहरालगत असलेल्या चंदूर ओढ्यानजीक स्क्रॅपचे अनेक गोदामे आहेत. त्यामध्ये स्क्रॅप साहित्य, वेस्टेज सूत, वेस्टेज कोन त्यासह कापूस, कार्टन आदी आहेत. या गोडाऊन पैकी एका वेस्टेज कापसाच्या गोडाऊनला शनिवारी रात्री 10 च्या सुारास आग लागली. बघता बघता आगीने रौद्ररूप धारण करीत चार गोदामांना भक्ष्यस्थानी घेतले. अग्नीशमन दलाने शर्थीचे प्रयत्न करुन आग आटोक्यात आणली.
पंढरपूरमध्ये उसाच्या फडाला आग
पंढरपूर तालुक्यातील खर्डी येथे उसाच्या फडाला आग लागली. या आगीत शेतकऱ्याचे लाखोंचे नुकसान झाले आहे. शेतकरी बाळासाहेब म्हाडेकर आणि भिमराव म्हाडेकर यांच्या दहा एकर उसाला आग लागली. शॉर्टसर्किटमुळे आग लागल्याची माहिती मिळते. आगीत ऊस पिकाचे प्रचंड नुकसान झाले. (A huge fire at a jeans factory in Ulhasnagar, burning jeans rolls and burning machinery)
इतर बातम्या
Pimpri-Chinchwad crime| पिंपरीत वल्लभनगर एसटी आगारातील कर्मचाऱ्यांने उचलले ‘हे’ टोकाचे पाऊल