Ulhasnagar Beating : फुगा मारल्याचा जाब विचारणाऱ्या विद्यार्थ्याला मारहाण, उल्हासनगरच्या मध्यवर्ती पोलीस ठाण्यात गुन्हा दाखल

उल्हासनगरमधील धक्कादायक प्रकार!

Image Credit source: TV9 Marathi

उल्हासनगर : अंगावर पाण्याचा फुगा मारल्याचा जाब विचारणाऱ्या एका 16 वर्षीय विद्यार्थ्याला मारहाण (Beating) करण्यात आल्याची घटना उल्हासनगरमध्ये घडली आहे. जयेश गिझलानी असे या विद्यार्थ्याचे नाव आहे. या विद्यार्थ्यांला चावीने डोळ्याजवळ मारण्यात आले. यात विद्यार्थ्याच्या डोळ्याजवळ दुखापत (Injury) झाली आहे. सुदैवाने त्याचा डोळा यात थोडक्यात बचावला. याप्रकरणी मध्यवर्ती पोलीस ठाण्यात गुन्हा दाखल करण्यात आला आहे. आरोपी फरार असून पोलिस त्याचा शोध घेत आहेत. (A Student beaten in Ulhasnagar, case registered at Central Police Station)

मारहाणीत विद्यार्थ्याच्या डोळ्याला जखम

जयेश हा होळीच्या दिवशी कोचिंग क्लासेसहून घरी जात होता. याच वेळी काही मुलं रस्त्यावरून येणाऱ्या जाणाऱ्या नागरिकांच्या अंगावर पाण्याने भरलेले फुगे मारत होते. त्यांनी जयेशच्या अंगावरही फुगा मारला. जयेशने याचा जाब विचारला असता याचा राग आल्याने एका तरुणाने त्याला बेदम मारहाण केली. या मारहाणीत जयेशच्या डोळ्याखाली गंभीर जखम झाल्याने त्याला उपचारांसाठी रुग्णालयात दाखल करण्यात आले आहे. या घटनेनंतर मध्यवर्ती पोलीस ठाण्यात मारहाण करणाऱ्या तरुणाला आणून बसवलं होतं. मात्र तिथून पोलिसांना तुरी देत तो पसार झाला. सध्या पोलिसांनी अज्ञाताविरोधात गुन्हा दाखल केला आहे.

नाशिकमध्ये रुग्णालयात घुसून डॉक्टरच्या मुलाला बेदम मारहाण

नाशिकमध्ये रुग्णालयात व्यवस्थापक म्हणून काम पाहणाऱ्या डॉक्टरच्या मुलाला बेदम मारहाण केल्याची घटना घडली आहे. ही संपूर्ण घटना सीसीटीव्ही कॅमेरात कैद झाली आहे. नाशिकच्या म्हसरूळ परिसरातील लिलावती हॉस्पिटलमधील काल दुपारी ही घटना घडली आहे. मारहाण केल्यानंतर आरोपी फरार आहे. याप्रकरणी म्हसरूळ पोलिस स्टेशनला गुन्हा दाखल करण्यात आला आहे. उपचारासाठी आणेलेल्या मित्रावर उपचार करण्यास डॉक्टरांनी विलंब केल्याने तोडफोड आणि मारहाण करण्यात आली. (A Student beaten in Ulhasnagar, case registered at Central Police Station)

इतर बातम्या

Pune Crime| इंदापूर पोलिसांची कामगिरी ! 20 लाखांच्याअवैद्य गुटख्यासह लाखोंचा मुद्देमाल जप्त

Buldhana Fake Note : नकली नोटा प्रकरणात MIM च्या माजी जिल्हाध्यक्षाला अटक, आतापर्यंत सात आरोपींना अटक