Mesta : मेस्टाच्या नावाचा गैरवापर करणाऱ्या शाळांच्या विरोधात कारवाईची मागणी

मेस्टाच्या नावाचा गैरवापर करणाऱ्या शाळांच्या विरोधात कारवाईची मागणी

Image Credit source: tv9

कल्याण : मेस्टाशी संलग्न असलेल्या शाळांनी 15 टक्के शुल्क कपात (Fee Reduction) केली असल्यास त्यांच्या विरोधात सरकारने कारवाई करुन नये असे न्यायालयाने म्हटले आहे. मात्र ज्या शाळा मेस्टा (Mesta)शी संलग्न नाही. त्यांनी देखील 15 टक्के कपात केली आहे. त्यांच्या विरोधातील सरकारी कारवाईपासून वाचण्याकरीता त्या मेस्टाच्या नावाचा गैरवापर करीत आहे. अशा शाळांच्या विरोधात कारवाई करण्याची मागणी मेस्टाचे अध्यक्ष डॉ. संजय तायडे यांनी केली आहे. महाराष्ट्र इंग्लिश स्कूल ट्रस्टीज असोशिएशनचे अध्यक्ष तायडे यांच्या उपस्थितीत आज नंदी पॅलेस हॉटेलमध्ये एक बैठक पार पडली. (Demand for action against schools that misuse Mesta’s name)

22 हजार शाळांचा कारवाईपासून वाचण्याचा प्रयत्न

या बैठकीला इंग्रजी शाळांचे विश्वस्त उपस्थित होते. त्याचबरोबर प्रा. गजानन पाटील, राजेश उज्जैनकर, ठाणे जिल्हाध्यक्ष शितल तेंबलकर, प्रा. के. एस. अय्यर आदी उपस्थित होते. अध्यक्ष तायडे यांनी सांगितले की, मेस्टाशी संलग्न असलेल्या शाळांना 25 टक्के शुल्क सवलत दिली होती. न्यायालयाच्या आदेशानुसार सरसकट 15 टक्के शुल्क कपात करण्यात आली. मात्र मेस्टाने आधीच 25 टक्के शुल्क सवलत दिली असल्याने 15 टक्के शुल्क कपात मान्य नसल्याचे म्हटले होते. न्यायालयाने मेस्टाशी संलग्न असलेल्या शाळांच्या विरोधात कारवाई केली जाऊ नये असे म्हटले आहे. राज्यभरात इंग्रजी माध्यमाच्या 40 हजार शाळा आहे. त्यापैकी 18 हजार शाळा मेस्टाशी संलग्न आहे. 9 हजार शाळा बेकायदेशीर आहेत. त्यामुळे 18 हजार मेस्टा संलग्न शाळा वगळता अन्य 22 हजार शाळा या मेस्टाशी संलग्न नसताना संलग्न असल्याचे सांगून सरकारच्या कारवाईपासून वाचण्याचा प्रयत्न करीत आहे. त्यांच्या विरोधात कारवाई केली जावी अशी मागणी अध्यक्ष तायडे यांनी केली आहे. (Demand for action against schools that misuse Mesta’s name)

इतर बातम्या

Kalyan Crime : कल्याण रेल्वे स्थानकात महिलेला मोबाईल हिसकावून पळणारे चोरटे गजाआड

Ambernath | आईला मारहाण करणाऱ्या दारुड्या बापावर पोरांचा संताप, एकदाची अद्दल घडवली